01 ޖެނުއަރީ 2019 - 13:37
22 comments
ބުރާސްފަތި ދުވަހުގެ ރޭ ޕްރިމިއާކުރާ އަދި އޮލިމްޕަސް ސިނަމާ އަށް މި އަހަރު އަންނަ ފުރަތަމަ ފިލްމު "ނިވައިރޯޅި" ގެ އާ ޕްރޮމޯޝަނަލް ލަވައެއް އާ އަހަރާ ދިމާކޮށް ރޭ ދައްކާލައިފި އެވެ. މިއީ ފިލްމީ ކެރިއަރު ނިންމާލުމުގެ ކުރިން އޭނާ ކުޅޭ ފަހު ލަވަ އެވެ.
ބަތަލާ ނިއުމާ މުހައްމަދު ވަދާއީ ފިލްމަށް ބެލުންތެރިންގެ ސަމާލުކަން އިތުރަށް ހޯދުމަށްޓަކައި ގެނެސްދިން ލަވައިގެ ނަމަކީ "ސިހުރު ފަދަވި ކަމަނަ" އެވެ. މީރާ މުހައްމަދު މާޖިދު ކިޔާފައިވާ ލަވައިގެ ވީޑިއޯ ގެނެސް ދީފައި ވަނީ ތަންކޮޅެއް ތަފާތު ގޮތަކަށެވެ.
ދެހާސް އަށް ވަނަ އަހަރު ރިލީޒްވި ފިލްމު "ޓަޝަން" ގައި ހިމެނޭ "ޗަލިޔަ ޗަލިޔާ" ލަވައިގެ ރާގަށް ހަދާފައިވާ ލަވައިގެ ވީޑިއޯ އިން ނިއުމާގެ ތަފާތު ފެނިލުންތަކެއް ވަނީ ދައްކާލައިފަ އެވެ. އެ ލަވައިން ކަރީނާ ކަޕޫރް ފެނިގެންދާ އިރު ލަވަ ކިޔާފައި ވަނީ ސުނީދީ ޗޯހަން އެވެ.
"ނިވައިރޯޅި" އަޅުވަން ގާތްވަމުން އަންނަ އިރު، މި ފިލްމުގެ ޓިކެޓް މިދިޔަ މަހުގެ 20 ވަނަ ދުވަހުން ފެށިގެން އަންނަނީ ވިއްކަމުންވެ. އޮލިމްޕަހުން ޓިކެޓް ގަންނަން ލިބޭނީ ހެނދުނު 11:00 އިން ފެށިގެން ރޭގަނޑު 10:00 އަށެވެ.
"ސިހުރު ފަދަވި ކަމަނަ" ލަވައިގެ ވީޑިއޯ.
ފިލްމުގެ ޕްރިމިއާ ޝޯގެ ޓިކެޓް 150ރ. އަށް ވިއްކާ އިރު، ދެން ހުރި ޝޯތަކުގެ ޓިކެޓް ވިއްކާނީ 100ރ. އަށެވެ.
މޫމިން ފުއާދު ލިޔެ، ޑައިރެކްޓްކޮށްފައިވާ "ނިވައިރޯޅި" ބުރާސްފަތި ދުވަހުގެ ރޭ ޕްރިމިއާ ކުރުމަށް ފަހު، މި މަހުގެ ތެރޭގައި 30 ވުރެ ގިނަ ރަށުގައި ފިލްމު ދައްކަން ވަނީ ހަމަޖައްސައިފަ އެވެ، އަދި ވަރަށް ކުލަ ގަދަ އިވެންޓަކާ އެކު މި މަހުގެ 5 ވަނަ ދުވަހުގެ ރޭ ހދ. ކުޅުދުއްފުށީ ތިލަދެކުނު ސިނަމާގައި ފިލްމުގެ ޕްރިމިއާއެއް ބާއްވާނެ އެވެ.
ނިއުމާއާ އެކު ބޮޑު ކާސްޓެއް ވެސް ފެނިގެންދާ "ނިވައިރޯޅި" އަކީ އޭނާ އާއި ދަރިފުޅު ޒޯޔާ ހަސަންގެ ނަމުގައި ހަދާފައިވާ ފިލްމު ކުންފުނި ނިއުޒޯ އިން ގެނެސްދޭ ފުރަތަމަ ފިލްމެވެ.
މި ފިލްމަކީ ނިއުމާ އެކްޓް ކުރުން ހުއްޓައިލާ ފިލްމަށްވާތީ އާއި މޫމިންގެ ޑައިރެކްޝަނަކަށްވާތީ ފިލްމަށް ބެލުންތެރިން ކުރާ އުންމީދުތައް ވެސް ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަނޑާލި
02 January 2019
މީރާ ގެ ލަވަކިޔުން 0 ހިންދީ ލަވަ ބެލިފަހުން. އޭގެ ކުރިން 50 އޭބުނެވިދާނެ ލޮލް.
ސަޒުނާ
02 January 2019
ނިއުމާއަކަށް ފިލުމީ ދާއިރާއާއި ދުރަކަށް ނުދެވޭނެ.
ޢަލއ
02 January 2019
މިކަހަލަ ހަޑިމުޑުދާރު އަދި ޤާނޫނީގޮތުން މަނާ ކަންކަމާއި ތަކެތި ދައްކައިދޭ މަންޒަރު ހުންނަ ތިފަދަ ތަކެތި ދެްކިޔަނުދެއްވާ، ތި ނުދެއްކިއަސް މުޖުތަޢުގެ މައްސަލަތައް ދެއްކިދާނެ،
ވަލީދާ
02 January 2019
ކޮޕީ ލަވައަކުން، ކަރީނާއަށް މަލާމާތްކޮށްފަ ކެރިއަރ ނިންމާލީމަ ކަޑަދޯ؟
ޒިިޔާ
02 January 2019
ކަލޭ ވަކި ރަނގަޅުތަ ދެތިން ލަވަކުޅެފަ ޑެޕިއުޓީ މިނިސްޓަރުކަމުން ކެރިއަރ ނިންމާލަން؟
ކަޑަ
02 January 2019
ދުންފަތުގެ އެއްވެސް ބާވަތެއް އިޝްތިހާރު ކުރުމަކީ ޤާނޫނީ ގޮތުން މަނާކަމެއް. ތިއޮތީ ޝީޝާ އިޝްތިހާރު ކުރެވިފައި. ލަވައާއި ފިލްމުތައް ހައްދަވާ ބޭފުޅުން މިކަމަށް ސަމާލުކަން ދިނުން މުހިންމު
އަތަ
02 January 2019
ތިފަދަ މަޝްހޫރު ބަތަލާއެއްގެ ފަހު ލަވައިގައި ދުންފަތުގެ އިސްތިއުމާލުކުރާތަން ފެނުމަކީ ވަރަށް ދެރަކަމެއް. ޙާއްސަކޮށް ރާއްޖޭގެ ޤުދުރަތީ މާހައުލުގެ ރިތިކަމާ ދުންބޯތަނާ ގުޅުވާފައިވުމަކީ ވަކީންބޮޑަށް ކަންބޮޑުވާކަމެއް.
ހކ
02 January 2019
ނިމުމަކައް ނައި ނިއުމާ
ކާއްޓޭ
02 January 2019
މިނޫނީ އަމިއްލަ ނަފްސަށް ޢިބްރަތެއް ޙާޞިލް ނުވާ ބަޔަކު ދުށީމުތަ
ޑޭން
02 January 2019
އިޝްތިހާރު ކުރިޔަސް ނުކުރިޔަސް ބޯމީހުން ބޯނެ. ފޮށީގަ އޭގެން ލިބޭ ގެއްލުންތަށް ކިޔާދީފަ އޮއްނަތަން ނުފެނި ލޯމަރާގެން ތިބެބާ ސިގިރެޓް ގައްނަނީ... އެޔެއްނޫން ކަލެމެންނައް ވާގޮތަކީ މާބޮޑަށް ފާޑު ކިއާލާހިއްވަނީ ..
ނޯ ޓު ގުޑުގުޑާ
02 January 2019
ގުޑުގުޑާ ބުއިމަކީ ފުރާނައަށް ނުރައްކާ ކަމަކަށްވީއިރު، އެ ނުބައި އާދަ ޕްރޮމޯޓް ކުރުމަކީ ޒިންމާދާރުކަން ކުޑަކަމެއް. މިހާރުވެސް ރާއްޖޭގައި ޢަމަލުކުރެވޭ ޤާނޫނުތަކިންވެސް ދުންފަތާ ދުންފަތުގެ އިސްތިޢުމާލުކުރުން ޕްރޮމޯޓް ކުރުން މަނާ. ގުޑުގުޑާއާ ނުލައިވެސް މި މަންޒަރު ރީތިވާނެ ކީއްކުރާނީ ދިވެހި ޕްރޮޑިއުސަރުން އަދިވެސް ކަންކަމުގެ ރަނގަޅު މަޢުލޫމާތު ނުހޯދާ، ފަރުވާ ކުޑައީ