އެންގޯލާއާ އެކު ސިޔާސީ ގުޅުން ގާއިމްކޮށްފި

ރާއްޖެއިން އދ. އަށް ކަނޑައަޅުއްވާފައިވާ ސަފީރު ތިލްމީޒާ (ވ) އާއި އަންގޯލާއިން އދ. އަށް ކަނޑައަޅުއްވާފައިވާ ސަފީރު، ޑިޕްލޮމެޓިކް ގުޅުން ގާއިމްކުރުމުގެ އެއްބަސްވުމުގައި ސޮއިކުރައްވަނީ -- ފޮޓޯ: ފޮރިން މިނިސްޓްރީ

ލަމްޔާ އަބްދުﷲ، މިހާރު

11 ނޮވެމްބަރ 2020 - 13:36

3 comments

ރާއްޖެއިން އެންގޯލާއާ އެކު ސިޔާސީ ގުޅުން އިއްޔެ ގާއިމްކޮށްފި އެވެ.

ސިޔާސީ ގުޅުން ގާއިމުކޮށް އެއްބަސްވުމުގައި ސޮއިކުރެއްވީ ނިއު ޔޯކުގެ ރާއްޖޭއިން އދ. އަށް ކަނޑައަޅާފައިވާ ދާއިމީ މިޝަންގައި ބޭއްވި ރަސްމިއްޔާތެއްގަ އެވެ. ރާއްޖޭގެ ފަރާތުން މި އެއްބަސްވުމުގައި ސޮއިކުރެއްވީ އދ. އަށް ރާއްޖެއިން ކަނޑައަޅުއްވާފައިވާ ދާއިމީ ސަފީރު ތިލްމީޒާ ހުސެއިން އެވެ. އެންގޯލާގެ ފަރާތުން ސޮއިކުރެއްވީ އެ ގައުމުން އދ. އަށް ކަނޑައަޅުއްވާފައިވާ ދާއިމީ ސަފީރު މާރިއާ އެވެ.

The Republic of #Maldives and the Republic of #Angola have formally established diplomatic relations today 🇲🇻🇦🇴

📃 | https://t.co/GKKwfNemnW pic.twitter.com/yWg6By9Afb
— Ministry of Foreign Affairs 🇲🇻 (@MoFAmv) November 10, 2020

ފޮރިން މިނިސްޓްރީން އިއްޔެ ކުރި ޓްވީޓެއް

ފޮރިން މިނިސްޓްރީން ބުނީ ސެންޓްރަލް އެފްރިކާގެ މި ގައުމާ އެކު ސިޔާސީ ގުޅުން ގާއިމްކުރީ ބޭރު ގައުމުތަކާ އެކު ބާއްވާ ގުޅުންތައް ފުޅާ ކުރުމުގެ ސިިޔާސަތުގެ ދަށުން ކަމަށެވެ. އެ މިނިސްޓްރީން ބުނީ 173 ގައުމަކާ އެކު ރާއްޖެއިން މިހާތަނަށް ސިޔާސީ ގުޅުން ގާއިމުކޮށްފައިވާ ކަމަށެވެ.