ޒާހިލް އަށް ފަރުވާކުރުމަށް އެންސްޕާ އިން ތިން ލައްކަ ރުފިޔާ ދީފި

ޒާހިލް: އޭނާގެ ފަރުވާ އަށް މިލިއަނަކަށް ވުރެ ގިނަ ރުފިޔާ ބޭނުންވާ ކަަމަށް އާއިލާ އިން ބުނޭ.

އާމިނަތު ޝިފްލީން، މިހާރު

07 ނޮވެމްބަރ 2016 - 18:38

ގޮތް ނޭނގޭ ބަލިތަކެއްގެ ޝިކާރައަކަށް ވެފައިވާ އިބްރާހިމް ޒާހިލް އަށް އެހީވުމަށް އެންސްޕާ އިން ތިން ލައްކަ ރުފިޔާ ދީފި އެވެ.

އެންސްޕާގެ މެނޭޖިން ޑިރެކްޓަރު މުޖުތަބާ އަލީ ޖަލީލް މިއަދު ވިދާޅުވީ ފަރުވާ އަށް އެހީ ހޯދުމަށް އެދި ޒާހިލްގެ އާއިލާ އިން ހުށަހެޅުމުން 20،000 ޑޮލަރު (ތިން ލައްކަ ރުފިޔާ) ހަމަޖައްސައިދީފައިވާ ކަމަށެވެ. އޭގެ އިތުރުން، ޒާހިލް އާއި އޭނާގެ އެހީތެރިއަކު ބެންކޮކަށް ދިއުމަށް ދެކޮޅު ޓިކެޓް ވެސް ހަމަޖައްސާފައިވާނެ ކަމަށް އޭނާ ވިދާޅުވި އެވެ.

އުމުރުން 17 އަހަރުގެ ޒާހިލްގެ ފަރުވާ އަށް މިލިއަނަކަށް ވުރެ ގިނަ ރުފިޔާ ބޭނުންވާ ކަމަށް އާއިލާ އިން ބުނަމުން އަންނައިރު، މުޖުތަބާ ވިދާޅުވީ ފަރުވާ އަށް 20،000 ޑޮލަރު ހަމަޖެއްސީ ޑޮކްޓަރުގެ ލިޔެކިއުންތަކަށް ބަލާފައި ކަމަށެވެ.

"އެއީ ޑޮކްޓަރުން މިހާރު ދީފައިވާ ލިޔެކިއުންތަކަށް ބަލާއިރު ފަރުވާ އަށް އަރާނެ ކަމަށް ބެލެވޭ އަގު. ފަރުވާ އަށް އިތުރަށް އަރާނެ އަގު އެނގޭނީ ފަރުވާ ދޭން ފެށީމާ ދެއްތޯ،" އޭނާ ވިދާޅުވި އެވެ.

ހދ. ނެއްލައިދޫ އަށް އުފަން ޒާހިލް ބަލިވެ އުޅޭތާ އެތައް އަހަރެއް ވެއްޖެ އެވެ. އެންމެ ކުޑައިރުއްސުރެ ހަމުގެ ބަލިތަކެއް ތަހައްމަލްކުރަމުން ދިޔަ ޒާހިލް އަށް މިހާރު ވަނީ ގޮހޮރުގެ މައްސަލައެއް ވެސް ދިމާވެފަ އެވެ. އެހެންވެ، އޭނާ އަށް ކާން ދެނީ ހޮޅި ބޭނުންކޮށްގެންނެވެ. ކައިރި ގައުމަކުން ދާއިމީ ހައްލެއް ލިބެން ނެތުމުން ޒާހިލްގެ އާއިލާ އިން މަސައްކަތްކުރަމުން އަންނަނީ ދުރު ހިސާބަކަށް ގޮސްގެން ނަމަވެސް ފަރުވާއެއް ހޯދުމަށެވެ.

ޒާހިލް އަށް ފަރުވާ ހޯދުމަށް ބޭރުގެ ހޮސްޕިޓަލްތަކަށް އާއިލާ އިން ލިޔެކިއުންތައް ފޮނުވުމުން ބެންކޮކުގެ ހޮސްޕިޓަލަކުން ވަނީ އޭނާ އަށް ފަރުވާ ކުރެވޭނެ ކަމަށް އަންގައިފަ އެވެ. އެކަމަކު އެކަމަށް ގިނަ އަދަދެއްގެ ފައިސާ ބޭނުންވާނެތީ އާއި އެ ހޮސްޕިޓަލުގެ ފަރުވާ އާސަންދަ އިން ކަވަރު ނުކުރާތީ އާއްމުންގެ އެހީތެރިކަމަށް ވަނީ އެދިފަ އެވެ.

ޒާހިލް އަށް އެހީވުމަށް ރާއްޖޭގެ އެކި ހިސާބުތަކުގައި ފައިސާ އެއްކުރުމުގެ ހަރަކާތްތަކެއް ހިންގަމުން އަންނައިރު، ކަޕްކޭކު ވިއްކައިގެން ކޭކު ޑޯނާސް އިން ވަނީ ދެ ފަހަރެއްގެ މަތިން ހަތަރު ލައްކައެއްހާ ރުފިޔާ ހޯދައިފަ އެވެ.

ސިއްހަތު އެންސްޕާ ހެލްތު އިންޝުއަރެންސް

15 ކޮމެންޓް, 73 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފދރފެ

08 November 2016

ޕާޓީ ޖަލްސާބާއްވާން ލާރި އައިނައި ތަނެއް ނޭގި ކިތައް މިލިއަން. މިއީ ޑިމޮްކްރަސީ ބޭނުންވާކަމަކީ. ރައްޔިތުނގެ ލާރި ރައްޔިތުން އެދޭ ގޮތަށް ބޭނުންކުރާނެ މީހުން ހޮވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމް

08 November 2016

އެންސްޕާ މެދުވެރިކޮށް ރައްޔިތުންނަށް މަހަކު އެތަކެއް ސަތޭކަ މިލިއަން ރުފިޔާގެ ހޭދަކުރޭ. ހޭދަ ނުކުރެއެކޭ ނުދެންނެވޭނެ. މިފަހަރު ސާހިލްއަށް ދެއްވި ފައިސާއިންވެސް އެކަންސާބިތުވޭ. އެކަމަކު އަޅުގަނޑު ގެ މަންމަ ކެންސަރ ބައްޔާ ހަނގުރާމަ ކުރަމުންދިޔައިރު، މައުމޫން ދައުރުގެ ފަހުކޮޅުގައި، ފުރަތަމަ ދާންޖެހުނީ، ވެލްފެއަރ ފަންޑަށް. އެތަނަށް ޑޮކްޓަރުންގެ ރިޕޯޓާއެއްޗެތި ހުށަހަޅާ، އަޅުގަނޑާއި މަންމަ އައިޖީއެމްއެޗްގެ ޑޮކްޓަރުންގެ ކޮމެޓީއަކަށް ހާޒިރުކުރުވައިގެން ދެއްވީ 400 ޑޮލަރާއި ދެކޮޅު ޓިކެޓް އިންޑިއާއަށް. އޭގެ ފަހުން އަނެއްކާ ސިޓީއަކުން ރައީސް މައުމޫނަށް ދަންނަވައި، ވަޒީފާ ދައާކުރަމުން ދިޔަ އޮފީހުގެ ވަޒީރު މެދުވެރިކޮށްވެސް ދަންނަވައިގެން ލިބުނީ އިތުރު 300 ޑޮލަރާއި، ދެކޮޅު ޓިކެޓް. މިއީ، އޭރުގެ ހާލަތު، މިއޮއް ބޮޑު ބައްޔަށް އޭރު ފަރުވާކުރަންޖެހުނީ، އޮނަރަބްލް ޤާސިމް އިބްރާހިން ދެއްވާ ދީލަތި އެހީއަކާއި، މަންމަގެ ބޮޑުދައިތައެއްގެ ދަރިއަކު ދެއްވި ގުނާ ޢަދަދު ނުކުރެވޭ ދީލަތި އެހީއަކުން. މިއަދު ހާލަތު ތަފާތު. އެންސްޕާ އިން ކުރަންޖެހޭ ހޭދަ ބޮޑުވެ، އެހީ ފޯރުކޮށްދެވޭ މީހުންގެ ޢަދަދު އެވަނީ އިތުރުވެގެން ގޮސްފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

08 November 2016

ތިކުޑަކުއްޖާއަށް ފުރިހަމަ ފަރުވާ ތެއްވާ އެއީ މިއަދު ސަރުކާރުން ކުރަންޖެހޭ ކަމެއް. ތިންލައްކަ ރުފިޔާދީފައި ފިލަންވީ އަކީނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނޮނީމާ

08 November 2016

ހާސްނުވޭ ވިސިޓްމޯލްޑިވްސް އިޔަރ އޭކިޔާފަ ހިތުން އޮޅުވާލައިގެން ކަމަށް އާއަހަރު ފާހަގަކުރުމަށް ޝޯވް ބާއްވަންވާ ދުވަސް އެބަކައިރިވޭ. އެކަމަށް ހަރަދުކުރަން ކޮންމެހެންވެސް ފައިސާ ބަހަށްޓަންޖޭހޭނެ. އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަން ހުސެން

08 November 2016

ދިވެހި ދައުލަތުގަ ހުރި ކޮންމެ ރުފިޔާއަކީ އަޅުގަޑާ ތިބޭފުޅާއާ، ޒާހިލްއާ ދެންވެސް ތިބި ހުރިހާ ރައްޔިތުންގެ އެއްޗެއް. މިއިން އެއްވެސް މީހަކަށް މިގައުމުން ހައްލު ނުކުރެވޭވަރު ބައްޔެއް ޖެހިއްޖެނަމަ ނުވަތަ އެމީހެއްގެ އަމިއްލަ ތަނަވަސްކަމުން ފަރުވާ ހޯދޭނެ ގޮތެއް ނެތްކަން ހަމަ އެނގޭ ވަގުތު ދައުލަތުން އެކަން ކުރަންޖެހޭނެ. މިކަން ކުރަންޖެހުމުން އޭރަކު ހިނގަމުންދާ އުމްރާނީ ތަރައްގީގެ މަސައްކަތެއް މެދުކަނޑާލަން ޖެހުނުކަމުގަ ވިޔަސް ކުރިން ކުރަންޖެހޭނީ ރައްޔިތުންގެ ސިއްހަތައް ދިމާވާ ކަންތައްތައް. މިކަން މިގޮތައް ނުވިސްނޭހާ ދުވަހަކު ގައުމު ގައުމަކަށް ވާނެކަމުގަ ގަބޫލު ކުރަންދަތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ

07 November 2016

ރައްޔިތު އެންމެން ކުރަން ފެއްޓީމަ ލަދުން ތޯއެއްޗެއް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

07 November 2016

"އެނޯނެމަސް" މިސަރުކާރުން ރަނގަޅު ކަމެއްކޮށްދޭނަމަ ހެޔޮއެދޭފަރާތްތަކުން މަގުމަތީ ޒާހިލްއަށް އެހީވާން އެވަރުން އުޅެންޖެހުނީސްތަ. އެހެންނޫނަސް ކުރިން އެންސުޕާއިން ބުނީ ޒާހިލްއަށް އެކައްޗެއްވެސް ދެވެންނެތްކަމަށް. މިހާރު ދުނިޔޭގެ ލަދަށް އެއްޗެއް ދިނަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

07 November 2016

ވަގުތު ނޫހުން ކުރާމަސައްކަތް ވެސް ހާމަކޮށްލިނަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްބެ

07 November 2016

ހުސްނުވާ އާސަންދޮކޯ .. އެއްކަލަ ކަމަކާ ޖެހުނީމާ ހުސްވެގެން ދެވުނީ ތިން ލައްކަ ދޯ. އެއީ ދޮޅު މިލިއަން ރުފިޔާ ޚަރަދުވާ ބޭސް ފަރުވާއެއްކަމަށް ނޫސްތަކުގައި ލިޔެފައި އޮތް