ނޭޝަނަލް ޑްރަގް އެޖެންސީ ހިންގާ އިމާރާތް.---ފޮޓޯ: ނިޝާން އަލީ/މިހާރު
30 ޑިސެމްބަރ 2018 - 14:24
18 comments
މަސްތުވާތަކެއްޗާ ދުރުވުމަށް ފަރުވާ ހޯދަން ކޯޓުން އަމުރު އައިސްފައިވާ ހާހަކަށް ވުރެ ގިނަ މީހުންނަށް ފަރުވާ ނުފެށި ކިއުގައި އެބަތިބި ކަމަށް ނޭޝަނަލް ޑްރަގް އޭޖެންސީ (އެންޑީއޭ) އިން މިއަދު ބުނެފި އެވެ.
ޖެންޑާ މިނިސްޓްރީން ބޭއްވި ނޫސްވެރިންގެ ބައްދަލުވުމުގައި، އެ މިނިސްޓްރީގެ ދަށުން ހިންގާ އެންޑީއޭގެ ސީއީއޯ ހަސަން ޝަހީލް ވިދާޅުވީ އެތަނުގެ ހިދުމަތް ރަނގަޅުކުރުމަށްޓަކައި ސަރުކާރުގެ ފުރަތަމަ 100 ދުވަހުގެ ތެރޭގައި ކަންތައްތަކެއް ހިމަނާފައިވާ ކަމަށެވެ. އޭގެ ތެރޭގައި ރާއްޖޭގެ ތިން ސަރަހައްދެއްގައި ރިހިބިލިޓޭޝަން ސެންޓަރުތަކެއް ގާއިމްކުރުން ހިމެނެ އެވެ.
އޭނާ ވިދާޅުވި ގޮތުގައި ޑްރަގް ކޯޓުން އަމުރު އައިސްފައި ވިޔަސް، ޖާގަ ނެތިގެން 1،118 މީހުން މިހާރު ވެސް ކިއުގައި އެބަތިބި ކަމަށެވެ.
"އެކަން ހައްލުކުރުން އެއީ އަޅުގަނޑުމެން އެންމެ ބޮޑު އެއް އަމާޒު. ސަރުކާރުގެ 100 ދުވަހުގެ ވައުދުގެ ތެރޭގައި ހިމެނޭ ތިން ސެންޓަރު ގާއިމުކުރީމަ އެއަށް ކޮންމެ ވެސް ވަރެއްގެ ލުއެއް ލިބޭނެ. އެހެން ނަމަވެސް މި ދެންނެވި 1،118 މީހުންނަށް އެއްކޮށް ފަރުވާ ދޭން ފެށޭނެ ވަރެއް އަދި ނުވާނެ،" ޝަހީލް ވިދާޅުވި އެވެ.
ޖެންޑާ މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި އެންޑީއޭގެ ސީއީއޯ ޝަހީލް ބައިވެރިވެވަޑައިގަންނަވަނީ.--ފޮޓޯ: ހުސެއިން ވަހީދު/ މިހާރު
މަސްތުވާތަކެތި ބޭނުންކުރާ މީހުންނަށް ފަރުވާ ދިނުމަށް މާލެ، ހުޅުމާލެ، ހިންމަފުށީ، އައްޑޫ އަދި ފުވައްމުލަކުގައި ހަތް ސެންޓަރެއް ހަދާފައިވެ އެވެ. އެތަންތަނުގެ އިތުރުން ގދ. ތިނަދޫ އާއި ހދ. އަތޮޅުގައި އަދި އައްޑޫގައި ސެންޓަރެއް ގާއިމުކުރުމުގެ މަސައްކަތް އަންނަނީ ކުރަމުންނެވެ.
ސެންޓަރުތަކުން މިހާރު ވެސް 500 އަށްވުރެ ގިނަ މީހުން އަންނަނީ ފަރުވާ ހޯދަމުންނެވެ.
ޝަހީލް ވިދާޅުވީ އެންޑީއޭގެ ސެންޓަރުތަކުން ފަރުވާ ހޯދުމަށްފަހު މުޖުތަމައުއަށް ނިކުންނަ މީހުންގެ 68 ޕަސެންޓަކީ މަސްތުން ސާފުވެފައިވާ މީހުން ކަމަށެވެ. އެމީހުން އެގޮތުގައި ދެމިތިބުމަށް މުޖުތަމައުގެ އެހީތެރިކަން ބޭނުންވާ ކަމަށް އޭނާ ވިދާޅުވި އެވެ.
"ވަޒީފާ ބޭނުންވޭ، އުޅޭނެ ރަނގަޅު މާހައުލެއް ބޭނުންވޭ. މުނިފޫހިފިލުވާނެ ކޮންމެ ވެސް ކަހަލަ ކަންތައްތަކެއް ހަމަޖެހިފައި އޮންނަންޖެހޭ. މިކަހަލަ ވަރަށް ގިނަ ކަންތައްތަކެއް އެކުވެގެން އަޅުގަނޑުމެންނަށް ހަގީގަތުގައި މަސްތުން ސާފު މުޖުތަމައުއެއް ބިނާކުރަން ހިންގާ ރިހެބިލިޓޭޝަން ސެންޓަރުގެ ފަރުވާ ކާމިޔާބުވާނީ،" ޝަހީލް ވިދާޅުވި އެވެ.
"އެންޑީއޭގެ އާ އަހަރުގެ އެންމެ ބޮޑު އަމާޒަކީ ފަރުވާ ބޭނުންވާ ހުރިހާ ފަރާތްތަކަށް ލަސްނުކޮށް ފަރުވާ ދެވޭނެ އިންތިޒާމެއް ގާއިމްވެފައި އޮތުން،"
އޭނާ ވިދާޅުވި ގޮތުގައި މަސްތުން ސަލާމަތްވުމަށް އެތަނުން ދޭ ފަރުވާ މުރާޖާކުރުމާއި އެންމެ އެކަށީގެންވާ ރަނގަޅު މުއްދަތެއްގެ ފަރުވާ ކޮންމެ މީހަކަށް ވެސް ދެވޭނެ ގޮތް ހޯދައިދިނުމަށް މަސައްކަތް ކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮޕް
31 December 2018
މުނީރު ސަރ ތިތާ ސީއީއޯ އަކަށް ހުރި އިރު ބެސްޓު.... ސިޔާސީ ބޭނުމަކަށް ބޯޑު މިހުން ބޭނުންވާ ގޮތަށް ކަން ނުކުރީމަ ކަނޑާލިއަކަސް ފަރުވާ ހޯދާ މީހުން އަދި ބެލެނިވެރިން ވެސް ބުނި އަޑު އެހީން އެއީ ވަރަށް ރަނގަޅު ސީއީއޯ އެކޭ...
ކޮމާކޯޅި
31 December 2018
ތީ ތިތާ ބަހައްޓަން ހެޔޮވާވަރު މީހެއް ނޫން ތި އެންޑީއޭގެ ހަލާކު ތިމިޙާ އައިފަހުން އެކަކު ނެރެފި ތިމީހާ އާއި ތިތާ ހުންނަ އައްޔަ ކިޔާމީހާ ނެރޭ.... އޭރުން ބަދަލު ފެންނާނެ..
ޙަމީދު3
31 December 2018
ތީ ކަޑަ މީހެއް ސީއީއޯ ކަންކުރަން . މިދެއަހަރު ބައްދަލްކުރަން 12 ފަހަރަކުނޫންދިއައީކީ އަބަދު ޗުއްޓީގައި ރާއްޖެއިން ބޭރުގައި....މިކަހަލަ ހިދުމަތް ދޭތާކު ވެރިން ގެ ކޮލިޓީއެއް ނެތްތަނެެއް
މަނޫ
31 December 2018
ޢެއްވެސް ސަރުކާރެއްގައި މަސްތުވާއެއްޗެހިން ކުދިން ސަލާމަތް ކުރާކައް އެކަށީގެންވާ މަސައްކަތް ތަކެއް ކުރެވިފައެއްނެތް. މަސްތުވާތަކެތި އެތެރެ ކުރުން ހުއްޓުވެނީކީނޫން. މިއެއްޗެހިބަހާ ގޭންގްތައް ހުއްޓުވެނީކީ ނޫން. ޣެންގޮސް ބަންދުކުރެވެނީ މިއެއްޗެހި ބޭނުންކޮށްގެން ތިބޭ އެންމެ އާދައިގެ ނިކަމެތި މީހާގެ ދަރިން.
ތިމާވެށި
31 December 2018
ސަލާހުއްދީން މިސްކިތް ކުރިމަތީ ހުންނަ އިމާރާތުގެ ބޭރުގައި ނަމާދައްގޮވާ.ނަމާދުކޮށްނިމޭއިރުވެސް ސޮއި ކުރާބަޔަކު ކިޔުގަ ތިބެއެވެ. އެމީހުންނަށް އޮތީ ނަމާދައް ނުދިޔައަސް ގަޑި އަށް ސޮއިކުރުމެވެ. މިސްކިތް ކުރިމަތީއެވެ. އެކުދިންނަށް މިސްކިތައް ދިއުމަށް ދައުވަތު ދެއްވާށެވެ.
މުޖޫ
31 December 2018
ރީހެބްތައް ގިނަކޮށް ފެސިލިޓީސްތައް ވެސް ރަނގަޅު ކުރެވިދާނެ. ޢެކަމަކު މީގައޮތް އެންމެ ރަނގަޅު ދުރުރާސްތާ ވިސްނުމަކީ ޑްރަގް އެތެރެވިޔަ ނުދިނުން. ގޭންގްތައް ނައްތާލުމާއި އެމީހުންގެ ޑްރަގް އާމްދަނީ ހުއްޓުވުން. މިކަންކަން ގުޅިފައިފަނީ އެމްޕީއެލްއާ، ކަސްޓަމާ، ޕޮލިހާ، ކޯޓްތަކާ އަދި ކަނޑުގެ ސަރަޙައްދު ބަލަހައްޓާ ކޯސްޓް ގާޑާ. ރީހެބްތައް ގިނަކޮށް އެތަންތަނުގެ ޚިދުމަތް ރަނގަޅު ކުރުމަކީ ޑްރަގް ބޭނުންކުރާ މީހުންނަށްދެވޭ އިންސެންޓިވްއެއް.
ވަޒީރު
31 December 2018
ޙޫން އިސްލާމީ ޝަރޫއަތުގަ އޮންނަ ގޮތަށް މި ރާއްޖޭގަ ކަން އެކުރަނީ. ދައްކާ ދޯހަޅި ވާހަކަ
ނޭމާ
31 December 2018
ކީއްތޯވާނީ ތިހާގިނަ ކުދިން ކިއުގަ ޖެހިފަ ތިބިއިރު އޭގެ ތެރޭން އަލަށް ކުށުގެ ވެއްޓަށް ވަދެފައިވާ ކުދިންގެ ތެރޭން އެންމެ ކުދި ކުށް ކޮށްފައިވާ ކުދިންނަށް މާފުދީ އެކުދިން މިނިވަން ކޮށްދީ އެކުދިންގެ ޕޮލިސް ރިޕޯޓް ސާފު ކޮށްދިނުން..އޭރަށް އެކުދިން ވަޒީފާޔަށްގޮސް އާހަޔާތެއް ހޯދަން ފުރުސަތުު ލިބުނީ..އޭރަށް އެން ޑީ އޭ އަށްވެސް ވަރަށް ލުއިވީ..އިންސާނުންނަށް ވީތީ ކުށެއް ކުރެވިދާނެ..އެކަމާހެދި އެކުދިން އެވަނީ ވަޒީފާގެ މާހައުލުން ބާކީވެ ބިކަވެފަ ނުންތޯ! އަޅުގަޑުގެ ޙިޔާލް
ޢިސްމާލުބޭ
30 December 2018
މިއީ ސަތޭކަ ޕަސެންޓް މުސްލިމުންނޭ ބުނަން ލަދުވެސް ނުގަނޭނު . 100 ޕަސެންޓް މުސްލިމުގައުމެއްގަ މަސްތުންސަލާމަތް ނުވެވިގެން 1000 މީހުންއުޅެއިރު މިގައުމުގެ ޙާލަތާދޭތެރޭ ބިރެއްނުގަނޭތޯ؟
ފޙހު
30 December 2018
ހީވަނީ މިއީ ސަރުކާރުވް ކޮށްދޭބްޖެހޭ ކަމެއްހެން. އުސްލާމީ ޝަރީއަތާ އެއްގޮތަށް ކަންކުރޭ. އޭރުން ސަލާމަތް އޮތީ.