29 މިލިއަން ޑޮލަރު: ޖަވާހިރަކަށް ރެކޯޑް އަގެއް

ނީލަމުގައު ވިއްކައިލި ޖަވާހިރު.

އަހުމަދު އަދްޝަން، މިހާރު

25 މެއި 2021 - 08:18

ޕާޕަލް-ޕިންކް ޖަވާހިރެއް 29.3 މިލިއަން ޑޮލަރަށް ވިކި މިހާތަނަށް ނީލަމެއްގައި އެންމެ އަގު ބޮޑުކޮށް ވިކުނު މީގެ ޖަވާހިރުގެ ރެކޯޑް ލިބިއްޖެ އެވެ.

އިނގިރޭސިވިލާތުގެ ކްރިސްޓީޒް އިން އިންތިޒާމުކޮށްގެން އާދިއްތަ ދުވަހު ހޮންކޮންގުގައި ބޭއްވި ނީލަމުގައި ވިކުނު "ދަ ސަކޫރާ" ގެ ބަރުދަނުގައި 15.18 ކެރަޓް ހުއްޓެވެ. އެ ޖަވާހިރަށް "ސަކޫރާ" ގެ ނަން ދީފައި ވަނީ އޭގެ މަޑުފިޔާތޮށި ކުލަ ޖަޕާނުގެ ޗެރީ ބްލޮސަމްއާ އެއްކަހަލަ ކުލައެއްގައި ހުންނާތީ އެވެ.

ޖަވާހިރު އިނީ އާދައިގެ ޕްލެޓިނަމް އަނގޮޓިއެއްގަ އެވެ. ކްރިސްޓީޒް އިން ބުނި ގޮތުގައި މި ޖަވާހިރަކީ މިހާތަނަށް ނީލަމެއްގައި އެންމެ އަގު ބޮޑުކޮށް ވިކުނު ޕާޕަލް-ޕިންކް ޖަވާހިރަށްވާތީ އެއީ ވަރަށް ހާއްސަ ކަމެއް ކަމަށެވެ.

"މީގެ ބަރުދަނާއި މި އަށް ލިބުނު އަގަކީ ވެސް ގަހަނާ ނީލަމުގެ ތާރީހުގައި މުޅިން އާ ބާބެއް ފެށުން،" ކްރިސްޓީޒްގެ ޖުވެލަރީ ޑިޕާޓްމަންޓްގެ ޗެއާ ވިކީ ސެކް ވިދާޅުވި އެވެ. "އަދި މި ޖަވާހިރުގެ ކުލަ އަކީ ވެސް ޖަވާހިރުގެ ކުލަތަކަށް ބަލާއިރު ވަރަށް ހާއްސަ އެހާމެ އާންމު ނޫން ކުލައެއް ވެސް މެ."

#AuctionUpdate The Sakura, a 15.81 Carat Fancy Vivid Purple Pink Internally Flawless Type lla Diamond Ring, realized HK$226,275,000 / US$29,285,318 and set a new auction record for the largest Purple Pink flawless diamond ever sold at auction. pic.twitter.com/4BbkQ6k0hU
— Christie's (@ChristiesInc) May 23, 2021

އޭނާ ވިދާޅުވި ގޮތުގައި މިހާތަނަށް ފެނިފައިވާ ފިޔާތޮށި ޖަވާހިރުތަކަށް ބަލާއިރު ބަރުދަން 0.2 ކެރަޓަށް ވުރެ ބަރީ ވެސް އެންމެ 10 ޕަސެންޓްގެ އެއްޗިއްސެވެ.

"ދަ ސަކޫރާ" އަށް ނީލަމުގައި ރެކޯޑެއް ހެދުނަސް އެ ވިކުނު އަގަކީ އަސްލު ވިއްކަން ނިންމި އަގެއް ނޫނެވެ. އޭތި ނީލަމުގައި ވިއްކާލަން އުޅުނީ 38 މިލިއަން ޑޮލަރަށެވެ.

މި ޖަވާހިރުގެ ކުރިން އެންމެ ބޮޑު އަގަކަށް ވިކުނު ޕާޕަލް-ޕިންކް ޖަވާހިރަކީ މިދިޔަ އަހަރު ސްވިޓްޒަލެންޑްގެ ޖެނީވާގައި އިނގިރޭސި އޮކްޝަން ހައުސް ސޮދަބީޒް އިން ވިއްކި "ދަ ސްޕިރިޓް އޮތް ރޯޒް" އެވެ. ބަރުދަނުގައި 14.8 ކެރަޓް ހުރި އެ ޖަވާހިރު ވިކުނީ 27 މިލިއަން ޑޮލަރަށެވެ.

ހޮންކޮންގް

1 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދާނޯމޮސް

25 May 2021

ސުވަރުގޭ ގެ ނިޔުމަތް ތަކުގެ ވާހަކަހަނދުމަ ކޮށްލުން ރަނގަޅުވާނެއެވެ. ސުވަރުގޭގެ އެންމެ ދަށުދަރަޖައި ގެ ބިންތަކުގައިވެސް ހުންނަ ކަމުގަވީ މިފަދައިން ވާ ޖަވާހިރު ކަމުގަ ވެއެވެ. މިފަދަ ނިޔުމަތެއް ދެކޭނެ މީހުންގެ ތެރެއިން އަޅަމެން ވެއްޖެނަމަ އެދުވަހަކުން މީގެ އަގު ހަނދުމައަށް އައިސް އަންތަރީސްވެދާ ނެތެވެ. ނަމަވެސް މިކަމުގަ ދިގުއިންތިޒާރެއް ކުރަން ޖެހޭކަމުގަ ﷲ އަންގަވާފަ ވަނީ މިފަދައިން ނެވެ. " ހައިހާތަ ހައިހާތަ ލިމާ ތޫޢަދޫން "