މާލޭގައި ހަދާފައިވާ ޕާކިން ޒޯނެއް: ހަތް ސަރަހައްދެއްގައި ޕާކިން އިމާރާތް ހެދުމަށް ވަނީ ނިންމާފައި
16 އޮކްޓޯބަރ 2020 - 19:54
28 comments
ޖާގަފުރި، ތޮއްޖެހިފައިވާ މާލެއަށް ދިމާވެފައިވާ ވެހިކަލް ޕާކު ކުރުމުގެ މައްސަލައަށް ހައްލެެއް ގެނައުމަށް މާލޭގެ ހަތް ސަރަހައްދެއްގައި ޕާކިން އިމާރާތްތަކެއް އެޅުމަށް ނިންމައިފި އެވެ.
އެނގިފައިވާ ގޮތުގައި ޕްލޭނިން މިނިސްޓްރީން ވަނީ، ހ. ހީނާމާގޭ ބިމުގައި ހަތަރު ބުރީގެ ޕާކިން އިމާރާތެއް މިއަހަރު އެޅުމަށް ނިންމައިފަ އެވެ. އަދި މި ފަދަ އުސް އިމާރާތްތަކެއް މާލޭގެ އެކި ތަންތަނުގައި އެޅުމަށް އެ މިނިސްޓްރީން ވަނީ ނިންމައިފަ އެވެ.
ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު ޝިމާޒް އަލީ މިރޭ ވިދާޅުވީ، ހީނާމާގޭގައި އަޅާ ޕާކިން ބިލްޑިންގައި ގާތްގަނޑަކަށް، ހަތަރު ފުރޮޅުލީ 400އެއްހާ އުޅަނދު ޕާކު ކުރެވޭނެ ކަމަށެވެ. އެކަމަކު އެތަނުގައި ސައިކަލަށް ވެސް ޕާކު ކުރެވޭނެ ކަމަށް އޭނާ ވިދާޅުވި އެވެ.
ޕާކިން މައްސަލަ ހައްލު ކުރުމަށް، ކުރީގެ ސަރުކާރުން އެތަނުގައި މެކޭނިކަލް ޕާކިން ސިސްޓަމެއް ވެސް ބެހެއްޓި އެވެ. އެކަމަކު އެތަކެތި ބޭނުން ނުކުރެވި، ދަބަރަށް ވާން ފެށުމުން މި ސަރުކާރުން ވަނީ އެ ސިސްޓަމް ނަގައި، އެ ބިން އާއްމުންނަށް ހުޅުވާލާފަ އެވެ.
ހީނާމާގެ އިތުރުން ވެލާނާގެ ކައިރި އަދި ގާކޮއްޓާއި ވިޔަފާރިވެރިންގެ ޖަމިއްޔާގެ މިސްކިތް ކައިރީގައި ވެސް އެ ފަދަ ސިސްޓަމްތަކެއް ކުރިން ބެހެއްޓި އެވެ.
ހީނާމާގޭ ބިމުގައި ޕާކިން އިމާރާތެއް އެޅުމަށް މި އަހަރު ކުރީކޮޅު ވެސް މަޝްވަރާ ކުރި އެވެ. އެކަމަކު ކޮވިޑް-19ގެ ބަލިމަޑުކަމާ ހެދި ބަޖެޓްގެ ތާށިކަން ކުރިމަތިވެ، އެކަން ލަސްވީ އެވެ.
"އަޅުގަނޑުމެންނަށް މައުލޫމާތު ލިބިފައިވާ ގޮތުން ހީނާމާގޭ ބިލްޑިންގެ މަސައްކަތް ވަރަށް އަވަހަށް ފަށާނެ. އެކަމަކު ނިމޭނެ ތާރީހެއް ދަންނަވާކަށް ނޭނގޭ،" ޝިމާޒް ވިދާޅުވި އެވެ.
އޭނާ ވިދާޅުވީ ހީނާމާގޭގެ އިމާރާތަށް ފަހު މާލޭގެ އެހެން ސަރަހައްދުތަކުގައި ވެސް ޕާކިން އިމާރާތް ހެދުމުގެ މަސައްކަތް ފަށާނެ ކަމަށެވެ. އަދި އެކި ސައިޒުގެ އެ ހުރިހާ އިމާރާތެއްގައި ވެސް، ކާރާއި ސައިކަލަށް ޕާކު ކުރެވޭނެ ކަމަށް ވިދާޅުވި އެވެ.
މިދިޔަ ޖެނުއަރީ މަހުގެ ތެރޭގައި މާލޭ ސިޓީ ކައުންސިލުން ބުނެފައިވާ ގޮތުގައި، ޕާކު ކުރުމަށް މާލޭގައި 11 ޕާކިން ޒޯނެއް ވަނީ ހަދައިފަ އެވެ. މިދިޔަ އެއް އަހަރު ތެރޭ ހެދި ޕާކިން ޒޯންތަކުގެ ތެރޭގައި ހިމެނެނީ 80-400އާ ދެމެދުގެ އުޅަނދުތައް ޕާކްކުރެވޭނެ ޖާގަ ހުރި ޒޯންތައް ކަމަށް ކައުންސިލުން ބުނެފައި ވެ އެވެ. ބައެއް ޕާކިން ޒޯނުތައް ހަދާފައިވަނީ އެ ޒޯނެއް ހަދާ ހިސާބެއްގެ މަގުމަތީ އޮންނަ ޕާކިން ޒޯނު ނެގުމަށް ފަހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެރަ
18 October 2020
ބަންޑާރަ ގޯތިތައް ހަދާއިރު ގްރައުންޑް ޕާރކިންގ އަށް ހަދާނަމަ ކީއް،، ނުވަތަ ޢެތެރެއަށް ޖައްސާލާ އެމީހުން އަމިއްލަ ވެހިކަލް ޕާކް ކުރެވޭވަރު ކޮށްލިޔަސް ކީއް. ޢޭގެ ބަދަލު ގްރައުންޑްގަ ތިންހަތަރު ދޮރުލާ، ޕާކަށް ެިންތަންކޮޅުގަވެސް ޕެލެޓް އަޅާ ލަނީ
ލުގުމާން
18 October 2020
ޙުވާކޮށްފަ މިބުނަނީ ކަލޭމެނަކަށް ތިޔަކަން ނުކުރެވޭނެ. ނުވެސް އެނގޭނެ. އެގާބިލުކަމެއްވެސް ނެތް. ދެން ބަލަންތިބޭ. ނިމިފައިހުރި 7000 ފުލެޓަށް ހަދަން ވީގޮތް ނޭގިގެން ތިޔައުޅެނީ. މިހާރު ދައުރުގެ މެދަށް ދަނީ. ކޮންކަމެއް ކުރެވުނީ؟
ޙިނި
17 October 2020
ޢުސް އިމާރާތް ތަކުގެ ގުރައުންޑު ފުލޯ ޕާކިންއައް ހާއްސަ ކުރިއްޔާ ކިހިނެއް ވާނީ. މީ ދުނިޔޭގެ ހުރިހާ ގައުމެއްގަވެސް ހައުސިން ކޯޑު. ދިވެހިންނައް މިކަންވެސް ވަނީ ރޮކެޓު ސައިންސައް ނޫނީ އާންމު މަސްލަހަތު އެއްކިބާކޮއް ހިސާބައްވުރެ ދަހިވެތޮކަން ބޮޑީ.
އޮނަރަބްލް އަފީފު ދީދީ
17 October 2020
މާލޭމީހުން ރުޅިއައިސް ދުޅަވި ކަމުގައިވިޔަސް މާލޭގައި ކުރާން ހުރި ކަންކަން ކޮށްފައި މެނުވީ އަހަރުމެނަށް ސާފު ބޯފެނާއި ނަރުދަމާގެ ހިދުމަތްވެސް މާލޭސަރުކާރަށް ފޯރުކޮށްދެވެން ނެތް ކަމުން އަހަރުމެންވެސް ދިރިއުޅެން ބޭނުންނަމަ ތަންކޮޅެއް ރަނގަޅަށް އިންޑިޔާގެ އެހީތެރިކަން ލިބޭގޮތަށް ކަންކަން ކުރާންވެއްޖެ. # މިދައުލަތުގެ މުައްސަނދިކަމާއި ވަސީލަތް އަދި އަހަރުމެންވެސް ޓެކްސްގެ ގޮތުގައިދައްކާ ފައިސާއާއި އަހަރުމެންނަށް ލިބެންއޮތް ކުއްޖާގެ ބޮލަށްވެސް ދަރަނި އެބަނަގާ.
ހޮޑު އިންޑިޔާ
18 October 2020
އެ ނުބައި ޖާހިލު ގައުމުގައި ދިވެހިންނަށް ހެޔޮ އެދޭ ބައެއް ނެތް. އިންޑިޔާގެ ބޭނުމަކީ އިންޑިޔާހެން ރާއްޖޭގެ އިގްތިސާދު ދަށްކޮށް ރާއްޖެ އިންޑިޔާގެ އަވަށަކަށް ހަދަން. ޖާހިލުކަމުގެ ބައްޕައިން އެއީ. ?
ޔާނު
17 October 2020
ޙަމަ މަކުރިކަންތަށްދޯ؟
ހަސަނު
17 October 2020
ޕާކު ކުރާން ހުރި އުޅަނދުތަައް މަދު ކޮށްލަނިކޮށް ބައިވަރު އިމާރާތް ބޭނުމެއް ނުވާނެ... ޕްރައިވެޓް ކާރު އެހާ ބޭނުމެއް ނުވާނެ މާލެއަަށް
ހިޔާޖު
17 October 2020
ކަލޭ ކާރު ދުއްވަން ބޭނުން ނުވިޔަސް އެހެންމީހުން ކާރު ގެންގުޅުމުގެ ހައްގަކަށް ހުރަހެއް ނޭޅޭނެ
ހާދަހާވާ ދެރައެވެ
17 October 2020
ހެޔޮނުވާނެ ބޭކާރު ޚަރަދުކުރުން މި ދަނޑިވަޅަށް ހުއްޓާލާފައި ގައުމުގެ އިގުތިސާދު ހިނގައިގަންނާނެ ކޮންމެވެސްކަމެއް ކޮށްބަލަ! މިހާރު ދިވެހި ފައިސާގެ އަގު ޕަސެންޓް ދަށްވެއްޖެ! މާނައަކީ މިއަހަރު ކުރީކޮޅުގައި ހުރި ކޮންމެ 10،000ރ މިހާރުގެ ވެލިޔުއަކީ 2،000ރ އުނިވެ 8،000ރ އޭ! ނަމުން އަހަރުމެންގެ ބޭންކުން ދޫކޮށްފައި ހުރި ކާޑުތަކުގެ ވެލިޔުއަކީ އެ ސައިޒުގެ ޕްލާސްޓިކު ކޮޅެއްގެ ވެލިޔުއަށްވެއްޖެ! އަގުތަށް އިންތިހާއަށް އުފުލިއްޖެ! ޑޮލަރ މާކެޓް އެސްބީއައި ޚިސާރުކޮށްފި! މާނައަކީ އެމީހުން ގަބޫލުކުރާ ވިޔަފާރިވެރިންނަށޭ ޑޮލަރެއްވެސް ވިއްކަނީ! އިންޑިޔާ ހިތަށް އެރި އިންޓްރަޓެއްގައި ނޫނީ ގައުމަށް ލޯނުގަނޑެއްވެސް ލިބެނީކީ ނޫން! މިހާލުގައި ގައުމު އޮއްވާވެސް ކަރަޕްޝަނަން މަގުފަހިވާ ގޮތަށް މިހާރަށް ބޭކާރު ބޮޑެތި ޚަރަދުތަކުރަންވީ؟
ހަސަނު1
17 October 2020
ނުވާނެ ތި ސިޔާސީ މީހުންނަން އެއްކަމެއްވެސް.. އެއްސަރުކާރުން ކުރާކަމެއް އަނެކަކު ގަބޫލު ކުރާކަށް ބޭނުމެއް ނުވޭ. ބޭނުންވަނީ އާކަމެއް ކޮށްލަން. މިހާރު ހަދާފައެހެރަ ޕާކިންގ ސިސްޓަމްތަށް ބޭނުންނުކުރުމުގެ ހުއްޖަތަކީ ކޮބާތޯ؟ ރައްޔިތުންގެ ލާރިން ޚަރަދުކޮށް ނިންމާފައި ހުރިއެއްޗެއް. ގައިމު އޭޑީކޭގަ މި ރަނގަޅަށް ހިނގާ. މީހުން ބޭނުން ނުކުރާނަމަ ނަގަން އޯކޭ. އެކަމަކު އެފުރުސަތުވެސް ދީގެން ދޯވާނީ. ހަމަ ބޯހަރީ. ނޫނީ ކޮރަޕްޝަން ބޮޑުކަމުން އާކަމަކަށް ޚަރަދުކުރަނީ.
ޙިނި
17 October 2020
ކޮބާ ކުރިން ރައްޔިތުން ގެ ފައިސައިން އިސްރަފުކޮއް ފާޑެއްގެ ދަގަންޑު ފުރޭމުތަކެއް މުޅި ރާއްޖޭގަ ހަރުކުރި އެމްޑީޕީ މީހުން. ޢެމިހުން އަތުން ބަދަލުހޯދާ، ރަނގަޅައްވިޔާ ހަމަ އެމިހުން ތިއިމަރާރްތައް އަޅަންވެސް އިސްކޮއް ތިބެނީ. ޢުމަރު ޒާހިރު މަޖިދީ ގުގަ ތަޅުން އެޅުމެކޭ މިމީހުނާ ތަފާތެއް ދައްކަބަލަ.
އާދަމުގެދަރި
17 October 2020
މި ސަރުކާރު ފެށުމާއެކު މާލޭ ސިޓީ ކައުންސިލުގެ މޭޔަރު ކުރި ބޮޑު އިއުލާނަކީ މާލޭގެ މަގުތަކުގައި ތާރުއަޅާ ވާހަކަ. ތާރުގަނޑު ހަރުވެ ޕާކަށްވެ މިހާރު އެންމެ ފަހުން ޕާކިންގ ބިލްޑިންގަށް ބަދަލުވަނީ. ވަލްހަމްދުލިއްލާހި.