ރަޝީދުގެ އެދިވަޑައިގަތުމަށް ހުޅުމާލޭގައި އިމާރާތްކުރާ މިސްކިތުގެ ބިންގާ އެޅުމަށް މިދިޔަ ޖެނުއަރީ 16 ގައި ބޭއްވި ަރަސްމިއްޔާތުގައި، އާޒިމް (ކ) އަދި ނާޒިމް (ވ) އާ އެކު ރަޝީދު ވަޑައިގަންނަވަނީ--- ފައިލް ފޮޓޯ: ނިޝާން އަލީ/މިހާރު
17 ފެބުރުއަރީ 2020 - 15:11
14 comments
ދަގެނތީ ދާއިރާގެ މެމްބަރު އަދި ކުރީގެ ޑިފެންސް މިނިސްޓަރު މުހަންމަދު ނާޒިމާއި އެމްޓީސީސީގެ މެނޭޖިން ޑިރެކްޓަރު އާދަމް އާޒިމްގެ ބައްޕަ އަބްދުއްރަޝީދު މިއަދު އަވަހާރަވެއްޖެ އެވެ.
އަބްދުއްރަޝީދަކީ ރާއްޖޭގެ މަޝްހޫރު ކޮންސްޓްރަކްޝަން ކުންފުނި ކުރީގެ އާރުސީއެންސީ އަދި މިހާރު އާރުސީސީގެ ޗެއާމަނެވެ. ނަވާރަ ސަތޭކަ ފަންސާހުގެ އަހަރުތަކުގެ ތެރޭގައި ވަޑާންގެއެއްގެ ގޮތަށް ރަޝީދު 72، އޭނާގެ އަމިއްލަ ގެ މ. ސީނުކަރަންކާގޭގައި ފެށި މަސައްކަތް، ފަހުން ކޮންސްޓްރަކްޝަން ކުންފުންޏަކަށް ބަދަލުވެ، އެ ކުންފުނި އަންނަނީ ރާއްޖޭގެ އެންމެ މަތީ ފެންވަރުގައި ބޮޑެތި އިމާރާތްތައް ހަދަމުންނެވެ.
އަބްދުއްރަޝީދު އަވަހާރަވީ، ވަރަށް ގިނަ ދުވަހު އާލާސްކަންފުޅާ އުޅުއްވުމަށް ފަހު، ފަރުވާ އަކަށް ސްރީ ލަންކާ އަށް ވަޑައިގެންނެވުމަށްޓަކައި ވެލާނާ އިންޓަނޭޝަނަލް އެއާޕޯޓުގައި ހުންނަވަނިކޮށް، މިއަދު މެންދުރު ފަހުގެ ވަގުތެއްގަ އެވެ. ރަޝީދު އާލާސްކަންފުޅާ އުޅުއްވާތާ ހައެއްހަ އަހަރު ވެއްޖެ ކަމަށް އާއިލާ އިން ބުނެ އެވެ.
ރަޝީދު އެންމެ ފަހުން އާންމުންގެ ތެރެއަށް ނުކުމެވަޑައިގަތީ، އާރުސީސީގެ ފަރާތުން ހުޅުމާލޭގއި އިމާރާތް ކުރާ މިސްކިތުގެ ބިންގާ އެޅުމުގެ ރަސްމިއްޔާތުގައި މިދިޔަ ޖެނުއަރީ 16 ގަ އެވެ. އާއިލާގެ މެމްބަރުންނާ އެކު ރަޝީދު އެ ހަފުލާއިން ފެނުނުއިރު ވެސް އުޅުއްވީ ވަރަށް ބޮޑަށް އާލާސްކަންފުޅާ އެވެ.
އެއީ، ރަޝީދުގެ އެދިވަޑައިގަތުމަކަށް، އަޅާ މިސްކިތެއް ކަމަށާއި މިސްކިތެއް އެޅުމަކީ ރަޝީދުގެ އަބަދުގެ ވެސް އުންމީދެއް ކަމަށް އާއިލާ އިން ބުނެ އެވެ.
ރަޝީދު އަވަހާރަވިއިރު، އަނބިކަނބަލުންނާއި 10 ބޭފުޅަކު ދުނިޔޭގައި އެބަތިއްބެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުއްދި
18 February 2020
انالله وانااليه راجعون اللهم اغفر له وارحمه واسكنه في الجنة آمين
ޙުސެއިން
18 February 2020
إنا لله وإنا إليه راجعون
ދުންތަރި
17 February 2020
إنا لله وإنا إليه راجعون
މުބީނު މާރނީ
17 February 2020
ވަރަށް ހެޔޮ ބޭފުޅެއް ! ސުވަރުގޭގެ ނިޔްމަތް ދެއްވާށި. މީހަކަށް ބައްޔެއް ޖައްސަވާ ފާނެ. ނަމަވެސް ދަރިން ނުވަތަ ދަރިއަކު ކުރާ ހިތާމަ އަކީ މައިންބަފައިން ކުރުން އެކަށީގެންވާ ހިތާމަ އެއް. ދަރިން އެކިފަހަރު އެކި ނުހައްގު އަމަލު ކުރާނަމަ މައިންބަފައިން ދަރިންގެ ހުރިހާ ކަމެއް މާ ރަނގަޅަށް ދަންނާނެކަން ދަރިން އިނގިލަން ޖެހޭނެ. ވަލްހަމްދުލިﷲ.
ކޮންމެ ނަފުސެއް
17 February 2020
كل نفس ذائقة الموت
ދިވެހިދަރި
17 February 2020
إنا لله وإنا إليه راجعون. ނާޒިމް ސަރގެ އާއިލާއަށް ލިބުނު ފުންހިތާމައިގަ ބައިވެރިވަން އަދި ނާޒިމް ސަރ ގެ ބައްޕާ ފުޅަށް ސުވަރުގެ މިންވަރު ކުރެއްވުން އެދި ދުޢާ ކުރަން.
އަހުމަދ މުހައްމަދު
17 February 2020
إنا لله وإنا إليه راجعون ފުރާނައަާށް ހެޔޮރަހުމަތް ލައްވާ އާއިލާ އަށް ކެތްތެރިކަން ދެއްވާށި
ރަބަރު
17 February 2020
انالله وانااليه راجعون اللهم اغفر له وارحمه واسكنه في الجنة آمين
ރަދީފް
17 February 2020
إنا لله وإنا إليه راجعون. ނާޒިމްގެ އާއިލާއަށް ލިބުނު ފުންހިތާމައިގަ ބައިވެރިވަން
ހެޔޮނިޔަތް
17 February 2020
މައްޔިތާގެ ފުރާނައަށް ހެޔޮ ރަޙްމަތް ލައްވާ ސުވަރުގެ މިނއވަރު ކުރައްވާށި!!! އަވަހާރަވީ ދެމިގެންދާނެ ފަދަ ސަދަޤާތެއް ބިނާކުރައްވަން ފެއްޓެވިތަނުން.. މާތްﷲ އަބްދުއްރަޝީދުގެ އެ ސަދަޤާތް ޤަބޫލުކުރައް ދެމުގެންދާދަރުމަ ދެއްވާށި!