ސީ ލައިފަށް ފައިސާ ދެއްކި މީހުންތަކެއް މުޒާހަރާ ކުރަނީ: މި މައްސަލައިގައި ބަދަލު ހޯދަން ހުށަހެޅޭނެ އެންމެ ފަހުގެ ތާރީހަކީ އަންނަ އަންގާރަ ދުވަސް --ފޮޓޯ/ މިހާރު
05 ނޮވެމްބަރ 2019 - 17:52
6 comments
ސީލައިފް ގްލޯބަލް އިން ހުޅުމާލޭގައި ހަދާ ހައުސިން ޔުނިޓުތައް ގަންނަން ފައިސާ ދެއްކި ފަރާތްތަކަށް ބަދަލު ހޯދަން ހުށަހަޅަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ފަހު ފުރުސަތު މިއަދު ދީފި އެވެ.
އެޗްޑީސީ އިން ނެރުނު ބަޔާނުގައި ބުނެފައި މި ފަހަރު ހުށަނާޅައިފި ނަމަ، ބަދަލު ނުލިބޭނެ ކަމަށެވެ.
މިދިޔަ ސަރުކާރުން ހުޅުމާލޭގައި 3،000 ހައުސިން ޔުނިޓް އެޅުމުުގެ މަޝްރޫއު ސީލައިފް އަށް ހަވާލުކުރުމުން، ގިނަ ބަޔަކު އެ ފްލެޓްތައް ގަންނަން ފައިސާ ދެއްކި އެވެ. އެހެން ނަމަވެސް ފްލެޓްތަކުގެ މަސައްކަތް ނުކުރުމުން، ފައިސާ ދެއްކި މީހުންގެ ތެރެއިން ބައެއް މީހުން ވަނީ ސީލައިފްއާ ދެކޮޅަށް ދައުވާ ކޮށްފަ އެވެ. އޭގެ ތެރެއިން 203 ފަރާތަކާ އެކު ސަރުކާރާއި އެޗްޑީސީން ވީ ސެޓްލްމެންޓް އެގްރީމެންޓާ އެއްގޮތަށް އެ މީހުންނަށް ފައިސާ ދޭން އެޗްޑީސީ އިން ނިންމި އެވެ. އަދި ދައުވާ ނުކުރާ ފަރާތްތަކަށް ވެސް ބަދަލު ދޭން ނިންމައި، އެކަމަށް ހުށަހަޅަން މިދިޔަ ސެޕްޓެމްބަރު މަހު އެޗްޑީސީ އިން ހުޅުވާލި އެވެ.
އެ ކުންފުނިިން ބުނީ އަންނަ އަންގާރަ ދުވަހުގެ މެންދުރު 2:00ގެ ކުރިން ބަދަލު ހޯދަން ހުށަހަޅަން ޖެހޭނެ ކަމަށެވެ. އަދި ބަދަލު ހޯދަން ހުށަހަޅާ އިރު ސީލައިފް އިން ފްލެޓް ގަންނަން ވީ އެއްބަސްވުމާއި، ފްލެޓް ގަންނަން ފައިސާ ދެއްކި ލިޔުމާއި އައިޑީ ކާޑުގެ ކޮޕީ ހުށަހަޅަން ޖެހޭނެ ކަމަށް ބުންޏެވެ.
ސީލައިފްގެ އޮޅުވާލުމާއި މަކަރުތަކާ އެކު ވެސް ސަރުކާރަށް ބުރަބޮޑުވާ ގޮތަށް ސެޓްލްމަންޓް އެއްބަސްވުން އެކުލަވާލައި ބަދަލު ދޭން ނިންމުމުން ގާނޫނީ ބައެއް ބޭފުޅުން ވަނީ މީގެ ކުރިން ފާޑު ވިދާޅުވެފަ އެވެ. މި މައްސަލައިގައި އެޗްޑީސީ އާއި ސަރުކާރުގައި އިހުމާލެއް ނެތް ނަމަވެސް ބަދަލު ދޭން ނިންމީ، މި ކަމުގައި އާންމުންގެ ގިނަ ބަޔަކަށް ގެއްލުންވެފައި ވާތީ ކަމަށް އެޗްޑީސީން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުޅި
06 November 2019
މީ ހާދަމަޖާކަމެކޭ. އެއްބަޔަކަށް ބަދަލަކަށް ލިބޭނެފައިދާ އަދި ލިބޭނެ ގެއްލުން ހިސާބުކޮށް އެތައް މިލިއަނެއް. ފަރެއް ދޭން އެއްބަސްވެ ފަރުނުދިނޭ ކިޔާފަ އެ ފަރު ހިއްކައިގެން ލިބިދާނެ ފައިދާއޭ ކިޔާ އެތައް މިލިއަނެއް. އެ ހެޔޮ އެކަމަށް އެއްވެސް ޚަރަދެއް ނުކުރިއަސް. ދެން މި ފަހަރު ހަމަ ރުފިޔާއަކަށް ރުފިޔާއެއް. މަޖާކަމެއް.
ބޮޑުމީހާ
06 November 2019
ތިހެން ބަދަލު ދެންޏާ އެކި މީހުން، މީސް މީހުން އަތުން ނަގާފަ ހުރި ދަރަނިތައްވެސް ދައުލަތުން ދޭންވާނެ. މަށަށްވެސް މީހަކު ލައްކައިން ރުފިޔާދޭން އެބަހުރި. ގެއްލުމުގެ ބަދަލު ހޯދައިދީ
90909
06 November 2019
ފުރުޞަތުތަ މިއުޅެނީ ނުލިބިގެން. ކޯޓުގައި އެޗްޑީސީ އިން 60 ދުވަސްތެރޭ ފައިސާ ދޭނަމޭ ކިޔައިފަ ނުދީގެންނު މިއުޅެނީ. ކިތަށް ފަހަރުތަ އެލިޔުންތަށް ހުށަހަޅަންވީ.. ގެއްލުމުގެ އަގާއެކު، 1 މިލިއަން އަރާއިރުވެސް އަދިވެސް މިއުޅެނީ އެފައިސާ ނުލިބިގެން. ދޭންބުނި ސޯޝަލް ހައުސިންގ ފްލެޓްވެސް ޖެހޭނީ ފަހަތުން ދުވަންކަންނޭނގެ. އެކަމަކު ކޯޓަކުން އެމީހުނަކަށް ނޭރޭނެ 2 އަހަރު ތެރޭ ފްލެޓް ނުދީފިނަމަ.
ޑޭޓް
06 November 2019
އެޗްޑީސީ ކިހިނެއް ވެގެން މިއުޅެނީ ވަގުންގެ ދަރަނި އަދާކޮށްދީ. މެސެޖަކީ މަކަރާއި ހީލަތް އަދި ވައްކަމަށް ލިބޭނީ އިނާމޭތަ؟ ދައުލަތަށް ލިބެންޖެހޭ އާމްދަނީ މިގޮތަށް ޚަރަދުކުރާއިރު އޭގެ އޮޕަޗުނިޓި ކޮސްޓްއަކީ ރައްޔިތުންނަށް ލިބެންޖޭހޭ އަސާސީ ކަންކަން ފުއްދުން ނޫންބާ. ކުންފުނީގެ ޤާނޫނުގެ ދަށުން ކުރެވޭނެބާ ތި އަމަލު؟
މުހައްމާ
05 November 2019
ސީލައިފް އަށް 50،000 މީގެ ދެއަހަރު ކުރިން ދެއްކި މީހުނަށް ބަދަލު ލިބިދާނެކަމުގެ ކޮޅުމަތި ފެންނައިރު އެކަމާއި އުފާވަހިނދު، އަޅުގަނދު ގުޅީފަޅުން ފުލެޓުގަތުމަށް މީގެ 10 އަހަރުކުރިން 250،000 ރުފިޔާ ދައްކާ، ފުލެޓުއަޅާނިމި އެތަން ސަރުކާރުން އަޅުގަނޑު އަތުން އަތުލާ ސަރުކާރުން އެތަން ކުއްޔަށްދީ ފައިދާނަގާތާ އެތަކެއްއަހަރުވެފައިވާހިނދު، އަޅުގަނޑާއިމެދު އިޙުސާންތެރިވެ ކޮންމެވެސް ގޮތެއް ހަދައިދިނުމަށް ފަށްފަށުން އާދޭހާއެކު ދަންނަވަން. ﷲ އާ ވަކީލް.
ބަބުރުލް ސަލީމް
05 November 2019
މީވެސް ދެން މަޖާކަމެއް.