ބީއެމްއެލް ކާޑު ބޭނުންކޮށްގެން ފައިސާ ދައްކަނީ-- ފޮޓޯ: ބީއެމްއެލް
09 އޮކްޓޯބަރ 2020 - 15:37
17 comments
ބޭންކް އޮފް މޯލްޑިވްސް (ބީއެމްއެލް) ގެ ޕޭޕާލްގެ ހުރިހާ މާޗެންޓުން އަންބްލޮކްކޮށް، ބީއެމްއެލް ކާޑުން ޕޭޕާލް އެކައުންޓަށް ލިންކު ކުރެވޭ ގޮތް ހަމަޖައްސައިދީފި އެވެ.
ކަސްޓަމަރުންނަށް ނޭނގި ކާޑު ބޭނުންކޮށްގެން ކުރާ މުއާމަލާތުތައް ގިނަވަމުން ދިއުމާ ގުޅިގެން، ބީއެމްއެލުން ވަނީ ޕޭޕާލްގެ ބައެއް މާޗަންޓުން ބްލޮކް ކޮށްފަ އެވެ. ނަމަވެސް، އެ ފިޔަވަޅާ އެކު ކަސްޓަމަރުންނަށް ޕޭޕާލް އެކައުންޓަށް ކާޑުތައް ލިންކު ކުރަން ދަތިވުމުން އެ މާޗަންޓުން އަލުން އަން ބްލޮކް ކުރީ ކަމަށް ބީއެމްއެލުން ބުންޏެވެ.
އެ ބޭންކުން ބުނިގޮތުގައި، މާޗަންޓުން އަލުން އަން ބްލޮކް ކުރިޔަސް ކުރިމަގުގައި ވެސް ސައްހަ ނޫން މުއާމަލާތުތައް ހިންގާތޯ ބަލައި އެފަދަ ހާލަތެއްގައި ކަސްޓަމަރުންގެ ރައްކާތެރިކަމަށް އަޅަން ޖެހޭ ފިޔަވަޅުތައް އަޅާނެ އެވެ.
ކާޑާއި އެކައުންޓުތަކުން ސައްހަ ނޫން މުއާމަލާތައް ހިނގާފައިވާ ނަމަ އެކަން ލަސްނުކޮށް ބޭންކަށް އެންގުމަށް ބީއެމްއެލުން އެދެ އެވެ. އެފަފަ މުއާމަލާތެއް ހިނގާފައިވާ ތާރީޚުން ފެށިގެން 30 ދުވަހުގެ ތެރޭގައި އެކަން ބީއެމްއެލަށް އަންގަން ޖެހޭނެ އެވެ.
ބޭންކުން ދޫކުރާ ކާޑުތަކަކީ ވިޔަފާރީގެ މުއާމަލާތުތައް ސައްހަ ކުރުމަށާއި ކަސްޓަމަރަށް ނޭނގި ކުރާ މުއާމަލާތުތައް ހުއްޓުވުމަށާއި ކަސްޓަމަރުންނަށް ލިބިދާނެ މާލީ ގެއްލުމަކުން ރައްކާތެރި ކުރުމަށް "3ޑީ ސެކުއާ އޮތިންޓިކޭޝަން"ގެ ރައްކާތެރިކަން ހިމެނޭ ގޮތަށް ފަރުމާ ކޮށްފައިވާ ކާޑުތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހިމް އަހުމަދު
11 October 2020
މިއެނގުނީ އަދިކިރިޔާ މިވީގޮތް. އަހަރެންގެ ކާޑު ޕޭޕަލްއަށް ލިންކްނުކުރެވިގެން ކާޑުސެންޓަރަށް ގުޅުނުއަދަދެއް ނޭގޭ. ގުޅާއިރަށް ބުނަނީ "މިކޮޅުގެ އެއްވެސް މައްސަލައެއްނެތޭ" އެރާމެސެޖުގެ ސްކްރީން ޝޮޓް ފޮނުވީމަވެސް ހަމައެހެން ބުނީ. ޓެކްނިކަލްޓީމުން ކުރާ މިކަހަލަ ކަންތައްތައް ހެލްޕް ޑެސްކުގަ ތިބޭމީހުންނަށް ނައަންގަނީބާ؟
ހަސަނު1
11 October 2020
ކީއްކުރަން ލިންކު ކުރަނީ؟ މިއުޅެނީ އެންމެ ޓްރާންސެކްޝަނެއްވެސް ނެހެދިގެން.. 250 ޑޯލަރަށޯ ލިމިޓް ކޮށްފައޮތީ. އެކަމަކު 10 ޑޮަލަރުގެ ޓްރާންސެކްޝަނެއްވެސް ނެހެދޭ.
ޔައުނީ
10 October 2020
ދޮގު ހެދުން އެއީ މައްސަލައެއް. މީގެން އިގެނީ މިއީ މިމީހުން ކްލަޔަންޓުންގެ އެގްރީމަންޓާ ހިިލާފަށް ކުރި ކަމެ ކޭ. އަދި މި ކަމާ ކޮންޕަންސޭޝަނެއް ދޭން ޖެހޭނޭ.
ހަސަންބޭބެ
10 October 2020
ކާޑުމެޝިންގަނޑެއްހާހިސާބުވެސް ބެންކުން ނުލިބޭ ތިއީތޯތިޔަބުނާ ފުރިހަމަޚިދުމަތަކީ ލަދުކޮބާތަ!
ސަޖޯ
10 October 2020
ތިޔައީ ބޭންކުގަ އުޅޭ ކުދިން ހިންގާ ޖަރީމާއެއް ބެންކު ބޭނުންނުކޮށް ކުރިޔެކޭ އެއްގޮތަށް ފައިސާ ބޭނުން ކުރަން ފަށަންވީ.
ސާދާސީދާ
10 October 2020
ގުޅާތާ 30 ދުވަސް. ޕޭޕަލް އަށް އެއްވެސް ކާޑެއް އެޑެއްނުކުރެވޭ! ރިކުއެއްސްޓެއް ނުލިބެޔޯލަ!
ޚްލ1ސް
10 October 2020
މިކަމުގައި ކޯތަށް ގޮސް ދައުވާ ކޮށްދޭނެ ވަކީލަކު ނެތް ތައް
މުހަންމާ
10 October 2020
ބީއެމްއެލް ނޫން އެހެން ގޮތެއް އަވަހަށް ހޯދަންވީ. މީ ބޮޑު އުދަގުލެއް. ގުޅާގުޅާ ފޯނު ނުނަގާ ތާ ކާޑަށް ޑޮލަރު ލަަފަ އެޕްރޫވްކުރަން ހަފްތާއެއްނަގާ. ކަސްޓަމަރުންނަށް ބޮޑު ދޮގުހެދުން ނޫންކަމެއްނެތް. އެންމެން ދުރަށް ދާންވީ
ައަފުރާސިޔާބު
10 October 2020
ކީއްކުރަން އުޅޭ ޕޭޕަލެއްތޯ؟ ޔޫރަޕުމީހުންނާއި އެމެރިކާނުން މިފަދަ މުއައްސަސާތަކަށް ވައްދައިގެން އެމީހުންގެ ވިޔަފާރިތަކަށް މަގުފަހިކުރަން ކުރާ މަސައްކަތް ހުއްޓާލާ. ޕޭޕަލް ތިޔައީ ނޮޓޯރިއަސް އެމެރިކާގެ ތަނެއް.
ހާނިދު
09 October 2020
ޙަމަ ގުޅާ ކޮންމެ ފަހަރަކު ޕޭޕަލް މައްސައެއް ކޭކިޔާފަ ކޮން ހާދޮގެއްތަ އެހެދީ ؟ ބޮލޮކް ކޮށްފައޭ ބުނީމަ އެނިނުނީނު.. މަށަކަށްގޮސް އަންބޮލޮކެއް ނުކުރެވޭނެ.. މިވަރު ކަމެއްގަ މިމީހުން ދޮގުހަދާވަރު މިހިރީ ، އަދި ކޮބާ ގެއްލޭ ލާރީގަ މިމީހުން ދޭނެޖަވާބު؟
ހަސަންކާލޯ
10 October 2020
ހަސަންކަލޯ އަށް ވެސް އެތައްފަހަރަކު ގުޅީމަ ބެންކުން ދިނީ ހަމަ ތި ޖަވާބު. މިކޮޅުގެ އެއްވެސް މައްސަލަ އެއް ނެތޭ، ޕޭޕަލް އަށް ގުޅާށޭ. ދެން މަ އެތައްވަރަކުން ޕޭޕަލް އާއި ވާހަކަ ދެއްކީމަ ބުނީ ތިމަންނަ މެންނަށް ފެންނަނީ ހަމަ ކާޑު އިޝުއަރ ޑިކްލައިން ކުރަނީ ކަމަށޭ، އެކަމު ބަލައިދޭނަމޭ އިތުރަށް. ބައެއް އެހެން މީހުންނަށް ވެސް ތިމައްސަލަ ދިމާވެގެން ޕޭޕަލް އަށް އަންގާފަ އެބައޮތޭ. އަދި ކިރިޔާ މި އެގުނީ ވީގޮތް. އަޅެ ދޮގު ނުހެދިނަމަ، މަގޭ ވަގުތުތައް ބޭކާރު.