ވިހެއުމުގެ ޗުއްޓީގައި ތިބޭ މީހުންގެ ބަދަލުގައި ހަ މަހަށް މުވައްޒަފުން ހޯދަނީ

ސިވިލް ސާވިސް މުވައްޒަފުންތަކެއް: ވިހެއުމުން ދޭ ޗުއްޓީއާއެކު ވަގުތީ މުވައްޒަފުން ނަގަން ވަނީ ފަށާފައި.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

27 މެއި 2019 - 12:27

33 comments

ސިވިލް ސާވެންޓުންނަށް ވިހެއުމުން ދޭ ހަ މަހުގެ ޗުއްޓީއާ ހެދި، އެ މުއްދަތަށް ވަގުތީ މުވައްޒަފުން ނެގުމުގެ އުސޫލަށް އިއްޔެއިން ފެށިގެން އަމަލުކުރަން ފަށައިފި އެވެ.

ސިވިލް ސާވިސް ކޮމިޝަން (ސީއެސްސީ) އިން ބުނެފައިވަނީ ވިހެއުމުން ދޭ ހަ މަސް ދުވަހުގެ ޗުއްޓީގެ މުއްދަތުގައި، ވަގުތީ މުވައްޒަފުން ނަގަނީ އިދާރާތަކުން ފޯރުކޮށްދޭ ހިދުމަތްތައް މެދުނުކެނޑި ދެވޭނެ އިންތިޒާމް ހަމަޖެއްސުމަށް ކަމަށެވެ.

އެ އުސޫލުގައި ބުނެފައިވަނީ، ވިހެއުމުން ޗުއްޓީ ދިނުމުގެ ކުރިން، އެ މުވައްޒަފަކު ވިހާނެ ކަމަށް ލަފާކުރާ ތާރީހުގެ ކުރިން އިތުރު މުވައްޒަފެއް ހޯދުމުގެ އިންތިޒާމުތައް ހަމަޖައްސަން ވާނެ ކަމަށެވެ. މުވައްޒަފުން ބޭނުންވާ މަގާމުގެ ބަދަލުގައި ވަގުތީ މަގާމެއް އުފެއްދުމަށް "ޓެމްޕޮރަރީ ޖޮބް ކްރިއޭޝަން ރިކުއެސްޓް" މެދުވެރިކޮށް ޕާމަނަންޓް ސެކްރެޓަރީ (ޕީއެސް) ނުވަތަ ޒިންމާދާރު އިސްވެރިޔާގެ ހުއްދައާ އެކު ފޮނުވަންވާނެ ކަމަށް ބުންޏެވެ.

ޗުއްޓީ ދޭ މުވައްޒަފުގެ މަސައްކަތްތަކަކީ އެ ޑިވިޝަން/ސެކްޝަން ނުވަތަ ޔުނިޓް މުވައްޒަފުންގެ މެދުގައި ބަހާލައިގެން ކުރެވިދާނެ މަސައްކަތެއްތޯ ނުވަތަ އެހެން ޑިވިޝަންތަކަށް ބަހާލައިގެން ކުރިއަށްގެންދެވިދާނެ މަސައްކަތެއްތޯ ވެސް ކަނޑައަޅަންޖެހެ އެވެ.

އެ މުއްދަތަށް މީހުން ނަގާނީ ވިހާ ދުވަހުން ފެށިގެން ހަ މަސް ދުވަހުގެ މުއްދަތަށެވެ. އެ މުއްދަތު ހަމަވުމާއެކު، އެހެން މުވައްޒަފެއްގެ ވިހެއުމާ ގުޅިގެން ދޭ ޗުއްޓީގެ މުއްދަތަށް، ވަގުތީ އެ މުވައްޒަފު އައްޔަންކުރެވޭނީ އަލުން އިއުލާނުކޮށް އާ އެއްބަސްވުމެއްގެ ދަށުންނެވެ.

ވިހެއުމުން މުސާރައާއެކު ލިބޭ ޗުއްޓީ ހަ މަހަށް އިތުރުކޮށްފައިވަނީ މާޗު، 7، 2019ގަ އެވެ. އޭގެ ކުރިން ލިބެނީ ތިން މަސް ދުވަހުގެ ޗުއްޓީ އެވެ.

ސިވިލް ސާވިސްގައި މިހާރު 13،000 އަށް ވުރެ ގިނަ އަންހެނުން މަސައްކަތް ކުރެ އެވެ.

Viheumun libey chuttee 6 mahah ithuru koffi

The most trusted news source in the Maldives

Mihaaru

ސިވިލް ސާވިސް ސިވިލް ސާވިސް ކޮމިޝަން ސިވިލް ސާވަންޓުން

33 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޥެލި

29 May 2019

ހަރަދު ކުޑަކުރަނީއޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޔައިންގެރާއްޖެ!

28 May 2019

މި މީހުން ވެއްޖެއްނު ވިހަން ގޭގައި ބައިތިއްބަން! ފިރިން ކާއެއްޗެހި ހޯދައިގެން ގެންގޮސް ކާންދޭނެވިއްޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެރިކަމަށް އައި ހޮޅިވައުދު

28 May 2019

6 މަހުގެ ޗުއްޓީ މަންމައަށް. ހަމަ އެއާއި އެކު 1 މަހުގެ ޗުއްޓީއެއް ބައްޕައަށް، ޖެހިގެން އަންނަ މަހު ބައްޕަ ނަގާނެ އަހަރީ ޗުއްޓީ ސަލާމާއި، އެފްއާރާއި އޭތީ މީއްޗަށް އަނެެއް މަސް. ބަލަމާ މަންމައާއި ބައްޕަ އަކީ ރަށުގައި ތިބި ހަމައެކަނި ފިޒިކްސް 2 މުދައްރިސުން ކަމަށް. މިޙާލަތުގައި ކިހިތްބާ ހަދާނީ. އެމީހުން ވަޒީފާއަށް ނެރޭނީތަ؟ ސްކޫލުގެ ކިޔެވުން އެއަހަރަށް ބަންދު ކުރާނީތަ؟ ބިދޭސީ ޓީޗަރެއް 6 މަހަށް ގެންނާނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

28 May 2019

6 މަސްފަހުން ވަޒީފާއަށް ނުކުންނައިރު މަޤާމެއް ނޯންނާނެ. މީ ނުކުންނާނެ މައްސަލަތަކެެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހަމަ

27 May 2019

މަސައްކަތް އެހެން މުއައްޒަފުންންށް ބެހެންޔާ ޗުއްޓީ އަށް ދާ މީހާގެ މުސާރަ ވެސް ބެހެން ޖެހޭނެ. ވަރުގަދަ ކަމެކޭ ދޯ މި ލައިގަތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދު

27 May 2019

އޮފީހުގައި މަސައްކަތްކުރާމުއައްޒަފުންނަށް އިތުރުއިނާޔަތްދީގެން ތިތަން ފޫބައްދަން މަސައްކަތްކޮށްފިއްޔަމާރަގަޅުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިނީ

27 May 2019

ތީހަމަ ވަރަށް ރަނގަޅު ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

27 May 2019

ދިވެހި ސިވިލް ސަރވިސްގެ ޕަރފޯމަންސް އޯޑިޓެއް ހެދީ ކޮން ދުވަހަކުތޯ؟ އަހަންނަށް ހީވަނީ އޮފީސްތަކުގެ ގިނަ މުވައްޒަފުން އުޅެނީ ރަސްމީ ގަޑީގައި ކުރާނެ މަސައްކަތެއް ނެތި (އަދި ހުއްޓަސް) ބޭރުގައި ހެން. އޮފީސް ތެރޭގައި ގިނައިން ފޭސްބޫކް ނުވަތަ އޮންލައިންގަ. އޮފީހަކަށްް ގުޅައިފިއްޔާ ފޯނެއް ނުނަގާ، ކަމާ ގުޅޭ މުވައްޒަފަކާ ބައްދަލެއް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގ

27 May 2019

ތީ އެއްގޮތަކައްވެސް ކުރަންޖެހޭކަމެއްނޫން. ސިވިލްސާވިސްގަ މަސައްކަތްކުރާ ގިނަ މުއައްޒަފުންނަކީ ކަނޑައެޅިފަ އޮންނަވަގުތުގެ 50%އައްވާވަރައްވެސް ކުރާނެ މަސައްކަތެއް ނުހުންނަމީހުން އެހެންވެ ބައެއްމީހުންނައް މިގޮތައް ޗުއްޓީދޭންޖެހުނަސް ދެންތިބިމީހުންނައް އިތުރުވާ މަސައްކަތް ކުރެވެންޖެހޭނެ. މިހެންބުންޏަސް ބައެއްތަންތަންހުރޭ ވަރައްބުރަބޮޑުކޮއްވެސް އެތަންތަނައް އިތުރު އެހީތެރިކަންބޭނުންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީމުނީރު

27 May 2019

ބަލަ ދުނިޔޭގެ އެހެން ގައުމުތަކުގައިވެސް ކުރާކަމެއް އެޕްރެންޝިޕަށް ކުދިން ނެގުން، ސަރުކާރު އަދި ސަރުކާރުގެ ކުންފުނިތަކަށް ކޮލެޖު ޔުނިވަސިޓީގައި ކިޔަވާކުދިން ނަގަންވީ، އެއިރުން އެކުދިން ރަނގަޅަށް ޕާމޯމަންސް ކުރީމަ ދާއިމީ ވަޒީފާދޭނީ އެއިރުން ހުންނާނީ ތަޖްރިބާވެސް ލިބިފައި، ވިހެއުމުން 6 މަސްދިނީ އެއީ ވޯޓް ހޯދަން ވިއްކި ދައުލަތުގެ ފައިސާގަނޑެއް، އެފަދަ ކިތަންމެކަމެއް ކޮންމެ ސަރުކާރަކުން އެބަކުރޭ