ހަނގުރާމަވެރި ޖަމާއަތްތަކުގެ މީހުން ހައްޔަރުކުރަން ޕާކިސްތާނުން ފަށައިފި

ޖައިޝީ މުހައްމަދުގެ ބާނީ މަސްއޫދު އަޒްހަރުގެ ގާތް ދެ މީހަކު ވަނީ ހައްޔަރުކޮށްފައި. --ފޮޓޯ:އޭއެފްޕީ

ހަސަން އާމިރު، މިހާރު

06 މާޗް 2019 - 13:45

އިސްލާމްއާބާދު (މާޗް 6) - ހަނގުރާމަވެރި ޖަމާއަތްތަކަށް ނިސްބަތްވާ މީހުން ހައްޔަރު ކުރުމުގެ މަސައްކަތް ޕާކިސްތާނުން ފަށައިފި އެވެ.

ހަނގުރާމަވެރިން ހައްޔަރު ކުރަން ޕާކިސްތާނުން ފެށީ ކަޝްމީރުގައި މިދިޔަ މަހު ދިން ހަމަލާތަކުގައި އިންޑިއާގެ ޕެރަމިލިޓަރީ ފުލުހުންގެ 42 މީހުން މަރާލާފައިވާތީ ހަނގުރާމަވެރިން ހައްޔަރުކުރަން އިސްލާމްއާބާދަށް ޕްރެޝަރު ކުރަން ފެށުމުންނެވެ. ކަޝްމީރުގެ ހަމަލާ އަށް ރައްދު ދޭން އިންޑިއާ އިން ވަނީ އެ ހަމަލާ ދިން ކަމަށް ބުނާ ޕާކިސްތާނުގެ ޖައިޝީ މުހައްމަދުގެ މައި ކޭމްޕަށް ބޮން އަޅައިފަ އެވެ.

ޕާކިސްތާނުން ހައްޔަރުކުރި މީހުންގެ ތެރޭގައި ޖައިޝީ މުހައްމަދު ޖަމާއަތުގެ ބާނީ މަސްއޫދު އަޒްހަރުގެ ފިރިހެން ދަރިއަކާއި ބޭބެއަކު ހިމެނެ އެވެ.

ޕާކިސްތާނުގެ އިންޓީރިއާ ސެކްރެޓަރީ އާޒަމް ސުލެއިމާން ޚާން ވިދާޅުވީ ތަހުގީގަށް ފަހު އެ މީހުންނާ ދެކޮޅަށް ހެކި ހުރި ނަމަ މައްސަލަ ކުރިއަށް ގެންދާނެ ކަމަށެވެ. ނޫން ނަމަ އެ މީހުން ދޫކޮށްލާނެ ކަމަށް ވިދާޅުވި އެވެ.

ޖައިޝީ މުހައްމަދުގެ ބާނީ މަސްއޫދު ވީތަނެއް ނޭނގެ އެވެ.

އަނެއްކޮޅުން ޕާކިސްތާނުން މިހާރު ވަނީ ހަތިޔާރު އެޅި ޖަމާއަތްތަކުގެ މުދާ ހިފެހެއްޓުމުގެ ބާރު ލިބިދޭ ގޮތަށް ގާނޫނެއް ފާސްކޮށްފަ އެވެ.

ޕާކިސްތާން

3 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނު

07 March 2019

ޕާކިސްތާނުންޖެހޭ އެ ގައުމުގާ ހިންގާ ހުރިހާ ޓެރެރިސްޓު ކޭމްޕު ތަކާ ހައްދު ފަހަނައެޅި ފިކުރު ފަތުރާ މަދަރުސާތައް ބަންދު ކުރަން... ޕާކިސްތާނަށްވެސް ފަހި މުސްތަގްބަލެއް އޮތީ އެހެނ ްހަދައިގެން...