02 ޖެނުއަރީ 2019 - 11:26
39 comments
ރައްޔިތުންގެ ހިޔާލު ހޯދައިގެން ފުލުހުންގެ ހިދުމަތް އިސްލާހު ކުރަން ސަރުކާރުން ވެފައިވާ ވައުދާ އެއްގޮތަށް ހިޔާލު ހޯދުމުގެ އޮންލައިން ޕޯޓަލްއެއް ތައާރަފް ކޮށްފިއެވެ.
"ރައްޔިތުންގެ ހިޔާލު"ގެ ނަމުގައި ތައާރަފްކުރި އޮންލައިން ޕޯޓަލް ރަސްމީކޮށް އިފްތިތާހު ކުރީ އިސްކަންދަރު ކޮށީގައި މިއަދު ހެނދުނު ބޭއްވި، މެނޭޖްމަންޓް ބޯޑް ބައްދަލުވުމުގަ އެވެ. ޕޯޓަލް އިފްތިތާހު ކޮށްދެއްވީ އެކްޓިން ކަމިޝަނާ އޮފް ޕޮލިސް މުހައްމަދު ހަމީދެވެ. އެ ބައްދަލުވުމުގައި ޑެޕިއުޓީ ކަމިޝަނާ އަބްދުލް މަންނާން ޔޫސުފް އާއި އެކްޒެކެޓިވް އޮފިސަރުންނާއި ފުލުހުންގެ ޑިޕާޓްމަންޓްތަކުގެ އިސްވެރިން ބައިވެރިވެވަޑައިގެންނެވި އެވެ.
އޮންލައިންކޮށް ހިޔާލު ހޯދަން ފުލުހުން މިފަދަ ޕޯޓަލްއެއް ގާއިމް ކުރީ ރައްޔިތުންގެ ހިޔާލާ އެކު ފުލުހުންގެ ހިދުމަތް އިސްލާހު ކުރުމުގެ ވައުދު ފުއްދުމަށް މަސައްކަތް ކުރުމުގެ ގޮތުންނެވެ. އެއީ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ފުރަތަަމަ 100 ދުވަހުގެ ތެރޭގައި ފުރިހަމަ ކުރުމަށް ވައުދު ވެފައިވާ ކަމެކެވެ. ރައްޔިތުންގެ ހިޔާލު ފުލުހުން ހޯދާނީ ހަމަ އެކަނި އޮންލައިން ޕޯޓަލް މެދުވެރިކޮށްގެނެއް ނޫނެވެ.
މިއަދު އިފްތިތާހު ކުރި އޮންލައިން ޕޯޓަލް މެދުވެރިކޮށް ހުށަހަޅާ ހިޔާލުތަކުގެ ތެރެއިން އަންނަ ފެބްރުއަރީ މަހުގެ 15 ވަނަ ދުވަހުގެ ކުރިން ހުށަހަޅާ ހިޔާލުތައް ފުލުހުންގެ ސްޓްރެޓިޖިކް ޕްލޭންގައި ހިމަނާނެ އެވެ. ނަމަވެސް އޭގެ ފަހުން ވެސް ހިޔާލު ހުށަހެޅުމުގެ ފުރުސަތު އޮންނާނެ އެވެ.
ފުލުހުންގެ ހިދުމަތް އިސްލާހު ކުރަން ރައްޔިތުންގެ ހިޔާލު ހޯދުމަށް ހަމަ އެކަނި އޮންލައިން ޕޯޓަލްގެ އިތުރުން ވެސް ބައެއް ހަރަކާތްތައް ހިންގަން ވަނީ ނިންމައިފަ އެވެ. އެގޮތުން ވަކި ގްރޫޕްތަކަކަށް އަމާޒުކޮށްގެން ހިންގާވޯކްޝޮޕްތަކާއި ސިމްޕޯޒިއަމްއެއްް ބޭއްވުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަތްކެޔޮ
02 January 2019
ފުލުސް ނުކުމެ ވަގު ހޯދާ ، 1 ފައިސާ ގޯނި ވަގު، 2 އެމްއެމްޕީއާރުސީ ވަގުން، 3 ތިލަފޅު ވަގުން، 4 މުލީއާގޭން ރާވިއްކި ވަގުން
ސްޓެވަރޑް
02 January 2019
ސިނަމާލެ ބުރިޖުގެ ބަންޕަރުތއް ނަގައިދީ ފުލުސް ކުދިންނޭ
އެޔާމީނު
03 January 2019
ބްރިޖުގައި ހުރި ބަންޕަރު ތަކަކީ ފުރާނައަށް ރައްކާތެރި އެއްޗެހި ތަކެއް. ނަގާކަށް ނުޖެހޭ.
އިބިރިހިންބެއްޔާ
02 January 2019
އަޅޭ. ޕޯޓަލްގެ ލިންކް ޖައްސަވާލެއްވިނަމަ ކިހާ ފުރިހަމަ ވީސް، އަނެއްކާ ޕޯޓަލް ހަދައިފިތަ؟
ލާމިޔާ
02 January 2019
ގޭންގު ކުދިންގެ އުދަގުލުން މަގު އަމާންކޮށްދީ، މާލޭގެ މަގުތައް ހަލަބޮލި ބިރުވެރި މަގުތަކަކަށް ވާން އެދެނީ ކާކު
ކާސިންޖީ
02 January 2019
ކުޑަކުޑަ މާލެ ހަލަބޮލިކުރަމުން ސައިކަލުގައި އަޑުގޮއްވަމުން ދުންބުރުވަމުން މީހުން ބިރުގަންނަވަމުން ދާއިރު ފުލުހުން އުޅެނީ އަންހެން ފިރިހެން ޖޯޑު ހަދައިގެން ސައިކަލު ދުއްވުމުގައި
ސުމޫތު
02 January 2019
ރޭސް ސައިކަލު ދުއްވުމާއި، އަޑުގަދަކޮށް މީހުން ބިރުގަންނަވާހެން ސައިކަލާ ކާރު ދުއްވާ މީހުން ހުއްޓުވާ ފިޔަަޅު އަޅައިދީ
މުޖުރިމު ނަސީދު
02 January 2019
ފުލުހުން ކިތައްމެ މަސައްކަތެއް، ޑްރަގު ޓުރެފިކިންގ މައްސަލައެއް ދުވަހަކު ސާބިތުނުވޭ، އެކަީގެންވާ ހެކި ނުލިބޭނެ، ނޫނީ އިޖުރާއާތު ގޯސްވާނެ،
ފިލިގެ
02 January 2019
ސައިލެންސަރުގައި ލޯވަޅު އަޅައި އަޑުގަދަކޮށް، ސައިލެންސަރު ލައުޑަރަކަށް ހަދައިގެން ދުއްވާ ޒުވާނުންގެ އުދަގުލުން ގައުމު ސަލާމަތް ކޮށްދިނުމށް އާދޭސްކުރަން، އެކަން ހުއްޓުވައިދީ
ސޔާނު
02 January 2019
އިސްލާމިކް މިނިސްޓްރީ އިންވެސް މިކަހަލަ ޕޯޓަލެއް ހަދަން ވެއްޖެ
ކުއްޓި
02 January 2019
ބަޤާވަތް ކުރި ދުވަހުން ފެށިގެން މިދެނީ ހިޔާލު .. ކަމެއް ރަނގަޅު ކުރަން އުޅޭނަމަ ފިޔަވަޅު އަޅާތަން ފެންނާނެ. ހަޤީގަތަކީ ހަމީދުގެ ގެ ބާރެއް ފުލުހުންގެ މައްޗައްކަސް ނުހިނގާ ކަން. ކިތަންމެ ހިޔާލެއް ހޯދިޔަސް އަދިވެސް " އެގުރޫޕު " ގެ ބާރު ތިތާގައި ހިނގަނީ ...