އެލައިޑުގެ އެމްޑީ (ކ2) އާއި ޕޮލިސް ކޮމިޝަނާ (ވ2) އެއްބަސްވުން ބަދަލު ކުރައްވަނީ-- ފޮޓޯ: ނިޝާން އަލީ/ މިހާރު
30 ޖެނުއަރީ 2020 - 13:07
2 comments
ފުލުހުންނާއި އެލައިޑް އިންޝުއަރެންސް ގުޅިގެން ކޮންމެ އަހަރަކު ބާއްވާ "ރައްކާ" ކެމްޕޭންގެ ފަސް ވަނަ އެޑިޝަންގެ އެއްބަސްވުމުގައި މިއަދު ސޮއިކޮށްފި އެވެ.
އެލައިޑުގައި ބޭއްވި ރަސްމިއްޔާތެއްގައި ފުލުހުންގެ ފަރާތުން ސޮއިކުރެއްވީ ކޮމިޝަނާ އޮފް ޕޮލިސް މުހައްމަދު ހަމީދެވެ. އެލައިޑުގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މުހައްމަދު ޝަފާޒެވެ.
"ރައްކާ" ކެމްޕޭނަކީ މަގުމަތީގެ ރައްކާތެރިކަމަށް މީހުން އަހުލުވެރިކުރުވަން ފާއިތުވި ފަސް އަހަރު އެލައިޑާއި ފުލުހުން ގުޅިގެން ކުރިއަށްގެންދާ ކެމްޕޭނެކެވެ. ފާއިތުވި އަހަރުތަކުގައި ރާއްޖޭގެ އެކި ހިސާބުތަކުގައި މި ކެމްޕޭން ކުރިއަށް ގެންދިޔަ ނަމަވެސް މި އަހަރުގެ ކެމްޕޭން ހާއްސަ ކޮށްފައިވަނީ މާލެ އާއި އައްޑޫ އަދި ފުވައްމުލަކަށެވެ.
ކޮމިޝަނާ އޮފް ޕޮލިސް މުހައްމަދު ހަމީދު މީޑިއާއާ ވާހަކަ ދައްކަވަނީ. -- ފޮޓޯ: ނިޝާން އަލީ/ މިހާރު
ޕޮލިސް ކޮމިޝަނަރު ވިދާޅުވީ ކުރީ އަހަރުތަކުގައި މި ކެމްޕޭން ވަކި މުއްދަތަކަށް ކުރިއަށްގެންދިޔަ ނަމަވެސް މިއަހަރުގެ ކެމްޕޭން މުޅި އަހަރަށް ބަހާލައިގެން ކުރިއަށްގެންދާނެ ކަމަށެވެ. އަދި މި ކެމްޕޭނަކީ އެންމެންނަށް މަގުތަކަކީ ރައްކާތެރި ތަނަކަށް ހެދުމުގެ މަގުސަދުގައި ހިންގާ ކެމްޕޭނެއް ކަމަށް ވިދާޅުވި އެވެ.
"މިއީ ކުރިއަށް އޮތް ފަސް އަހަރަށް އަޅުގަނޑުމެން އެކުލަވާލާފައިވާ ސްޓްރެޓެޖިކް ޕްލޭންގައި ހާއްސަކަން ދީފައިވާ ހަ ދާއިރާގެ ތެރެއިން އެއް ދާއިރާ. އެގޮތުން، ރާއްޖޭގެ އާބާދީ ބޮޑު ސަރަހައްދުތަކުގައި އެކި ހަރަކާތްތައް ގޮތުގައި މި އެވެއާނަސް ޕްރޮގްރާމް އަޅުގަނޑުމެން ކުރިއަށް ގެންދާނަން،" ހަމީދު ވިދާޅުވި އެވެ.
އެލައިޑުގެ އެމްޑީ ޝަފާޒު ވާހަކަ ދައްކަވަނީ. -- ފޮޓޯ: ނިޝާން އަލީ/ މިހާރު
އެލައިޑުގެ އެމްޑީ މުހައްމަދު ޝަފާޒު ވިދާޅުވީ މަގުމަތީގެ ސަލާމާތާއި ރައްކާތެރިކަން ހޯދަން ބޭނުންވާ ނަމަ ކުޑަ އިރުން ފެށިގެން އެ ގަވާއިދުތަކަށް ކުދިން އަހުލުވެރިކުރުވަން ޖެހޭ ކަމަށެވެ. އެގޮތުން، މިއަހަރު ކުރިއަށްގެންދާ ރައްކާ ކެމްޕޭން ސްކޫލް ދަރިވަރުންނާއި ޓެކްސީ ޑްރައިވަރުންނަށް ވެސް ކުރިއަށް ގެންދާނެ ކަމަށް އޭނާ ވިދާޅުވި އެވެ.
"ސްކޫލް ދަރިވަރުންނަށް ވެސް އަޅުގަނޑުމެން މި އެވެއާނަސް ކެމްޕޭން ކުރިއަށްގެންދާނަން. އެހިސާބުން ފެށިގެން އަސްލު ލޯންގް ރަން އަކަށް މީގެ ފައިދާ ކުރާނީ. ކުންފުންޏެއްގެ ގޮތުގައި އެލައިޑުން އަަބަދުވެސް ކަންބޮޑުވާކަމެއް މަގުމަތީިގެ ރައްކާތެރިކަމަކީ،" ޝަފާޒު ވިދާޅުވި އެވެ.
މިއަހަރުގެ ކެމްޕޭންގެ އިތުރުން ކުރިއަށް އޮތް ތަނުގައި ވެސް ރައްޔިތުން ހޭލުންތެރި ކުރުމުގެ ތަފާތު ޕްރޮގްރާމުތައް ކުރިއަށްގެންދާނެ ކަމަށް އެލައިޑުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިގޫތާކިހާ
30 January 2020
"....ކުންފުންޏެއްގެ ގޮތުގައި އެލައިޑުން އަަބަދުވެސް ކަންބޮޑުވާކަމެއް މަގުމަތީިގެ ރައްކާތެރިކަމަކީ،" ކީކޭ އެލައިޑުން ކަންބޮޑުވަނީއޭ: އެކްސިޑެންޓްވެ މީހުންނަ އަނިޔާވާތީތަ ނޫނީ އިންޝުއަރެންސް ކޮށްފައި ހުންނަ ދުއްވާއެއްޗެެއްސަ ބޮޑެތި ގެއްލުންވެ ބަދަލު ދޭންޖެހޭތީތަ!؟
ވަކުންޖު
30 January 2020
"ކަފިހި ހުރަސްމަތީ ހިގާމީހާ ހުންނައިރު ލިބިދޭ ހައްގުތަ" މިނަމުގަވެސް ކެންޕޭނެއް ހިންގުން މުހިންމު. މިހާރު ވާގޮތަކީ ކަފިހި ހުރަސްމަތީގަ ހުންނައިރުވެސް ދުއްވާއެއްޗެހި އެއްވެސް ބެލުމެއް ނެތި މީހުންގައިގަ ކޭއްތެމުން ދެމިގަންނަނީ. ހޮޓަލުގަ ސިގިރެޓް ނުބޯ އިންޒާރު ކުރިމަތީ ސިގިރޭޓް ބޮވޭގޮތަށް މިކަންވެސް ހުއްޓުވޭނެ ގޮތެއް ނެތީބާ!