ނީލަމުގައި 3.1 މިލިއަން ޑޮލަރަށް ގަތް މަހާ އެކު ކިމޫރާ ފޮޓޯއަކަށް ހުއްޓިގެން.
05 ޖެނުއަރީ 2019 - 17:40
9 comments
ޖަޕާނުގެ ވެރިރަށް ޓޯކިއޯގައި ބޭއްވި އާ އަހަރުގެ ނީލަމެއްގައި ރިކޯޑް އަގަކަށް ހޮނިހިރު ދުވަހު ކަންނެއްޔެއް ވިއްކާލައިފި އެވެ.
ޓޯކިއޯގައި ހިންގާ ސުޝީ ރެސްޓޯރަންޓް ޗެއިން "ސުޝީޒައްމާއީ" އިން، ބަރުދަނުގައި 278 ކިލޯ ހުރި މަސް ގަނެފައި ވަނީ 333.6 މިލިއަން ޔެން (3.1 މިލިއަން ޑޮލަރު) އަށެވެ.
އެތަނުގެ ވެރިޔާ ކިޔޯޝީ ކިމޫރާ ބުނި ގޮތުގައި މީގެ ކުރިން ހަ ފަހަރެއްގެ މަތިން ވެސް އެ މީހުން ވަނީ ބޮޑު އަގަކަށް ކަންނެއްޔެއް ގަނެގެން ރިކޯޑް ހަދައިފަ އެވެ.
"އަހަރެން ކުރިން އުންމީދުކުރީ މި މަހުގެ އަގު އެންމެ މައްޗަށް ވެސް އަރައިގެން ދާނީ ފަސްދޮޅަސް މިލިއަން ޔެން އަށް ކަމަށް. އެކަމަކު އޭގެ ފަސްގުނަ ބޮޑުކޮށް އަހަރެމެންނަށް މި މަސް ގަނެވުނީ،" އޭނާ ބުންޏެވެ. "ވަރަށް ވާދަވެރިކޮށް މި ފަހަރު މި ދިޔައީ."
މި ފަހަރު 3.1 މިލިއަން ޑޮލަރަށް ވިއްކައިލި ނޫ އުރަހަ ކަންނެއްޔާ އެކު، އެންމެ ބޮޑު އަގުގައި ޖަޕާނުގައި ކަޅުބިލަ މަހެއް ގަނެގެން 2013 ގައި ހެދި "ސުޝީޒައްމޯއިން" ހެދި ރިިކޯޑް އެ މީހުން މިހާރު މި ވަނީ މުގުރާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހޭ
06 January 2019
ތިރީގައި ވާފަދައިން މިމީހުން އެގަންނަ ނޫއުރަހަ ކަންނެލި ރާއްޖޭގައި ނޫޅޭކަމަށް ވަނީ! އަޅެފަހެ މިތާ އުޅޭމަހުޖަނުން އަހަރެމެންއަތުން އަގުބޮޑުކޮށް މަހެއްގަނެބަލަ!
މިފްކޯ
06 January 2019
ރާއްޖެއިން ކަންނެލި ހިފައިގެން ގޮސް އެތާ ވިއްކިޔަސް މާފައިދާވާނެ
ޖޮބޭ
05 January 2019
ކީއްކުރާނީ މިގައުމުގެ ސަރުކާރަށް ތިޔަ ފައިސާކޮޅު ހަދިޔާކުރިނަމަ ސަރުކާރުން ތިޔަ ރެސްޓޯރެންތުގެ މަހުގެ ޚަރަދު ބަލަހއްޓައިދޭނެނުން.
ގޫގުލާ
05 January 2019
އަވަހަށް ޖަޕާނަށް މަސްކިރޭ ގޮތެއްވޭތޯ ބަލަމާ.. އިއޮއް ހުރޮހާ ދުވަހު ނުބައި ބަޔަކަށްނުން މި މަސް ވިއްކެނީ..
ބްލެޑަރ
05 January 2019
ދިވެހި މަސްވެރިންނަށް ހަމަ އަގު ހޯދައިދަންޖެހޭ
އަލީ - އ
06 January 2019
ހަމަ އަގަކީ ކޮބާތޯ؟ ކުޑަ ކުޑަ ބައިކިލޯ ނުހުންނަ މަސްވެސް 200ރ. އެމަހުން ކެވެނީ އެންމެ ފަހަރަކު. އަހަރެމެން މީ ބިލްގޭޓް ތަ؟
ބްލެޑަރ
06 January 2019
3 މިލިއަން މީހުންނަށް އެމަހުން ކެވޭނެބާ؟
ބޯބުރާންތި
05 January 2019
ރާއްޖެ ކަނޑުން ތިވަރު މަސްނުބޭނެނީ ކީއްވެބާ؟ ބޮޑެތި މަސްތަށް ޖަޕާނުމީހުން ލޯކުޑަވީމަ އެދިމާލަށް މިސްރާބު ޖަހަނީ ކަންނޭގޭ އެމީހުން ނިދާފަ ތިބި ކަމަށް ހީކޮށް.
ވައްޓަ
06 January 2019
ރާއްޖޭގެ ކަނޑުގަ ނޫއުރަހަ ކަންނެލި އުޅޭހެނެއް ހިއެއް ނުވޭ.