ހީކުރީ ބިއްލޫރިކޮޅެއް ކަމަށް، އެކަމަކު އެއީ ޖަވާހިރެއް

އަހުމަދު އަދްޝަން، މިހާރު

28 ސެޕްޓެމްބަރ 2020 - 08:08

އެމެރިކާގެ ކަންސަސްގެ ކްރޭޓާ އޮފް ޑައިމަންޑްސް ސްޓޭޓް ޕާކަށް އާންމުކޮށް ގޮސް އުޅޭ ޒުވާނަކަށް އެތަނުން ފެނުނު ބިއްލޫރިކޮޅެއްހެން އޮތް އެއްޗެއްގެ ހަގީގަތް ބެލި އިރު އެއީ 19 ކެރަޓްގެ ޖަވާހިރެއްކަން އެނގިއްޖެ އެވެ.

ކެވިން ކިނާޑް، 33، އަށް ފެނުނީ 9.07 ކެރަޓްގެ ޖަވާހިރެކެވެ.

އޭނާ ކިޔައިދިން ގޮތުގައި ޖަވާހިރު ފެނުނީ މި މަހުގެ 7 ވަނަ ދުވަހު ރައްޓެހިންތަކަކާ އެކު ޕާކަށް ގޮސް އުޅުމުގެ ތެރޭގަ އެވެ. ތަންކޮޅެއް ދުރުން ބިއްލޫރިކޮޅެއް ކަހަލަ އެއްޗެއް ވިދާތީ ފެނިގެން ގޮސް ނެގީ އެވެ. އެކަމަކު އެ ނެގި އިރަކު ޖަވާހިރެއް ކަމެއް ނޭނގެ އެވެ.

"އަހަންނަކީ އެގޮތަށް ފެންނަ ވިދާ އެއްޗެހި އާންމުކޮށް ނަގާ މީހެއް. އެ ދުވަހު ވެސް ރީތި ބިއްލޫރިކޮޅެއް ކަހަލަ އެއްޗެއް ފެނިގެން ނެގި ގޮތަށް ދެން ގެންގުޅުނު ދަބަހުގެ ތެރެއަށް ލީ،" ބޭންކް މެނޭޖަރެއްގެ ގޮތުގައި މަސައްކަތްކުރާ ކިނާޑް ބުންޏެވެ.

އަދި ޕާކުން ދިއުމުގެ ކުރިން ރައްޓެހިންގެ ވެސް އެދުމުގެ ގޮތުން އެއީ ކޯއްޗެއްތޯ ކަށަވަރުކުރަން ޕާކްގެ ޑައިމަންޑް ޑިސްކަވަރީ ސެންޓަރުގައި ޓެސްޓްކުރަން ހަވާލުކުރި އެވެ. ގަޑިއިރުތަކެއް ފަހުން އެތަނުން ގުޅާފައި ކިނާޑަށް ދިން ޚަބަރަކި އޭނާ ހޮވި އެއްޗަކީ 9.07 ކެރެކްޓްގެ ޖަވާހިރެއް ކަމެވެ.

Visitor Finds 9-Carat Diamond at Crater of Diamonds State Park | Arkansas State Parks

Kevin Kinard from Maumelle, Ark., first visited Arkansas's Crater of Diamonds State Park on a school field trip in second grade. Kinard has visited the Crater of Diamonds fairly regularly over the past several years, despite having never found a diamond. That changed Labor Day 2020 when he found a 9...

"އުފަލުން ގޮސް ހަދާނެ ގޮތެއް ވެސް ނޭނގުނު. ބޮޑު ޝޮކަކަށްވީ،" ފަހުން އެ ޖަވާހިރުގެ ނަމަކަށް "ކިނާޑް ފްރެންޑްޝިޕް ޑައިމަންޑް" ގެ ނަން ދިން ކިނާޑް ބުންޏެވެ.

މި ޖަވާހިރުގެ ވާހަކަ އާކަންސަސް ސްޓޭޓް ޕާކްގެ ވެބްސައިޓްގައި ވެސް ހިމަނާފައިވެ އެވެ. އެތަނުން ބުނި ގޮތުގައި ކިނާޑް ހޮވި ޖަވާހިރަކީ 1972 ގެ ފަހުން އެތަނުން މީހަކު ދެވަނަ އަށް ހޮވި އެންމެ ބޮޑު ޖަވާހިރެވެ. ކުރިން އެތަނުން ހޮވި އެންމެ ބޮޑު ޖަވާހިރަކީ 1975 ގައި ހޮވި 16.37 ކެރަޓްގެ "ވައިޓް އެމަރީލޯ ސްޓާލައިޓް" އެވެ.

މީގެ ކުރިން އެތައް ފަހަރެއްގެ މަތިން އާކަންސަސް ސްޓޭޓް ޕާކްގެ ތެރެއިން އެކި މީހުން ޖަވާހިރު ހޮވާފައިވެ އެވެ.

Jawaahireh hoadhaane gothuge video balaniko jawaahireh fenijje

The most trusted news source in the Maldives

Mihaaru

އެމެރިކާ

2 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުތަކުރުފާނުގެ ވިންދުގަ.

28 September 2020

ރާއްޖޭގެ ކަނޑުގެ އަޑީގަ ގިނަ އަދަދަކަށް ރަނާ ޖަވާހިރު ހުރިކަމަށް ޔޫރަޕްގެ ގިނަ ސައިންސްވެރިން ޔަގީންކުރޭ. ވީމާ، މިރާއްޖޭގެ ކަނޑުގެ އަޑީގެ ރައްކާތެރިކަން ކަށަވަރު ކުރަންޖެހޭނެ.