އިންޑިއާގެ ސުޕްރީމް ކޯޓު: ފާޑު ކިޔުންތައް ބަލައިގަންނަންޖެހޭ ކަމަށް އެ ކޯޓުން ބުނޭ --ފޮޓޯ/ގޫގުލް
29 ޖުލައި 2016 - 21:50
11 comments
ސަރުކާރަށް ފާޑު ކިއުމަކީ ސަރުކާރުގެ ވެރިންގެ އަބުރާ ބެހުން ކަމަށް ނުވާނެ ކަމަށާއި އިދިކޮޅު ހިޔާލުތަކަށް ފުރުސަތު އޮންނަން ޖެހޭނެ ކަމަށް އިންޑިއާގެ ސުޕްރީމް ކޯޓުން އިއްޔެ ބުނެފި އެވެ.
ދުނިޔޭގެ އެންމެ ބޮޑު ޑިމޮކްރަސީ ކަމަށްވާ އިންޑިއާގެ ސުޕްރީމް ކޯޓުން އެ ގޮތަށް ބުނީ އެ ގައުމުގެ ޓެމިލްނާޑޫގެ ޗީފް މިނިސްޓަރަށާއި އެ ސްޓޭޓުގެ ސަރުކާރަށް ފާޑު ކިއަމުން ދިޔަ މީހަކާ ދެކޮޅަށް އަބުރާ ބެހުމުގެ ދައުވާކޮށް، އޭނާގެ މައްސަލަ ބަލަން ދަށު ކޯޓަކުން ފެށުމުން އެ މައްސަލަ އެ މީހާގެ ފަރާތުން އިސްތިއުނާފް ކުރުމުންނެވެ.
އެ މައްސަލަ ބަލާ ސުޕްރީމް ކޯޓުގެ ފަނޑިޔާރުންގެ ބެންޗުން ބުނީ އަބުރާ ބެހުމަކީ ޖިނާއީ ކުށެއްގެ ގޮތުގައި އޮތުން ރަނގަޅު ކަމަށް އެ ކޯޓުން ކުރިން ނިންމާފައި އޮތަސް އޭގެ މާނައަކީ އިދިކޮޅު ހިޔާލުތަކަށް ފުރުސަތު ނެތުން ނޫން ކަމަށެވެ. އަދި ސަރުކާރާއި ދައުލަތުގެ އިސްވެރިންނަށް ފާޑު ކިއުމަކީ އަބުރާ ބެހުން ކަމަށް ނުވާނެ ކަމަށް އެ ބެންޗުން ބުންޏެވެ.
"ސަރުކާރު ކޮރަޕްޓް ކަމަށް ނުވަތަ ނުކުޅެދިފައިވާ ކަމަށް މީހަކު ބުނުމަކީ އަބުރާ ބެހުމުގެ ދައުވާ ކުރެވޭނެ ކަމެއް ނޫން. ފާޑު ކިއުންތައް ބަލައިގަނެވެން ޖެހޭނެ. އަބުރާ ބެހުމަކީ ކުށެއް ކަމަށް އޮންނަ މާއްދާ ސިޔާސީ ހަތިޔާރަކަށް ބޭނުމެއް ނުކުރެވޭނެ،" އެ ބެންޗުން ބުނެފައިވެ އެވެ.
ޑިމޮކްރަސީގެ އުސޫލަކީ ފާޑު ކިއުންތަކަށް ފުރުސަތު އޮތުން ކަމަށާއި އަބުރާ ބެހުމަކީ ޖިނާއީ ކުށެއް ކަމަށް އިންޑިއާގެ ގާނޫނުލް އުގޫބާތުގައި އޮންނަ މާއްދާގެ ބޭނުން ނާޖާއިޒް ގޮތުގައި ނުހިފަން އެ ބެންޗުން ގޮވާލި އެވެ.
ޓެމިލްނާޑޫގެ ޗީފް މިނިސްޓަރު ޖަޔަލަލިތާއަށާއި އެ ސްޓޭޓުގެ ސަރުކާރަށް ފާޑު ކިއުމުން ދިޔަ މީހަކާ ދެކޮޅަށް ސަރުކާރުން އަބުރާ ބެހުމުގެ ދައުވާކޮށް، އެ މީހާ އާއި އެ މީހާގެ އަނބިމީހާ ހައްޔަރުކުރަން ދަށު ކޯޓަކުން އަމުރު ނެރެފައި ވަނިކޮށް ސުޕްރީމް ކޯޓުން މިހާރު ވަނީ ދަށު ކޯޓުގެ ޝަރީއަތް މަޑުޖައްސާލަން އަމުރުކޮށްފަ އެވެ.
މީގެ އިތުރުން ޖަޔަލަލިތާ އަށް ފާޑު ކިޔައިގެން މިހާތަނަށް ކޮށްފައިވާ އަބުރާ ބެހުމުގެ ދައުވާތަކުގެ ލިސްޓެއް ހަދައި، ދެ ހަފުތާ ތެރޭގައި ކޯޓަށް ހުށަހަޅަން ވެސް ސުޕްރީމް ކޯޓުން ވަނީ ޓެމިލްނާޑޫގެ ސަރުކާރަށް އަންގައިފަ އެވެ.
އިންޑިއާގައި އަބުރާ ބެހުމަކީ ޖިނާއީ ކުށެއްގެ ގޮތުގައި އޮންނަ އޮތުން ރަނގަޅު ކަމަށް އެ ގައުމުގެ ސުޕްރީމް ކޯޓުން ކުރިން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދާދިފަސް
30 July 2016
ޖަޔަލަލީތާގެ މިނިސްޓަރުން ސްޓޭޓުގެ ފައިސާއާއި އެސެޓް ނަހަމަގޮތުގައި އަމިއްލަ މަސްލަޙަތަށް ބޭނުން ކުރީއޭ ބުނިމީހާ އެބެހުނީ ހަމަ އަނބުރާ. ޖަޔަލަލިތާ ޗޯރުކަން ކުރީޔޭ ބުނީމާވެސް އެބެހެވުނީ އަނބުރާ. އިންޑިޔާ ސްޕްރީ،މް ހާދަ ތަރައްގީއެއްނުވެޔޭ. ނެގިޔަސް ނެގިކަމަށް ޝަރިޢަތުން ނުނިންމަނީ ނެގިޔޭ ބުނެގެންނުވާނެ. އެވެސް ވާނީ އަނބުރާ ބެހުނުކަމަށް. އަދިކޮބާ ދަށުކޯޓުން ނިންމިޔަސް ބުނެގެން ނުވާނެ ސާބިތުވެއްޖެޔޭ ސްޕްރީމް އިން ނިންމީމާ ބުނަންވާނީ ނެގިޔޭވެސް ނުނަގަޔޭވެސް.
ކިޔުންތެރިޔާ 767
30 July 2016
ހުޅަނގުގެ މީހަކާ ދިމާލަށް ޔަހޫދީއޭ ބުނުމުން އަބުރު ގެއްލޭނެބާ؟ މިހެން މިބުނީ ހުޅަނގުގެ ފަރާތްތަކަށް ޔާހޫދީ ބައިގަނޑޭ ކިޔާފަ ބައެއް މީހުން ގޮވާތީ. ހުޅަނގުގަ އުޅޭ މުސްލިމުންވެސް، އިރުމަތީ ގައުމުތަކުން ހިޖުރަކުރާ މީހުންވެސް.
ޑޯން
30 July 2016
މިއީ ދިވެހިރާއްޖެއެވެ. މިތާ ސުޕްރީމް ކޯޓުން ބުނަނީ ކީކޭ؟ މަށަކަށް ހީއެއްނުވޭ ތިހެން ބުނާނެހެން.
ލަބީދު
30 July 2016
މިރައީސް ބުނަނީ ކީކޭ..،
އަލްޖިބްރާ
30 July 2016
ވައްކަން ކުރީމަ ބުނަންވީ މުދަލުގެ ޒަކާތް ދެއްކީއޭތަ ؟ ވައްކަންކޮށްފަ އެކަން ފޮރުވަން ހުރިހާހެކި ނައްތާލާ ، އެކަން ފަޅާއަރުވާލި މީހުން ޖަލަށް ލީމާ ޤައުމުގެ މަސްލަހަތު ނަގާލަނީއޭ ކިޔާނީ ހަމައެކަނި މި ފިޔާތޮށި ސަރުކާރުން !
މުލޭ
29 July 2016
ފާޑުކިޔުމާއި އަބުރާބެހުމަކީ ތަފާތު ދެކަމެއް. ސަރުކާރުންކުރާ ކަންކަމަށް ފާޑުކިއުމުގެ ފުރުސަތު އޮންނަންވާނެ. އެކަމަކު މިވެނި މީހަކު ވައްކަންކޮށްފިޔޭ، ޒިނޭކޮށްފިޔޭ، އެއީ މުސްލިމެއް ނޫނޭ ކިޔާ ސާބިތުނުހިފޭ ވާހަކަ ވަކިމީހަކާ ދިމާލަށް ގޮވުމަކީ އަބުރުގެއްލޭނެކަމެއް.
ޙަސަން
29 July 2016
އެހެންނަމަ ރަސޫލާގެ އަބުރުވެސް ގެއްލުނީސް. ޢެކަމަކު ނުގެއްލޭދޯ.
ޢަބްދުﷲނާފިޒު
30 July 2016
މީހަކު އަނެކާއާ ދިމާލަށް ވައްކަންކޮށްފިޔޭ، ޒިނޭކޮށްފިޔޭ، އެއީ މުސްލިމެއް ނޫނޭ ކިޔާ ގޮވާ އިލްޒާމުތަކެއް އަޅުވާނަމަ އެއީ ދޮގު އިލްޒާމުތަކެއްކަން ކޯޓަށް ހުށަހަޅައިގެން ސާބިތުކޮށްދިނީމަ އަބުރެއް ނުގެއްލޭނެ، މީހަކު ހަމަ ހުރެފަ އަނެކާއާ ދިމާލަށް އެފަދަ ވާހަކަތަކެއް ނުގޮވާނެ، ކޮންމެވެސް ހަޤީޤަތްތަކެއް އޮންނާނެ، ހިތްވަރެއް ހުރިއްޔާ ވައްކަން ނުކުރާކަން ސާބިތުކޮށްދިނީމަ އަބުރަށް އެންމެ ތިއްކެއްވެސް ނުބުރާނެ.
މިރައީސް
30 July 2016
ވައްކަން ކުރީމަ ނުބުނާނެ ނަމާދު ކުރީ އެކޭ. ރައްޔިތަކު ތުހުމަތެއް ކޮށްފިއްޔާ ވެރިން ޖެހޭނީ އެކަމެއް ނުކުރާކަން ސާބިތު ކޮށްދޭން. އެމީހަކު ނިޒާމުން ގެއްލުވާލަންޏާ އޭގެ މާނައަކީ ވައްކަން ކުރިއްޔޭ. މި ރައްދަކީ މިސާލު ބަހެއް. ވެދުުން
މޫސަ
30 July 2016
ދިވެހިންނަކީ ގަމާރުން، އެމީހުންގެ ކައްތައް އަދިވެސް ހުންނަނީ ރައްނަމާރިއެރި ދުވަސްވަރާ އެެއްގޮތައް
ސަމޫ
30 July 2016
100% ތާއީދު ތިވާހަކައަށް