ކުރިއަށް އޮތް އަހަރަށް އެސްޓީއޯ ބޯޑުގައި އާއްމު ހިއްސާދާރުން ތަމްސީލު ކުރާ މެމްބަރު ރުޝްމާ-- ފޮޓޯ:އެސްޓީއޯ
31 މެއި 2021 - 19:44
2 comments
އެސްޓީއޯގެ ޑިރެކްޓަރުންގެ ބޯޑުގައި އާއްމު ހިއްސާދާރުން ތަމްސީލުކުރާ މެމްބަރަކަށް އައިމިނަތު ރުޝްމާ ހޮވައިފި އެވެ.
މިއަދު ބޭއްވި އަހަރީ އާއްމު ޖަލްސާގައި ރުޝްމާ، އެސްޓީއޯގެ ބޯޑަށް ހޮވީ އެ ޖަލްސާގައި ބައިވެރިވި ހިއްސާދާރުންގެ 44.53 ޕަސެންޓު ވޯޓުންނެވެ. އެއީ 301 ހިއްސާދާރުންގެ ވޯޓެވެ.
ރުޝްމާ ވަނީ 2019 އާއި 2020 ގައި ވެސް އެސްޓީއޯގެ ބޯޑުގައި އާއްމު ހިއްސާދާރުން ތަމްސީލު ކުރައްވައިފަ އެވެ.
މިއަދުގެ ޖަލްސާގައި އޭނާ އެ ބޯޑަށް ހޮވީ އިތުރު އެއް އަހަރުގެ މުއްދަތަކަށެވެ.
ރުޝްމާގެ އިތުރުން އެސްޓީއޯ ބޯޑަށް އިތުރު ދެ ހިއްސާދާރަކު ކުރިމަތިލި އެވެ. އެގޮތުން، އާދަމް މުއިއްޒު ހޮވަން 106 ވޯޓު ލިބުނުއިރު އަބްދުﷲ ސައީދަށް ލިބުނީ 269 ވޯޓެވެ.
މި ޖަލްސާގައި ހިއްސާދާރުންގެ ވޯޓުން ކުރިއަށް އޮތް އަހަރަށް އެ ކުންފުނީގެ އޮޑިޓަރަކަށް ޕްރައިސްވޯޓާ ކޫޕާސް ހޮވި އެވެ. އަދި މިދިޔަ އަހަރުގެ ފައިދާ އިން ހިއްސާއަކަށް 60ރ. ބަހަން ފާސްކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކީއްތިކުރީ
02 June 2021
އެސްޓީއޯ އިން ބޯޑަށް ކުރިމަތި ލި ހުރިހާ މީހުންގެ ޕްރޮކްސީ ތައް ރޭގަނޑު ދަންވަރު ކެންސަލްކޮށް ވަކި މީހަކު ހޮވަން ތިހިންގި ޖަރީމާ އަކީ ޝެއަރހޯލްޑަރެއްގެ ގޮތުން ބަލައިގަނެވޭނެކަމެއް ނޫން، އަދި މީޓިންގ އަށް ގިނަ ޢަދަދެއްގެ ބަޔަޔަށް ރެޖިސްޓަރކުރިނަމަވެސް ފާޑެއްގެ އެމްއެސް ޓީމެއް ބޭނުންކުރުމުގެ ސަބަބުން ނުވަދެވޭކަންވެސް ފާހަގަކުރަން އެއީ ޤަޞްދުގައި ކުރިކަމެއް.
ޝަ ކުވާ
04 June 2021
ބަލި ގަބޫލު ކ ކޮށްލާ. އެ އޮތީ ހޮވާފަ. ދެން ލަލަ ލާ