16 މެއި 2020 - 20:19
24 comments
ސައްހަ ލިޔެކިޔުން ނެތި ރާއްޖޭގައި އުޅެމުން އަންނަ ބިދޭސީން ފޮނުވާލަން ކުރަމުން އަންނަ މަސައްކަތުގައި ބަންގްލާދޭޝްގެ 353 މީހަކު މިއަދު ފޮނުވާލައިފި އެވެ.
މިކަން ހާމަކުރައްވައި ފޮރިން މިނިސްޓަރ އަބްދުﷲ ޝާހިދު ކުރެއްވި ޓުވީޓެއްގައި ވިދާޅުވީ މި މީހުން ފޮނުވާލާފައި ވަނީ ރާއްޖޭން ޗާޓަރުކުރި ބަންގްލާދޭޝްގެ ގައުމީ އެއާލައިން ބިމާންގެ ފްލައިޓެއްގައި ކަމަށެވެ. މީގެ އިތުރުން ރާއްޖެ އަށް އެހީގެ ގޮތުގައި ކާބޯތަކެއްޗާ އެކު މިއަދު އައި ބަންގްލާދޭޝްގެ އަސްކަރީ މަތިންދާބޯޓުގައި އިތުރު 70 މީހަކު ވެސް ފޮނުވާލަން ހަމަޖެހިފައިވާ ކަމަށް މިނިސްޓަރު ވިދާޅުވި އެވެ.
353 Bangladeshis were repatriated today, via Biman flight chartered by GOM and a further 70 Bangladeshis will be departing on the 🇧🇩 Air Force flight which arrived today. I thank the govt. of #Bangladesh & all the agencies involved from both sides for their tireless efforts.
— Abdulla Shahid (@abdulla_shahid) May 16, 2020
ކޮވިޑް-19 ރާއްޖޭގައި ފެތުރެން ފެނި، މާލޭގައި ތޮއްޖެހިގެން ދިރިއުޅެމުން އަންނަ ބިދޭސީންގެ ތެރޭގައި މި ބަލި ވަރަށް ބޮޑަށް ފެތުރުމުން އެ މީހުންގެ ހާލަތު ބަލައި ރަނގަޅު ބޯހިޔާވަހިކަން ފޯރުކޮށްދިނުމަށް ސަރުކާރުން އަންނަނީ މަސައްކަތްކުރަމުންނެވެ. އެގޮތުން މިހާތަނަށް ހުޅުމާލެ އާއި ގުޅީފަޅުގެ ލޭބާ ކުއާޓާތަކަށް ބިދޭސީން ވަނީ ބަދަލުކޮށްފަ އެވެ.
ރާއްޖެއިން މިހާތަނަށް ކޮވިޑް-19 ޖެހުނު 1،078 މީހުންގެ ތެރޭގައި ގިނައީ ބަންގްލާދޭޝް މީހުންނެވެ. މިހާތަނަށް އެ ގައުމުގެ 557 މީހަކަށް ރާއްޖޭގައި ކޮވިޑް-19 ޖެހިފައިވެ އެވެ.
ސައްހަ ލިޔެކިޔުން ނެތި އުޅޭ ބިދޭސީންގެ މައްސަލަ ރާއްޖޭގައި ބޮޑުވެފައިވާއިރު އޭގެ ތެރެއިން 1،500 މީހުން އަނބުރާ ގައުމަށް ފޮނުވާލުމުގެ މަސައްކަތް ކުރަމުން އަންނަކަމަށް ރައީސް އިބްރާޙިމް މުހައްމަދު ސޯލިހު ވިދާޅުވެފައިވެ އެވެ. އަދި އެމީހުން ފޮނުވައިލުމުގެ މަސައްކަތް ކުރިއަށް ގެންދަނީ އެ ގައުމުގެ ސަރުކާރާ ވާހަކަ ދައްކައިގެން ކަމަށް ވެސް ރައީސް ވިދާޅުވި އެވެ.
މީގެ ކުރިން ވެސް ކާނާގެ އެހީ ހިފައިގެން ރާއްޖެ އައި ފްލައިޓެއްގައި ބަންގްލަދޭޝްގެ 68 މީހަކޔ ވަނީ ފޮނުވާލައިފަ އެވެ.
ރާއްޖޭގައި ތިބި އިންޑިއާ މީހުން އެ ގައުމަށް ގެންދަން އެ ގައުމުގެ ދެ މަނަވަރެއްގައި 700 އަށް ވުރެ ގިނަ މީހުން މިހާތަނަށް ވަނީ ގެންގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާބާ
17 May 2020
މިތާގައި އެއްވެސް ލިޔެކިޔުމެއްނެތި އުޅުއްވާ ބަންގާޅީ ބޭފުޅުން ފޮނުވާލަބަލަ. ހައްތާވެސް ތި ފޮނުވަނީ ގަވައިދުން މިތާގައި އުޅޭ މީހުން.
ހަސަނާބެއްޔާ
17 May 2020
އަހަރުމެން ބަންގާޅު މީހުންނަށް އެއްޗިހި ކިޔަން ލަދުގަންނަން އެބަޖެހޭ. އެމީހުން ރާއްޖެއަށް އާދެވެނީ ކޮންމެވެސް ދިވެހިންތަކެއް އެކަން ހަމަޖައްސައިދީގެން. އެމީހުން މިރާއްޖެ އައިސް ކުރަނީ ދިވެހިންގެ އެކިކަހަލަ މަސައްކަތްތަށް. ދިވެހިން އަމިއްލަ އަތުން ކުރަން ބޭނުން ނޫން ކަންކަން އެމީހުން ލައްވާ ކުރުވަނީ ކުޑަ ކުޑަ ލާރި ކޮޅަކަށް. އެކަމަކު ދިވެހިން އެވަރަށް ބަންގާޅު މީހުންނަށް އެއްޗިހި ކިޔާ ރުޅިވެސް އާދޭ. އެމީހުންނާ ނުލާ ނުވެސް އުޅެވޭނެ. ދިވެހިން އެހާ ފޮނި
އަސޭމިރުސް
17 May 2020
މިހާރު ރާއްޖޭގެ އަތުންފައިން ކުރަންޖެހޭ ހުރިހާ މަސައްކަތެއް ކުރައްވަނީ ބަންގްލަދޭޝް ބޭފުޅުން. ތޮއްޑޫ ކަރާ ހެއްދުމުން ފެށިގެން، ރަށްރަށުގެ ދަނޑުވެރިކަމާ ދޯނިތަކުގެ ފަޅުވެރިކަމާ، ކޮންސްޓްރަކްޝަން ކުރުމާ، ވަޑާންކުރުމާ، ގޭގޭ ކައްކާ ސާފުކުރުމާ، ޑްރައިވަރުކަމާ، ބާޒާރު ކުރުމާ، މުދާ އުފުލުމާ، ވެއިޓަރު ކަމާ، ޕިއޯނުކަމާ ދެންވެސް އޮތް މަސައްކަތެއް ވިއްޔާ ކުރައްވަނީ މިބޭފުޅުން. ދިވެހިން ބޭނުމެއް ނުވޭ މަސައްކަތެއް ކުރަން އަތް ފައި ހަލުވާލަން ވެސް! ދެނޯ؟؟
ގްރީން
17 May 2020
ދިވެހި ޒުވާނުން މަސްތުގަ. ބަންގާޅަށް ދިވެހި ްްްްްްްްް އިގްތިސާދު
ޢަލިބެއްޔާ123
17 May 2020
އެކަމަކުވެސް އެމީހުންނާދިމާއަށް ހެއްދެވިނުހެއްދެވިއަށް ގޮވާ!
އަވަށްޓެހި
17 May 2020
ބަންގްލަދޭޝް މީހަކު ރާއްޖެ ގެންނަންނަމަ ބޮލަކަށް 8000 ރުފިޔާ އިމިގްރޭޝަނަށް ދައްކާފަ ހުންނާނެ.. ކޮބާ އެ ފައިސާތައް؟
ޢަލިބެއްޔާ123
17 May 2020
އެމީހުން ފޮނުވާލަން ޚަރަދު ކުރަނީ.
އަވަށްޓެހި
17 May 2020
މިވެސް އިންޑިއާ އަޑީގައި އޮވެގެން ކުޅޭ ޑްރާމާއަކާ ވައްތަރުވޭ އެބަ.
ދޮނޮމަނިކު
17 May 2020
ކޮވިޑް ޖެހޭ ކޮންމެ މީހަކަށް 10 މީހެއްގެ މަގުން މީހުން ފޮނުވަމުން ގެންދިޔައީމަ، ކޮވިޑާއެކީ ދެ މުސީބާތް އެއްކޮށް ނިމޭނެ. މިކަން ކުރަން ކެރޭނެބާ ؟
އެސްކޮބާރ
17 May 2020
353 މީހުން ފޮނުވާލެވުމަކީ މައްސަލައިގެ ހައްލެއް ނޫން. އެއީ އުފާ ފާޅުކޮށް ކޭކުފަޅާ ހަވާ އަރުވަންވާވަރުގެ ކަމެއްނޫން. ބޮލަކަށް 4000 ޑޮލަރު ނަގަންޏާ ދެން ވިސްނާލަބަލަ ބަންގާޅުގައި ތިބޭ އެޖެންޓުންނަށް މިކަމުން ވާނެ ފައިދާ. މިކަޓުތައް ބެހިގެންދަނީ ރާއްޖޭގެ އިމިގްރޭޝަންގައި ތިބޭ ބައެއް މީހުންނަށާއި، ދިވެހި އެޖެންޓުންނަށާ، ކުންފުނިތަކަށާއި އެތައް ބަޔަކަށް. މިއީ އުކާބުގެ ބާޒާރުގައި އަޅުން ވިއްކުން ކަހަލަ ކަމެއް. ހުއްޓުވަން ބޭނުންވާ ސަރުކާރެއް އަދި ނާދޭ.
ލޮކިސާނު
17 May 2020
އުކާބު ގެ ބާޒާރަކީ ކޮން ގައުމެއްގަ ހުންނަ ބާޒާރެއް ތޯ؟
ަަަަަހ
16 May 2020
މިކަހަލަ އުފާވެރި ހަބަރު ކޮންމެ ދުވަހުކުވެސ ލިބެމުންދާނެކަމަށް އުންމީދުކުރަން.
އެމީހ
17 May 2020
މީ ރިޒޯޓް ތަކުގަ ވަޒީފާ އަދާ ކުރާމީހުން، ގަވާއިދާ ޙިލާފަށް އުޅޭމީހުންނެއްނޫން،
އެންދެރި
16 May 2020
ފޮނުވާލާ.މީހުންގެ ލިސްޓް ގަ ސައްހަ ލިޔެ ކިއުން.ހުންނަ.ބައިވަރު މީހުން ހުރެ އެވެ. މީހުން ފިނުވާލަނީ އެމްބަސީ އާގުޅިގެންނެވެ. ގަވާއިދާ ހިލާފް ގިނަ.ބަޔަކު އެހުރީ ފިހާރަ ހޮޓާ ތަކުގެ ސޭޓުންނަށެވެ.
ސަނާ
16 May 2020
ޟީ މިމީހުނަށް އެނގޭނެ އަނެއްކާވެސް ހާލަތު ރަނގަޅުވެލީމާ ވަގަށް އައިސް މިގައުމުގަ ބޭނުން ގޮތަކަށް އުޅެވޭނެކަން ދިވެއްސެއް ވެއްޖެއްޔާ ލަފުގަ ހިފާ ފުލުހުން ފަހާދުވެ އަތުލާނެ އެކަމަކު ވަގު ބަގުލަދެސް ބޭފުޅުންދެކެ މި ފުލުހުންވެސް ވަރަށް ބިރުގަންނާނެ ސުވާލެއްވެސް ކޮށްލަން ނުކެރޭނެ