މީގެ ކުރިން ބޭއްވި ރަސްމިއްޔާތެއްގައި މަޖިލީހުގެ ރައީސް ނަޝީދު ބައިވެރިވެވަޑައިގަންނަވަނީ--. ފޮޓޯ:ނިޝާން އަލީ/މިހާރު
19 ޖޫން 2021 - 15:10
160 comments
ނަފްރަތު އުފެެއްދުމާއި ވަކި ގޮތަކަށް މީހުން ލޭބަލްކޮށް ވާހަކަ ދެއްކުމަކީ ޖިނާއީ ކުށަކަށް ހެދުމަށް ގޮވާލައި އޮންލައިން ޕެޓިޝަނެއްގައި ސޮއިކުރަން ފަށައިފި އެވެ.
މީހުންގެ ދީނީ އަގީދާއާ ގުޅުވައިގެން ނަފުރަތު އުފެއްދުން ކުށަކަށް ހެދުމަށް ގާނޫނުލްއުގޫބާތަށް މާއްދާއެއް އިތުރުކުރަން ސަރުކާރުން ރައްޔިތުންގެ މަޖިލީހަށް ބިލެއް ހުށަހަޅާފައިވަނިކޮށް، އޮންލައިން ޕެޓިޝަނުގައި ސޮއިކުރުމަށް، މިދިޔަ މަހުގެ 6 ވަނަ ދުވަހު ދިން ޓެރަރިސްޓް ހަމަލާގައި ޒަހަމްވި ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވެސް މިއަދު އެދިވަޑައިގަތެވެ.
"ހަސަން ކުރުސީ" ނަމަކަށް ކިޔާ މީހަކު ފެށި ޕެޓިޝަނުގައި ބުނީ، އެ ޕެޓިޝަނުގެ ބޭނުމަކީ މީހުންނަށް ލާދީނީ އަދި ކާފަރަށް ގޮވުން ހުއްޓުވުން ކަމަށެވެ. އެ ގޮތަށް މީހުން ލޭބަލްކޮށް ވާހަކަ ދެއްކުމުގެ ސަބަބުން ފާއިތުވި 10 އަހަރުގެ ތެރޭގައި ލޭއޮހޮރުވުން ހިނގައި އެތައް ބައެއްގެ ދިރިއުޅުން ނުރައްކަލަށް ހުށަހެޅިފައިވާ ކަމަށް އޭނާ ބުންޏެވެ.
ނަޝީދު އަވަހާރަ ކޮށްލަން ދިން ޓެރަރިސްޓް ހަމަލާއަކީ ވެެސް ހަރުކަށި ވިސްނުން ހައްދުފަހަނައަޅައި ގޮސްފައިވާ ކަމުގެ މިސާލެއް ކަމަށް ޕެޓިޝަނުގައި ވެ އެވެ.
Please sign the petition supporting criminalising hate crimes and labelling peoplehttps://t.co/QzxTOMgejh
— Mohamed Nasheed (@MohamedNasheed) June 19, 2021
ސަރުކާރުގެ ފަރާތުން ތުޅާދޫ ދާއިރާގެ އެމްޑީޕީގެ މެމްބަރު ހިސާން ހުސައިން ހުށަހެޅުއްވި ބިލުގެ އެއްވަނަ ނަމްބަރުގައިވާ ގޮތުން، އެ ބިލު ގާނޫނަކަށް ވުމުން، ވަކި މީހަކީ އިސްލާމްދީނާ ހިލާފަށް އުޅޭ މީހެއް ކަމަށް ނުވަތަ ދީނާ ދެކޮޅު މީހެއް ކަމަށް އާއްމު ތަނެއްގައި ބުނުން ވާނީ ޖަލު ހުކުމެއް އަންނާނެ ކުށަކަށެވެ. އެ މާއްދާ އެހެން އޮންނާތީ ބައެއް ދީނީ އިލްމުވެރިންނާއި އާއްމުން ވެސް ގެންދަނީ ކަންބޮޑުވުން ފާޅުކުރަމުންނެވެ. އެކަމާ ކަންބޮޑުވުން ފާޅުކުރާ ފަރާތްތަކުން ދެކޭ ގޮތުގައި އެއީ ރާއްޖޭގައި ފާޅުގައި އިސްލާމްދީނާ ދެކޮޅަށް ވާހަކަ ދައްކާ މީހުންނަށް ލިބިގެންދާނެ ބޮޑު މިނިވަންކަމަކަށް ވާނެ އެވެ.
އެހެންވެ، އެ ބިލް އަނބުރާ ގެންދިއުމަށް ގޮވާލައި 101 ދީނީ އިލްމުވެރިޔަކު ސޮއިކޮށް ރައީސް އިިބްރާހިމް މުހައްމަދު ސޯލިހަށް ވެސް ޕެޓިޝަނެއް ފޮނުވާފައި ވެ އެވެ.
އިލްމުވެރިންގެ ގުޅުމުން އިސްވެ ތައްޔާރުކޮށް، މިދިޔަ ބުރާސްފަތި ދުވަހު ފޮނުވި ޕެޓިޝަނުގައި ބުނީ އެ ބިލުގެ ސަބަބުން، އިސްލާމް ދީނާ ދެކޮޅަށް ހިންގާ ބޮޑެތި މުންކަރާތްތަކަކީ ގޯސް ކަންތައްތައް ކަމާއި އެ ކަންކަމުގެ ތެރެއަށް ނުވަނުމަށް ގޮވާލައި އާއްމުން ހޭލުންތެރި ކުރުމަށް ދީނީ އިލްމުވެރިންނާއި އެ ނޫން އާއްމު ރައްޔިތުންނަށް އެއްކޮށް ހުރަސްއެޅި ބަންދުވެގެން ދާނެކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސްމޭޝ
20 June 2021
ދީނީ އިލްމުވެރިންނޯ! މީހުން ރުޅިއަރުވައިގެން ދީނަށް ލިބޭނީ ކޮން ފައިދާއެއް ބާ؟ އެކަމަކު ދިން ފަތުރާށޯ މިއުޅެނީ! މީހުނާއި ދިމާލަށް ޣީބަ ބުނަން ފުރުސަތު ދޭށޯ މިގިވަނީ! އެއީ ވެސް އިސްލާމް ދީނޯ! އަޖާއިބެއް! ތިމަނަނަމެން ބޭނުން އެއްޗެއް އެހެން މީހުނަށް ކިޔަން ފުރުސަތު ދޭށޯ! އެކަން ނުހުއްޓާނަމޯ! މިގައުމުގައި ބޮޑު ލޭ އޮހޮރުމަކާއި ހަމަޔަށް ދަންނދަން ދެން އެކަން ކުރާނަމޯ! މީ ކުފުރުގެ ބިމެކޯ! އެމިހުންގެ ބަސް ނޫން ބަހެއް ގަބޫލުކުމުން މުސްލިމުންނެއް ނޫނޯ!
ވަހުތާން
20 June 2021
އަހަރެމެންގެ ފައިސާއިން ބޮޑުމސާރައިގެ 2 މުސާރަނަގައިގެން އަހަރެމެންގެ ދީނާއި ނަބިއްޔާއަށް ފުރައްސާރަކުރާމީހަކު ހުންނަން ޖެހޭތަ؟ މިއޮތީވާ ހ ވެރިކަމެއް! ކޮބާތަ ޝ އިލްޔާސް ވިދާޅުވިފަދަ ވެރިމީހާ؟
މޮހިތު
20 June 2021
ތިބޭފުޅާ އެކަނި ވިއްޔާ މުސާރަ ދެނީ..!
އެމްސް
20 June 2021
ރަޢިއްޔަތުންގެ ބައިތުލްމާލުން މުސާރަ ނަގައިގެން، ދީނުގެނަމުގަ އެކިއެކި މަހުޖަނުންގެ ޖީބަށްވެއްޓި، ތަން ފަސާދަކުރުން ހުއްޓުވަން ވެއްޖެ!
ގަހުވަ
20 June 2021
ވަހުތާން ބޭނުންވާނީ އަދިވެސް މިގަުއމުގައި މީހުންގެ ލޭހުއްދަ ކުރާ މީހުންނަށް ފުރުސަތު ހުޅުޥާފައ ބާއްވާން ތާ؟ މީހެއްގެ އަގީދާއަކީ އެމީހަކާއި ހެއްދެވިފަރާތާއި ދެމެދުގެ ކަމެއް! އަދި މީމުސްލިމަކަށް އަނެއް މުސްލަމަކާއި ދިމަލަށް ކާފަރެކޭ ނުބުނުވޭނެ. ބުނެވިގެން ވެސް ނުވާނެ! އެކަން ހުއްޓުވަން ޖެހޭ!
މާހިރު
20 June 2021
ދިވެހިރާއްޖޭގެ ގިނަމީހުންނަކީ އިސްލާމްދީނަށް ލޯބިކުރާ މީހުންނެވެ. ދީނީ ހަރުކަށި ފިކުރަށްވުރެބޮޑަށް ރާއްޖޭގައި މީހުންގެހިތުގައި ނަފުރަތުއުފެދެނީ އިސްލާމް ދީނާ ދެކޮޅުވާހަކަތައް ދެއްކުމުގެ ސަބަބުންނެވެ. ނަފުރަތުކުރުން ހުއްޓުވުމަށް ބޭނުންވާނަމަ ފުރަތަމަ އިސްލާމް ދީނުގެ ކަންކަމަށް ފާޑުކިޔާ ފަރާތްތަކާމެދު ފިޔަވަޅު އަޅުއްވާށެވެ. އެބައިމީހުންނާދެކޮޅަށް ފިޔަވަޅު ނާޅާ އެބައިމީހުން ދިފާޢުކުރުމަށް ކިތައްމެ ޤާނޫނެއް ހެދިޔަސް ނަފްރަތުކުރުން ނުހުއްޓޭނެއެވެ.
މާިރޫ
20 June 2021
ކިޔޭ ނުކިޔޭ އިނގޭތޯ؟
އެމްސް
20 June 2021
ހަރުކަށި ފިކުރަކީ ދީނުގެނަމުގަ ތަން ފަސާދަކުރަން، ރާއްޖެއިން ސީރިއާއަށްވެސް މީހުން ފޮނުވާ އައިސިސްގެ އެޖެންޑާއެއް!
ކަނޑިންމަ
20 June 2021
މާހިރުއަސް ދޯ ފިޔަވަލު އަޅާންވީމަ އެނގެނީ ވެސް. އަދި އެކަމަށް ގޮވާލަނީވެސް... ނަފުރަތު އުފައްދައި މީހުން ކަތިލުމަސ ްފުރުސަތު ދީގެން ނުވާނެ!
އަލިތޯފީ
20 June 2021
މިއީ ނޯތު ކޮރެއާ އަދި އިޒްރޭލެއްވެސް ނޫނެވެ. މިޤައުމަކީ ސައްތައިންސައްތަ މުސްލިމުން އުޅޭ ޤައުމެކެވެ. މުސްލިމުން އުޅެންވާނީ ﷲ ގެ ފޮތާއި އެކަލާނގެ ރަސޫލާގެ ރިސާލަތާ އެއްގޮތަށެވެ. ތިމާގެ އަޚާއާ ދިމާލަށް ހިތަށް އެރިހާ އެއްޗެއް ނުގޮވޭނެއެވެ.
ރަދީފްއޮފިޝިއަލް
20 June 2021
ހަސަން ކުރުސީ ކަލޭ ޖެހޭނީ މުޑިކާށި ހޮވަން ދާން.ތިމަންނާ މިހިރީ ޖަރުމަނުގަ އޭ ކިޔައިގެން އަދި ކޮސް ޓްވީޓް އެބަކުރެއެއްނު.ލަދު ކޮބާ؟؟
ރަންދު
20 June 2021
ތިޔަ ބިލަށް ތާއީދެއް ނުކުރަން ތިޔަ ޕެޓިޝަނަކު ސޮޔެއް ނުކުރާނަން
ރާއިދު ފްރޮމް އައްޑޫ
20 June 2021
ކަލޭ ނުކުރިޔަސް މަ ސޮއި ކޮއްފިން. އަދި އެތައްބަޔަކު ސޮއިކުރާނެ.
މަސްވެރި ކެޔޮޅު
20 June 2021
އަބުރު ގާނޫނެކޭ މިއެކޭ ތަފާތެއް ނެތް. ލޮލް
ޒޫނާ
20 June 2021
ރައްޔިތުން މިތިބީ ބަނޑަށް، ގައުމު މިއޮތީ ބޮޑު ބަލިމަޑުކަމެއްގަ އެކަމަކު މި ލީޑަރުންނޭ ކިޔާން އުޅޭމީހުން އެކަމަކަށް ސަމާލުކަމެއް ނުދީ މީދެން ކޮންހާ ބޭކާރު ކަމެއްތަ، ތިޔަ ފާސްކުރިޔަސް ނުކުރިޔަސް ރައްޔިތުންނަށް ވަކި މޮޅެއްވޭތަ ވަރައްފޫހި
ބަޝީރު
20 June 2021
އަންނި ހެޔޮނުވާނެ ތިޔަފާޑަށް އުޅުން ހުއްޓަބަލަ
އެމްސް
20 June 2021
އަންނި އެހެން ނޫޅުނު ނަމަ ތިޔަ ކޮމެންޓްވެސް ތިހެން ކުރާނެ ފުރުސަތު ނުލިބުނީސް!
އެމެސް
20 June 2021
އިސްލާޙީ މަސައްކަތް ކުރީ ކަލޭމެންތިހީކުރާގޮތަށް އަންނި އެކައްޏެއް ނޫން. މިރާއްޖޭގަ އެތައްބަޔަކު ޤުރުބާންވި މިހާރު އޭނަ އުޅޭފާޑުން މިމަސައްކަތަށް އެޅެނީ ހުރަސް
ކަމަރު
20 June 2021
ޕެޓީޝަން ހެދިޔަޔަސް ހެޔޮ އަހަރެމެން ތިޔަކު ސޮއެއް ނުކުރާނަން ތިޔަ ގޭމެއް ދެނެއް ނުހިގާނެ، މިހާރު ތީތިބާވެއްޖެ، ދެން އަހަރެމެން ބަލާނީ ރައީސް އިބޫ ވިދާޅުވާ އެއްޗެއް.