ބީލަން ހުށަހަޅަން މިހާރު ޖެހެނީ އަންނަ މަހުގެ 23 ވަނަ ދުވަހާ ހަމައަށް.
މީދޫ މަގަކުން މީހަކު ދުއްވާފައި ދަނީ: އެ ރަށުގެ ނަރުދަމާ އަޅާނެ ބަޔަކު އަންނަނީ ހޯދަމުން. ފޮޓޯ: ކިޔުންތެރިއެއް
13 ސެޕްޓެމްބަރ 2016 - 10:44
9 comments
އައްޑޫގައި ވަކިން އޮންނަ ދެ ރަށް ކަމަށްވާ ހުޅުދޫ އާއި މީދޫގެ ނަރުދަމާ ނިޒާމް ގާއިމު ކުރާނެ ބަޔަކު ހޯދަން ފިނޭންސް މިނިސްޓްރީން އަލުން ބީލަމަށް ހުޅުވާލައިފި އެވެ.
އެ މިނިސްޓްރީން ބުނީ އެކަމަށް ކުރިން ހުޅުވާލި ބީލަން މިހާރު ބާތިލްކޮށްފައިވާ ކަމަށެވެ. އެކަމަކު ވަކި ސަބަބެއް ބުނެފައެއް ނުވެ އެވެ.
މިހާރު ހަމަޖެހިފައި އޮތް ގޮތުން ހުޅުދޫ އާއި މީދޫގެ ނަރުދަމާ ނިޒާމް ގާއިމުކޮށް ދޭން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަ މަހުގެ 23 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
ބީލަމުގައި ބައިވެރިވާން 1،500ރ. ރަޖިސްޓްރޭޝަން ފީއެއް ދައްކަން ޖެހެ އެވެ.
ފިނޭންސުން ބުނީ އޯޕެކް ފަންޑް ފޮ އިންޓަނޭޝަނަލް ޑިވެލޮޕްމަންޓް (އޮފިޑް) އިން ދިވެހި ސަރުކާރަށް ލިބިފައިވާ ލޯނު އެހީއެއްގެ ދަށުން ހިންގާ މި މަޝްރޫއުގެ ބިޑު ސެކިއުރިޓީގެ ގޮތުގައި 462،600ރ. ހުށަހަޅަން ޖެހޭނެ ކަމަށެވެ. ބިޑް ސެކިއުރިޓީގެ މުއްދަތަކީ ބިޑު ހުށަހަޅާ ތާރީހުން ފެށިގެން 148 ދުވަހެވެ. ޕާފޯމަންސް ސެކިއުރިޓީގެ ގޮތުގައި ހުށަހަޅަން ޖެހޭނީ ކޮންޓްރެކްޓް އަގުގެ 10 ޕަސަންޓެވެ. އެޑްވާންސް ޕޭމަންޓްގެ ގޮތުގައި ކޮންޓްރެކްޓް އަގުގެ 15 ޕަސަންޓް އެޑްވާންސް ޕޭމަންޓް ގެރެންޓީއެއް ހުށަހެޅުމުން ލިބޭނެ ކަމަށް ވެސް މިނިސްޓްރީން ބުންޏެވެ. ހުޅުދޫ އާއި މީދޫގެ ނަރުދަމާ މަޝްރޫއުގެ ޕްރީ ބިޑް މީޓިން މި މަހުގެ 27 ގައި އޮންނާނެ އެވެ. އަދި ބިޑް ހުޅުވާނީ އަންނަ މަހުގެ 25 ގަ އެވެ.
އެންވަޔަރަމަންޓް މިނިސްޓްރީން މިދިޔަ ހަފުތާގައި ބުނި ގޮތުގައި މުޅި އައްޑޫގެ ނަރުދަމާ ނިޒާމުގެ މަޝްރޫއު 2018 ގެ ތެރޭގައި އެއްކޮށް ނިންމާލެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
zahid
14 September 2016
ރަނގަޅު ނަރުދަމާގެ ނިޒާމެއް ނެތަސް މުޅި އަތޮޅުއެއްކޮށްގެން ސިޓީ ކިއުނީމަ ނިމުނީދޯ
ގގ
14 September 2016
މީ އެއްޗެއް ވިއްކަނީތަ ނުވަތަ އެއްޗެއް ގަންނަނީތަ. މީގަ ވިއްކާ ފަރާތާއި ގަންނަ ފަރާތް އެގޭބާ؟
އެންތަނީ
13 September 2016
ފަޅިރަށަކާ ހާދަ ވައްތަރޭ، ސައިކަލުގަ އެފެންނަނީ ރަށް ބަލައްޓާ މިހާތަ؟
ލިޓިލް
13 September 2016
"އެންތަނީ" އޭ އެންތަނީ. އެކޮއި މެން ދޮން މީހުންނަށް ކިޔާނަން ކިޔައިގެން ދެން އައްޑޫ ކުއްޖާ މެން ދެރަ ކުރަން ނޫޅޭ. މިހާރު މަމެން ގެ ބިއުޓިފުލް އެން އޯސްމް އެން ފްލޯލެސް ސަރުކާރުން މިއުޅެނީ އައްޑޫ ގައި ލާރޖް ކޮށް ނަރުދަމާ ނިޒާމް އަދި ލާރކް ކޮށް ފެނުގެ ނިޒާމް ލާރޖް ކޮށް ކަރަންޓްގެ ނިޒާމް ގާއިމް ކޮށް އެ ސިޓީ އަކީ އެއީ ސީޒާ ލިޓިލް ނަގޯޔާ އަށް ހަދަން އިނގޭ. އެއިރުން ޓޯޔޮޓާ ކާރު ވެސް އުފައްދާނީ އެސިޓީ ގައި އިނގޭ. ރަންރީނދޫ ކުދިން ވެސް ދެން ކައުންސިލު އިންތިޚާބުގައި ބަލަންވީ ވޯޓް މަމެން ޕިންކީސް އިން ނަށް ދެވޭތޯއެވެ. އެއިރުން އައްޑޫ ކުއްޖާ މެންގެ ސިޓީ ލިޓިލް ނަގޯޔާ އަށް ހެދޭނީ.
ހޯގޮޅާ
13 September 2016
ގޯހެއްނޫން، އެހެންނަމަވެސް އައްޑޫކަމެއް ވިއްޔާ ނަމަނަމަ ބީލަމަކުން ނެއްޓިޔަނުދޭތި....
އަހައްމައިބޭ
13 September 2016
މުޅި އަށްޑޫގެ ނަރުދަމާ ނިޒާމަކީ 25 ހާސް މީހުން ބޭނުންކުރާ ނިޒާމެއް ،މިނިޒާމު މުޅިން އެއްކޮއް މަސައްކަތް ފެއްޓޭނެ ކަމައް ލަފާކުރެވެނީ 2018 ގައި ،ނިމޭނެ ކަމައް ލަފާ ކުރެވެނީ 2023 ގައި
ޔަގީން
13 September 2016
އެެއްގޮތަކަށް ވެސް އައްޑޫ ކުއްޖާ މެން ދެރަވެ މާޔޫސް ވާނެ ކަމެއް ނެތެވެ. މަމެންގެ ޕިންކް ސަރުކާރުން އައްޑޫ މުޅިން ގެންދާނީ ލިޓިލް ސިންގަޕޯރ ފެންވަރަށެވެ. ތިކުދިން ބަލަން ތިބެއްޗޭ މިޚަބަރުގެ ސެލްފީން އެފެންނަ ފަދަ ގްރީން ގަސް ތައް ހުންނަ އަދި ކޮރަލް ބްރިކްސް އިން ބްލެކް ކަލަރޑް ވޯލްސް ތައް ފެންނަ މަގުތަކަކީ އެއީ ޔޫއެންގެ ހެރިޓޭޖް ލިސްޓަށް އަރާ މަގުތަކަށް ހަދާނަމެވެ. އެއްގޮތަކަށް ވެސް ރަންރީނދޫ ކުދިން ދެރަނުވެ މަމެންގެ ބިއުޓިފުލް އެން އޯސަމް އެން ފްލޯލެސް ޓައިޓޭނިއަމް ޕްލޭޓެޑް ސަރުކާރާއި އެކު އަތާއި އަތް ގުޅުވާލައިގެން ރަށްޓެހިވާން ވީއެވެ. ދެން ތިކުދިން އާދެ ބަލަ ޕިންކް ކުދިންގެ އޮފީހަށް ޕިއްޒާ އެއް ކާލާ އަދި ޕިންކް ފޯރމް ފުރާނެ ގޮތް ވެސް ދަސް ކުރަން. އެއިރަށް އެލިބުނީ ފާޚާނާ ނިޒާމް ޔަގީން އަދި ފެނުގެ ނިޒާމް ޔަގީން އަދި 24 ގަޑިއިރު ކަރަންޓް ޔަގީން އަދި 24 ގަޑިއިރު އިންޓަރނެޓް ޓެން ޖީ ޔަގީން. ޔަގީން ޔަގީން ޔަގީން ހަމަ ޔަގީންއެވެ.
ލޭންޓޯކް
13 September 2016
މިޚަބަރުގެ ސެލްފީން މިފެންނަނީ ހާދަ ހިތްގައިމު މަގެކޭ ދޯ. ދެން އެ ސެލްފީން ފެންނަ މީހާ ސައިކަލް ނުދުއްވާ މަޑު މަޑުން ހިނގާފައި އަންނަނަމަ ދެން އެވަރެއް ނެތް. ސެލްފީގެ އެންވަޔަރުމަންޓް ހަޑި ކޮށްލަނީ ސައިކަލް އެވެ.
ބަލާތި
13 September 2016
ހުޅުދޫ މީދޫގެ ނަރުދަމާ ނިޒާމް ބީލަމަށް ލާން ވެސް ނުޖެހޭނެއެވެ. އެ ޕްރޮޖެކްޓް ދޭން ޖެހޭނީ ލޯޔަލް އެން ފެއިތްފުލް އެން ޕޮޓެންޝަލް ސަރުކާރުގެ ކުންފުނި ކަމަށްވާ އެމްޑަބްލިޔު އެސްސީ އަށެވެ. އަނެއްކާ ފިނޭންސް މިނިސްޓްރީ ދަންނަން ޖެހޭނެ އެމްޕްލޯޔަރ އަކީ އެއީ ތިމާވެށި މިނިސްޓްރީ ކަމަށް. ތިޔާ ގައި އަނެއްކާ އަލުން ފިނޭންސް އިން ތި ޕްރޮޖެކްޓް އަލުން އިއުލާން ކުރީ ޔަގީނޭ އެއުޅެނީ ލަންކާ ކުންފުންނަކަށް މަސައްކަތް ނުދެވިގެން ކަން ތިމާވެށި މިނިސްޓްރީގެ ސާރވެންޓުންގެ ބޮޑުން. ޔަގީނޭ މީ ކަން ތި ބިޑް ބާތިލް ކުރި ކަމަކީ. އެމްޑަބްލިޔު އެސްސީ އަކީ ބޮޑު ޓެކްސް ޕޭޔަރ އަކަށް ވެފައި އަދި ސަރުކާރަށް ޑިވިޑެންޑް ދޭ ކުންފުންނަކަށް ވާއިރު އެމްޑަބްލިޔު އެސްސީ އަށް ނޫންތޯ ތިމަސައްކަތް ދޭންވީ. ބަލަން ތިބެއްްޗޭ ތިޔާ ޕްރޮޖެކްޓް ދޭނީ ލަންކާ އަދި އިންޑިއާ ކުންފުންނަކަށް. ދެން ޔޫރަޕް ނަމުގައި ކުންފުންނަކަށް ދިނަސް އޭގެ އަޑީގައި ހުންނާނީ ލަންކާ އިންޑިއާ މީހަކު. މިނޫން ގޮތެއް ވާނެ ކަމަށް މަމެން ނުދެކެން ތިޔާ ކޭސް ގައި.