ނިޕޯން ޕެއިންޓުގެ ހާއްސަ ޕްރޮމޯޝަނެއް އެސްޓީއޯއިން ފަށައިފި

ނިޕޯން ޕެއިންޓުގެ ހާއްސަ ޕްރޮމޯޝަނެއް އެސްޓީއޯއިން ހޯމަ ދުވަހު ފަށައިފި އެވެ.

މި މަސް ނިމެންދެން ކުރިއަށްގެންދާ "ކަލާ ޔޯ ވޯލްޑް" ޕްރޮމޯޝަނުގައި ނިޕޯން ޕެއިންޓުގެ ކުލަތައް 15 ޕަސެންޓާ ހަމައަށް ޑިސްކައުންޓު އަގުތަކުގައި އެސްޓީއޯ ހޯމް އިމްޕްރޫވްމެންޓުން ލިބެން ހުންނާނެ އެވެ.

މި ޕްްރޮމޯޝަނުގެ ދަށުން އެ ބްރޭންޑުގެ ކުލަތަކުން 1000 ރުފިޔާ އަށް ވުރެ މަތިން ވިޔަފާރި ކުރާ ފަރާތްތަކަށް ކޫފަނެއް ދޭނެއެވެ. މި މީހުންގެ ތެރެއިން ނަސީބުވެރި ތިން ފަރާތެއް ގުރުއަތުން ހޮވާނެއެވެ. އެ ގޮތުން އެއް ވަނައަށް ހޮވޭ ފަރާތަކަށް 35،000 ރުފިޔާގެ އަގުހުރި އިލެކްޓްރޯނިކްސް ތަކެތި އެސްޓީއޯއިން ދޭ އިރު، ދެވަނައަށް ހޮވޭ ފަރާތަކަށް 25،000 ރުފިޔާގެ އަގުހުރި ހޯމް އެޕްލައިއަންސް އެ ކުންފުނިން ދެއެވެ. އަދި ތިން ވަނައަށް ހޮވޭ ފަރާތަށް ގިލި ލަންކަންފުއްޓަށް ދެ ދުވަހުގެ ދަތުރެއް ދެ މީހަކަށް ހިލޭ ދޭ ގޮތަށް ވެސް އެ ކުންފުނިން ވަނީ ހަަމަޖައްސައިފަ އެވެ.

މީގެ އިތުރުން ނިޕޯން ޕެއިންޓުގެ ކުލަތަކުން 1000 ރުފިޔާ އަށް ވުރެ ބޮޑުކޮށް ވިޔަފާރި ކުރާ ފަރާތްތަކަށް އެ ބްރޭންޑުގެ ބައެއް އެސަސަރީސް ހިލޭ ލިބޭނެ ކަމަށް އެސްޓީއޯއިން ބުންޏެވެ. އަދި 5000 ރުފިޔާއަށް ވުރެ ބޮޑުކޮށް ވިޔަފާރި ކުރާ ފަރާތްތަކަށް ވަރަށް ހާއްސަ އިނާމެއް ލިބޭނެ ކަމަށް ވެސް އެ ކުންފުނިން ބުންޏެވެ.

ނިޕޯން ޕެއިންޓުގެ ރާއްޖޭގެ އޮތަރައިޒްޑް ޑިސްޓްރިބިއުޓަރަކީ އެސްޓީއޯ އެވެ.