ދެ ރަށެއްގައި ހައުސިން ޔުނިޓް އެޅުމުގެ މަޝްރޫއު ހަވާލު ކުރުމަށް ހައުސިން މިނިސްޓްރީން ބޭއްވި ސޮއި ކުރުމުގެ ބައްދަލުވުން--
18 ޖުލައި 2021 - 14:31
3 comments
ހދ. ހަނިމާދު އާއި ނޮޅިވަރަމްފަރުގައި 100 ހައުސިން ޔުނިޓް އިމާރާތް ކުރުމުގެ މަޝްރޫއު އަމިއްލަ ކުންފުންޏަކާ ހަވާލުކޮށްފި އެވެ.
ހައުސިން މިނިސްޓްރީން މިއަދު ބުނީ ހަނިމާދޫގައި އިމާރާތް ކުރަން ފަށާފައިވާ 52 ހައުސިން ޔުނިޓް ނިންމުމުގެ މަސައްކަތާއި އެ ރަށުގައި އަލަށް އިމާރާތް ކުރާ 48 ހައުސިން ޔުނިޓްގެ މަސައްކަތް ހަވާލުކުރީ ދޮންބެޒް ޕްރައިވެޓް ލިމިޓަޑާ އެވެ.
ދައުލަތުގެ ބަޖެޓުން 79.3 މިިލިއަން ރުފިޔާ ހަރަދުކޮށްގެން ހިންގާ އެ މަޝްރޫއު ނިންމަން ހަމަޖެހިފައި ވަނީ 330 ދުވަހުންނެވެ.
ހަނިމާދޫގެ އިތުރުން ނޮޅިވަރަމްފަރުގައި އިމާރާތް ކުރަން ފަށާފައިވާ 100 ހައުސިން ޔުނިޓްގެ މަސައްކަތް ހަވާލުކުރީ ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓަޑާ އެވެ. ދައުލަތުގެ ބަޖެޓުން 53.5 މިލިއަން ރުފިޔާ ހަރަދުކޮށްގެން ހިންގާ މި މަޝްރޫއު 240 ދުވަހުގެ ތެރޭގައި ނިންމަން ޖެހެ އެވެ.
ހަނިމާދު އާއި ނޮޅިވަރަމްފަރުގައި އިމާރާތްކުރާ ހައުސިން ޔުނިޓުގެ މަޝްރޫއަކީ ކުރީގެ ރައީސް މުހައްމަދު ނަޝީދުގެ ވެރިކަމުގައި 2011 ވަނަ އަހަރު ފެށި ދެ މަޝްރޫއެވެ. ނަމަވެސް 2014 ވަނަ އަހަރު ވަނީ އެ މަޝްރޫއު ހުއްޓިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްބެ
18 July 2021
ތިޔަ ދޮންބެޒް ކުންފުންޏަކީ ފުވައްމުލަކު މެދުދާއިރާގެ އެމްޕީގެ ކުންފުންޏަކަށްވާތީ ހާދަގިނަ ހައުސިންގ ޕްރޮޖެކްޖެޓް އެމީހުންނަށް އެބަދެއޭ. ކުޅުދުއްފުށީ 105 ހައުސިން ޔުނިޓާއި ހަނިމާދޫގެ 52 ހައުސިން ޔުނިޓާއި އަލަށް ހަދާ 48 ހައުސިންގ ޔުނިޓް މިކުންފުންޏާއި ޙަވާލުކުރުން މިއީ ކިހިނެތްވާކަމެއްތޯ ބަލާލަންއެބަޖެހޭ؟ އަދި މަސައްކަތުގެ ފެންވަރު ވަޒަންކުރެވެންޖެހޭ. ކައުންސިލްތަކާއި ރައްޔިތުން ސަމާލުވާތި. ނޫނީ ޖިފުޑިގަނޑެއް ހަދާފައި ހަވާލުކޮށްފާނެ.
އިސްމަތު އަބްދުލްމަޖީދު
19 July 2021
އަހަރެން ދެކޭގޮތުގައި މިއީ ކޮރަޕްޝަންގެ އަމަލެއްކަމުގައި ވިޔަސް، ދޮންބެޒް ކުންފުންޏަކީ ގާބިލް، މަސައްކަތުގެ ފެންވަރު ރަގަޅު ކުންފުންޏެއް. ތިޔަވިދާޅުވާ އެމްޕީއަކީ ރިސޯޓްފަހަރު ހަދާ ތަޖުރިބާ ލިބިފައިވާ މީހެއް. ރައީސް ޔާމީނުގެ ވެރިކަމުގައިވެސް ވައްކަން ކުރިނަމަވެސް މަސައްކަތްކޮށް އިޤްތިޞާދަށް ފައިދާކުރި. އެހެންވީމަ، ދޮންބެޒް ކުންފުންޏަށް މަސައްކަތް ދިނުމަކީ މައްސަލައެއްނޫން! ކޮރަޕްޝަން އަބަދުވެސް ހިނގާނެ!
ނަލަބެ
18 July 2021
ފަށާފަހުރި 2 ޔުނިޓް ނިންމާ އިތުރު 48 ޔުނިޓް އެޅުމަށް (ޖުމްލަ 50 ޔުނިޓް) މި ހަރަދުވަނީ 79.3 މިލިޔަން ރުފިޔާ ހަރަދުވާއިރު 100 ޔުނިޓް މިއަޅަނީ 53.5 މިލިޔަން ރުފިޔާއަށެވެ. ދެރަށުގާ އަޅާޔުމިތޤތަކުގެ ފެންވަރު ހަމަ އެހާ ތަފާތު ބޮޑުވާނެހެއްޔެވެ؟ ޢެހެންކަމަށްވާނަމަ މިއީ ތަފާތުކުރުމަކަށް ވެދާނެހެއްޔެވެ؟