ކޮޅުފުށީގައި 100 ހައުސިން ޔުނިޓް އަޅާނެ ބަޔަކު ހޯދަނީ

މ. ކޮޅުފުށި: އެ ރަށުގައި އަޅަން ކަނޑައަޅާފައިވާ ހައުސިން ޔުނިޓްތަކަށް ބިޑް ކުރެވޭނީ ނެޝަނަލް ޕްލޭނިން މިނިސްޓްރީގައި ރަޖިސްޓްރީވެފައިވާ ކޮންޓްރެކްޓަރުންނަށް އެކަނި -- ފޮޓޯ: ނެޝަނަލް ޕްލޭނިން ޑިޕާޓްމެންޓް

ލަމްޔާ އަބްދުﷲ، މިހާރު

07 ޖުލައި 2019 - 14:17

7 comments

މ. ކޮޅުފުށީގައި 100 ހައުސިން ޔުނިޓް އަޅާނެ ބަޔަކު ހޯދަން ފިނޭންސް މިނިސްޓްރީން މިއަދު ބިޑަށް ހުޅުވާލައިފި އެވެ.

މިކަމަށް ހޯދަނީ ޑިޒައިން އެންޑް ބިލްޑް އުސޫލު ނުވަތަ ޑިޒައިންކޮށްގެން ހަދައިދޭނެ ބައެއް ކަމަށް ފިނޭންސް މިނިސްޓްރީން ބުންޏެވެ.

މި މަޝްރޫ އަށް ބިޑްކުރެވޭނީ "އިމާރާތްކުރުމުގެ އަމަލީ މަސައްކަތްކުރާ ފަރާތްތަކުގެ ގަވާއިދު" ގެ ދަށުން ނެޝަނަލް ޕްލޭނިން އެންޑް އިންފްރާސްޓްރަކްޗާ މިނިސްޓްރީގައި ރަޖިސްޓްރީވެފައިވާ ކޮންޓްރެކްޓަރުންނަށް އެކަނި ކަމަށް ފިނޭންސް މިނިސްޓްރީން ބުންޏެވެ. މިއީ މިދިޔަ މާޗު މަހުގެ 30 ގެ ފަހުން ގެނައި ބަދަލެކެވެ. ކުރިން ނަމަ ނެޝަނަލް ޕްލޭނިން މިނިސްޓްރީގައި ރަޖިސްޓްރީވެފައި ނެތް ކުންފުނިތަކަށް ވެސް މި ފަދަ މަޝްރޫއުތަކަށް ބިޑް ކުރެވޭނެ އެވެ.

ބީލަން ހުށަހެޅުން އޮންނާނީ މަހުގެ 30 ވަނަ ދުވަހު އެވެ. މި މަހު 29 ގެ ކުރިން ބީލަމަށް ރަޖިސްޓްރީވުމުގެ ފުރުސަތު ހުޅުވާލާފައިވާ އިރު، ރަޖިސްޓްރީ ވެވޭނީ 1،500ރ. ގެ ފީއެއް ދައްކައިގެންނެވެ. އަދި 100،000 ޑޮލަރު (1,545,000ރ.) ގެ ސެކިއުރިޓީ ޑިޕޮސިޓެއް ވެސް ބަހައްޓަން ޖެހޭނެ އެވެ.

ފިނޭންސް މިނިސްޓްރީން ވަނީ ޑިޒައިން އެންޑް ބިލްޑް އުސޫލުގެ ދަށުން ލ. ގަމުގައި 200 ހައުސިން ޔުނިޓާއި ބ. ތުޅާދޫގައި 100 ހައުސިން ޔުނިޓް އަޅާނެ ބަޔަކު ހޯދަން ވެސް މީގެ ކުރިން ބިޑަށް ހުޅުވާލާފަ އެވެ.

މި އަހަރުގެ ބަޖެޓުގައި ޕަބްލިކް ސެކްޓާ އިންވެސްޓްމެންޓް ޕްރޮގްރާމް (ޕީއެސްއައިޕީ) ގެ މަޝްރޫއުތަކުގެ ގޮތުގައި 6.6 ބިލިއަން ރުފިޔާ ހިމަނާފައިވެ އެވެ. އޭގެ ތެރޭގައި، އަލަށް ފަށާ 315 އަދި ހިނގަމުންދާ 229 މަޝްރޫއު ހިމެނެ އެވެ.

ފިނޭންސް މިނިސްޓްރީ ހައުސިން މިނިސްޓަރު ހައުސިން ޔުނިޓް މ. ކޮޅުފުށި ހައުސިން، ލޭންޑް އެންޑް އާބަން މިނިސްޓްރީ

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެން

08 July 2019

ހިންނަވަރުގައި އަޅާނެ ހައުސިން ޔުނިޓެއް ނެތްދޯ މިއަހަރުވެސް؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑުރެކިއުލާ

08 July 2019

މާލޭމީހާއަށް މަހަކު 12،000 ރުފިޔާޖެހޭ ފެންވަރުގެ އެޕާޓްމެންޓެއް ހަދާދީފަ އޭނަގެއަތުން 5،000 ރުފިޔާ ނަގާފަ މަހަކު 6000 ރުފިޔާ ދައުލަތުގެ ޓެކްސް ފައިސާއިން ސަބްސިޑީގެ ގޮތުގައި ދެންޏާ ކޮޅުފުށީ މީހާއަށްވެސް އެވަރުގެ ސަބްސިޑީއެއް ދޭންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގެ މަލީ

07 July 2019

ކޮޅުފުށީ މީހުންގެ 3 ކޮޓަރީ ގެއެއް 1.2 މިލިއަންއަށް މީދެން ބޮޑުވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސީރާ

07 July 2019

އަލުން ބަލުން ހައުސިންގ ޔުނިޓުތައް އެޅުމަށްވުރެ ކުރިން އަޅާފަހުރި ތަންތަނަށް މޙުންނަށް ވަދެވޭގޮތް ހަދާބަލަ. މިހާރު ގދ.ތިނަދޫ ފްލެޓުތައް އަޅާފަ ހުންނަތާ ކިތަށް އަހަރު؟ 100 ދުވަސްތެރޭ ދޭނަމޭބުނެ ކުރިން ޕޮއިންޓް ލިބިފަހުރިގޮތް އޮޅުވާލާ ވަކިބަޔަކަށް ފްލެޓްދޭ އުސޫލުން ނިކަމެތި (ފްލެޓް ހައްޤުވާމީހާގެ) ޕޮއިންޓްސް މަދުކޮށް އިއުލާންކުރީ ވަގުތީ ލިސްޓެއް. އެއީ މެއި2019 ގަ. ޝަކުވާހުށައެޅުމަށް ހުޅުވާލި އެޕްރީލް 10 އާ ހަމައަށް. މިހާރު އޭގެފަހުން 3މަސްވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިގޮތް އޯކޭ ތޯ

07 July 2019

އަޅުގަޑަށް ރައީސް ކަން ލިބިއްޖެ ނަމަ ދިގު މުއްދަތެއްގެ ތެރޭގައި އަގު ދައްކާ ގޮތަށް =/300،000 ރުފިޔާ އާއި =/500،000 ރުފިޔާ އާއި ދެމެދުގެ އަގު ތަކެއްގައި އެމީހަކު ދިރި އުޅޭ ރަށެއްގައި އެމީހެއްގް ގޯތީގައި ރައްޔިތުން ނަށް ރޯހައުސް ނުވަތަ ގެއެއް އަޅާ ދޭނަމެވެ.މޯގޭޖް ކުރަނީ އެ ރައްޔިތު މީހާގެ ގޯތީގެ ރަޖިސްޓަރީ އެވެ.