ސޮލަރެލް އިންޝުއަރެންސްގެ އޮފީހުގައި ކަސްޓަމަރަކަށް މައުލޫމާތު ދެނީ ފޮޓޯ: މުހައްމަދު ޝަރުހާން /މިހާރު
17 އޯގަސްޓް 2016 - 20:34
1 comments
ރާއްޖޭގައި އެންމެ ފަހުން އިންޝުއަރެންސްގެ ހިދުމަތް ދޭން ފެށި، ސޮލަރެލް އިންޝުއަރެންސް އިން ހެލްތު އިންޝުއަރެންސްގެ ހިދުމަތް ތައާރަފުކޮށްފި އެވެ.
އެ ކުންފުނީގެ ޗެއާމަން ބަންދު އިބްރާހިމް ސަލީމް "މިހާރު"އާ ވާހަކަދައްކަވަމުން ވިދާޅުވީ ހެލްތު އިންޝުއަރެންސް މިވަގުތު ފޯރުކޮށްދެމުން ގެންދަނީ ރިސޯޓްތަކަށާއި އަމިއްލަ ކުންފުނިތަކަށް ކަމަށެވެ.
އެ ކުންފުނިން ވަނީ އާއްމުކޮށް ރާއްޖޭގައި ދެމުން އަންނަ ހުރިހާ ވައްތަރެއްގެ އިންޝުރެންސްގެ ބާވަތްތައް ތައާރަފްކޮށްފަ އެވެ. އޭގެ ތެރޭގައި ހެލްތު އިންޝުއަރެންސްގެ އިތުރުން ކާގޯ އިންޝުއަރެންސާއި މެރިން އިންޝުއަރެންސް، އިންޖިނިއަރިން އިންޝުއަރެންސް، ޕްރޮޕަޓީ އިންޝުއަރެންސް، އޭވިއޭޝަން އިންޝުއަރެންސް، މިސެލޭނިއަސް އިންޝުއަރެންސް، އަދި މޮޓޯ އިންޝުއަރެންސް ހިމެނެ އެވެ.
"ފާއިތުވި ހަތަރު މަހެއްހާ ދުވަހުގެ ތެރޭގައި އަޅުގަނޑުމެންގެ ހިދުމަތްތަކަށް ވަރަށް ބޮޑު ތަރުހީބެއް ލިބެމުން އަންނަކަން ފާހަގަކުރެވޭ. އަޅުގަނޑުމެން މަސައްކަތްކުރަމުން މިގެންދަނީ ކަަސްޓަމަރުންގެ ހިޔާލާ އެއްގޮތަށް މިތަނުގެ ހިދުމަތްތައް ބައްޓަންކުރަން،" ސަލީމް ވިދާޅުވި އެވެ.
ސޮލަރެލް އިންޝުއަރެންސް އޮފީހުގައި ކަސްޓަމަރަކަށް ހިދުމަތް ދެނީ. ފޮޓޯ: މުހައްމަދު ޝަރުހާން /މިހާރު
އޭނާ ވިދާޅުވީ އެތަނުން މެރިން އިންޝުއަރެންސްގެ ހިދުމަތް ހޯދި ދެ ފަރާތަކަށް ދާދި ފަހުން ބަދަލު ވެސް ދީފައިވާ ކަމަށެވެ.
"އަޅުގަނޑުމެން މިދަނީ މިތަނުން ދޭ ހިދުމަތްތައް އިތުރަށް ފުޅާކުރުމަށް ވިސްނަމުން. ކުރިޔަށް އޮތް ތަނުގައި ކަސްޓަމަރުން އެދޭ ފެންވަރުގެ ހިދުމަތް ދިނުމަށް އަޅުގަނޑުމެން މަސައްކަތްކުރާނަން،" ބަންދު ސަލީމް ވިދާޅުވި އެވެ.
ސޮލަރެލް އިންޝުއަރެންސްއަކީ ރާއްޖޭގައި މިވަގުތު ހިދުމަތް ދެމުން އަންނަ ހަމައެކަނި 100 ޕަސެންޓް ދިވެހިން ހިއްސާވާ އަމިއްލަ އިންޝުއަރެންސް ކުންފުންޏެވެ. އެ ކުންފުންޏަށް އިންޝުއަރެންސް ލައިސަންސް ދިނީ މިދިޔަ މާޗް މަހުގެ ފަހުކޮޅު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހި މީހާ
19 August 2016
ތިތަން ހުންނަތަނެއްވސް ލިއުމުގައި ހިމެލިނަމަދޯ. މިކަހަލަ ކުދިކުދި ސުވާލު ތަކުގެ ޖަވާބު ލިބޭނެ ގޮތަށް ލިޔުންތައް ފަރުމާކުރުމަށްއެދި އާދޭހާއި އެކު ދަންނަވަން.