އެމްއާރުޑީސީ އުވާލައި، ދަރަންޏެއް އޮތްތޯ ބަލަނީ

ޕަބްލިކް ވޯކްސް، އެމްއާރުޑީސީގެ ސައިޓަށް ބަދަލުކޮށްފައި-- ފޮޓޯ: ހުސައިން ވަހީދު/މިހާރު

އާމިނަތު ޝިފްލީން، މިހާރު

15 މާޗް 2018 - 17:56

މޯލްޑިވްސް ރޯޑް ޑިވެލޮޕްމެންޓް ކޯޕަރޭޝަން (އެމްއާރުޑީީސީ) އުވާލުމަށް ނިންމައި، އެ ކުންފުނީގެ ފަރާތުން އެއްވެސް ފައިސާއެއް ލިބެން ޖެހޭ ބަޔަކު ނޫނީ ކުންފުންޏެއް އޮތްތޯ ބެލުމަށް މިއަދު އިއުލާންކޮށްފި އެވެ.

އެމްއާރުޑީސީން ގެޒެޓުގައި ކޮށްފައިވާ އިއުލާނެއްގައި ބުނީ އެ ކުންފުނި އުވާލުމުގެ މަސައްކަތް މިހާރު ކުރަމުން އަންނަ ކަމަށެވެ. އެހެންވެ، ކުންފުނީގެ މައްޗަށް އެއްވެސް ދަރަންޏެއް އޮތް ފަރާތެއް ނަމަ، އަންނަ އާދިއްތަ ދުވަހުން ފެށިގެން ހަތް ދުވަހުގެ ތެރޭގައި ފައިސާގެ ބިލާއެކު އެކަން ހުށަހެޅުމަށް އެދިފައި ވެ އެވެ. އެމްއާރުޑީސީން ބުނީ އޭގެ ފަހުން ހުށަހަޅާ އެއްވެސް ބިލެއް ނޫނީ ލިޔެކިޔުމެއް ބަލައި ނުގަންނާނެ ކަމަށެވެ.

MRDC ge masahkaiythah Housing Ministry ge dhashah badhalukoffi

The most trusted news source in the Maldives

Mihaaru

"މިހާރު" އަށް އެނގިފައިވާ ގޮތުގައި މިދިޔަ މަހުން ފެށިގެން، އެމްއާރުޑީސީގެ ބިޒްނަސް ޑިވެލޮޕްމެންޓް ފިޔަވައި އެހެން ހުރިހާ ޑިޕާޓްމެންޓެއްގެ މުވައްޒަފުންނާއި މަސައްކަތްތައް ވަނީ ހައުސިން މިނިސްޓްރީގެ ޕަބްލިކް ވޯކްސް ސާވިސަސްގެ ދަށަށް ބަދަލުކޮށްފަ އެވެ.

ރާއްޖޭގެ އެކި ރަށްރަށުގައި މަގު ހެދުމުގެ އިތުރުން ފުޓުބޯޅަ ދަނޑާއި ނަރުދަމާ އެޅުމުގެ މަސައްކަތް ވެސް ކުރަމުން ދިޔަ އެމްއާރުޑީސީ އުވާލަން އެ ކުންފުނީގެ ބޯޑުގައި މަޝްވަރާ ކޮށްފައި ވަނީ މިދިޔަ ޖެނުއަރީ މަހުގެ ތެރޭގަ އެވެ.

އެމްއާރުޑީސީއަކީ ކޮރަޕްޝަންގެ ބޮޑެތި ތުހުމަތުތަކެއް އެޅިފައިވާ ކުންފުންޏެކެވެ. އަދި އެއީ ކުރު މުއްދަތެއްގެ ތެރޭގައި އެންމެ ގިނަ މެނޭޖިން ޑިރެކްޓަރުން އައްޔަންކުރި ކުންފުނި ވެސް މެ އެވެ. މިހާތަނަށް އެ ކުންފުނީގައި ފަސް މެނޭޖިން ޑިރެކްޓަރުން މަސައްކަތްކޮށްފައިވެ އެވެ.

ކޮރަޕްޝަން ސަރުކާރުގެ ގެޒެޓް އެމްއާރްޑީސީ

6 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓަރުންގެ ސިޓީ / އައްޑޫ ސިޓީ

16 March 2018

ފެނަކަ ، ރޯޑް ކޯޕަރޭޝަން ފަދަ ކުންރުނިތަކަކީ މިސަރުކާރާއި އެކު ނިމި އުވިގެންދާނެ ކުންފުނިތައް. ތިއީ ބޮޑުރޭވުން ގަނޑެއްގެ ތެރެއިން “މުޅިން އެހެން މަޤުސަދެއް ހާސިލް ކުރުމަށް” ޔޫޓިލިޓީޒް ކުންފުނިތައް އުވާލާފައި ޔާމިންގެ ސަރުކާރުން ކުރި ކަމެއް. . . . . . . ޤާނޫނު އަސާސީގައި “ދައުލަތުގެ އިދާރީ ދާއިރާތައް ހިންގާންވާނީ ލާމަރުކަޒީ އުސޫލުން” ކަމަށް ލިޔެ އަމުރު ކުރި ފަރާތްތަކަށް ވެސް އިގޭ މިދައުލަތަކީ ޔޫނިޓަރީ ދައުލަތެއްކަން. . . . . . . އެހެން ނަމަވެސް ޔުނިޓަރީ ދައުލަތެއްގައި ސަރަހައްދީ ރައްޔިތުންނަށް އެމިހުންގެ ކަންކަން އަމިއްލައަށް ކުރުމުގެ ޤާނުނީ އިހްތިޔާރު ދިނުމަކީ އެއްވެސް ހާލެއްގައި ގޯސް ކަމެއްނޫން. . . . . ﷲ ގެ މިންވަރު ފުޅާއި އެކު ކުރިއަށް އޮތް 2018 ނޮވެމްބަރ 11 ވަނަ ދުވަހުން ފެށިގެން މިރާއްޖޭގައި އަލުން ލާމަރުކަޒީ ޤާނޫނުގެ ބާރު ރައްޔިތުން އެދޭފަދައިން ހިންގާނެ ސަރުކާރެއް އަންނާނެ. . . ރައްޔިތުންނަށް މިނިވަންކަން އިހްތިޔާރު ދީގެން މެނުވީ ސުލްހަ ޤާއިމް ނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

15 March 2018

އަނެއްކާ އަނެއް ކުންފުންޏެއް ހަދާ! އެތަނުންވެސް ބޭނުންވާ ވަރަށް ފައިސާ ތިމާމެންގެ އަމިއްލަ އެކައުންޓް ތަކަށް ޖަމާޢު ވުމަށްފަހު އެތަންވެސް އޮވާލާ! މި ޤައުމުގާ މި އޮތީ ރައްޔިތުންގެ ފައިސާ އިން ވައްކަން ކުރުުމުގެ ނިޒާމެއް ޤާއިމު ކޮއްދީފަ.