ވިޔަފާރި / ތަކެތީގެ އަގު ބޮޑުވުން

ރާއްޖޭގެ އިންޕްލޭޝަން ރޭޓް 3.6 ޕަސެންޓަށް ދަށަށް

އެމްއެމްއޭއިން ޑޮލަރު މާރުކުރުމުގެ މަސައްކަތް ކޮށްދެނީ-- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

27 މެއި 2020 - 21:02

6 comments

މި އަހަރުގެ އޭޕްރީލް މަހުގެ ނިޔަލަށް ޖުމްލަކޮށް ތަކެތީގެ އަގުތައް 3.6 ޕަސެންޓަށް ވެއްޓިއްޖެ އެވެ.

ނޭޝަނަލް ބިއުރޯ އޮފް ސްޓެޓިސްޓިކްސް އިން އާންމުކޮށްފައިވާ ތަފާސް ހިސާބުތަކުން ދައްކާ ގޮތުން މިދިޔަ އަހަރުގެ އޭޕްރީލް މަހުން މި އަހަރުގެ އޭޕްރީލް މަަހަށް އިންޕްލޭޝަން ވަނީ ވަރަށް ބޮޑަށް ދަށަށް ގޮސްފަ އެވެ.

މިދިޔަ އޭޕްރީލް މަހު އެކަނި ވެސް އިންޕްލޭޝަން ރޭޓް ހުރީ 3.2 ޕަސެންޓްގަ އެވެ. އަދި މާޗް މަހު އިންޕްލޭޝަން ރޭޓް ހުރީ 1.1 ޕަސެންޓްގަ އެވެ. އޭޕްރީލް މަހު އެންމެ ބޮޑަށް އަގު ދަށަށް ގޮސްފައިވަނީ ކަރަންޓުގެ ހިދުމަތުންނެވެ. އެގޮތުން ކަރަންޓްގެ ހިދުމަތުގެ އަގު 40 ޕަސެންޓަށް ދަށްވެފައިވެ އެވެ. އަދި ފެނުގެ ހިދުމަތުން 30 ޕަސެންޓް ވަނީ ވެއްޓިފަ އެވެ. މިއީ ކޮވިޑް-19 އާ ގުޅިގެން އާންމުންނަށް ލުއިފަސޭހަ ކޮށްދިނުމުގެ ގޮތުން ސަރުކާރުން ގޭބީސީތަކުގެ ކަރަންޓާއި ފެނުގެ އަގުން ދިން ޑިސްކައުންޓްގެ ސަބަބުން އައި ބަދަލެވެ.

މީގެ އިތުރުން ގޭގޭގެ ކުލި ފަސް ޕަސެންޓް ދަށަށް ދިޔަ އިރު މޯބައިލް ވަސީލަތްތަކުން ހަތަރު ޕަސެންޓަށް އަގުތައް ދަށަށް ގޮސްފައިވެ އެވެ. ބައެއް ކާބޯތަކެތީގެ ބާވަތްތައް ކަމުގައިވާ ކިރާއި ޗީޒާއި ބިހާއި އެއްގަމު މަހުގެ ބާވަތްތަކުގެ އަގު ވެސް ވަނީ ދަށްވެފަ އެވެ. އަދި އިންޓަނެޓް ހިދުމަތުންނާއި ގޭތެރެއަށް ބޭނުންވާ ސާމާނާއި އެއްގަމު ދަތުރު ފަތުރުގެ އަގުތައް ވެސް ވަނީ ވެއްޓިފަ އެވެ.

ގިނަ ބާވަތްތަކެއްގެ އަގުތައް ވެއްޓުނު އިރު އޭޕްރީލް މަހު، މޭވާ އާއި ތަރުކާރީގެ ބާވަތްތަކުންނާއި މަހުގެ ބާވަތްތަކުންނާއި ބައެއް އެހެން ކާބޯތަކެތީގެ އަގުތައް އުފުލިފައިވާކަން ފާހަގަކުރެވެ އެވެ. މީގެ މައިގަނޑު އެއް ސަބަބަކީ، ރޯދަ މަހާއި ދިމާކޮށް މިފަދަ ބާވަތްތަކަށް އޮތް ޑިމާންޑް އިތުރުވެ، މާލެ ލޮކްޑައުންގައި އޮތުމުގެ ސަބަބުން މިފަދަ ބާވަތްތައް ސަޕްލައި ކުރުމުގައި ހުރި ދަތިތަކެވެ.

ކޮވިޑް-19 އާ ގުޅިގެން ގިނަ ބައެއްގެ ވަޒީފާތައް ގެއްލި، ލިބޭ އާމްދަނީ ދަށްވެފައިވާ މިދަނޑިވަޅުގައި ކޮންމެހެން ކުރަން ޖެހޭ ހަރަދުތައް ފިޔަވައި އެހެން ހަރަދުތައް ކުރުން ވަނީ މަދުވެފަ އެވެ.

ތަކެތީގެ އަގު ބޮޑުވުން ކޮންސިއުމާ ޕްރައިސް އިންޑެކްސް

6 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މ.ފާދިރީ

27 May 2020

ރައްޔިތުން ގުނބޯ ހައްދަން ނޫޅޭ. މިވަގުތު އިންފްލޭޝަން ދަށަށް މިދަނީ ވަކި އިގްތިސާދު ރަނގަޅު ވެގެނެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާއިފް

27 May 2020

އިންފްލޭޝަން ހިސާބު ކުރަނީ ގަސްތުގައި ނުބައިކޮށް. ޓެލެކޮމިއުނިކޭޝަން އަގު ހެޔޮ އޭ ކިޔާފަ، އޮންނަނީ ހިލޭ ބައެއް ހިދުމަތް ދެއޭ ކިޔާފަ. އޭގެ ސަބަބުން މުޅި އަދަދު ދަށްވަނީ.