ހިޔާ މަޝްރޫއުގެ ދަށުން ތަރައްގީކުރި ޓަވަރުތައް؛ މިތަންތަން ލިބުނު 6720 މީހުންގެ ތެރެއިން 350 އެއްހާ މީހުން ވަނީ ފްލެޓް ދޫކޮށްލައި "ވިނަރެސް" ފްލެޓަށް ބަދަލުވުމަށް އެދިފައި-- ފޮޓޯ: ނިޝާން އަލީ/ މިހާރު
03 އޯގަސްޓް 2021 - 11:51
10 comments
ހިޔާ މަޝްރޫއުގެ ދަށުން ހުޅުމާލޭ ދެވަނަ ފިޔަވަހީގައި ތަރައްގީކުރި، 16 ބުރީގެ 25 ޓަވަރުން ފްލެޓް މީހުންގެ ތެރެއިން "ވިނަރެސް" ފްލެޓަށް ބަދަލުވާން ބޭނުންވާ މީހުންނަށް ހުޅުވާލި ފުރުސަތުގައި 350 އެއްހާ މީހުން ހުށަހަޅާފައިވާ ކަމަށް ހައުސިން މިނިސްޓްރީން މިއަދު ބުނެފި އެވެ.
މިނިސްޓްރީން އެންމެ ފުރަތަމަ ހުޅުވާލީ ހިޔާ ފްލެޓްތައް ލިބުނު މީހުންގެ ތެރެއިން ޑޮކްޓަރުންނާއި ނަރުހުން އަދި ޓީޗަރުން ބޭނުން ނަމަ ސަރުކާރުން ކުރިއަށް ގެންދާ ގޯތިގެދޮރު މަޝްރޫއުގެ ތެރެއިން މަޝްރޫއަކަށް ބަދަލުވުމުގެ ފުރުސަތެވެ. އެކަމަކު ފަންނީ ކެޓަގަރީގައި ނުހިމެނޭ ބައެއް މީހުން ވެސް އެގޮތަށް ފްލެޓު ބަދަލުކުރަން އެދެމުންދާތީ ފަހުން ހުޅުވާލި ފުރުސަތުގައި އެ މީހުންނަށް ވެސް ނަން ނޯޓު ކުރެވޭ ގޮތަށް ހުޅުވާލި އެވެ.
ޕްލޭނިން މިނިސްޓްރީގެ މީޑިއާ އޮފިސަރަކު، "މިހާރު" އަށް ވިދާޅުވި ގޮތުގައި މިދިޔަ މަހުގެ 31 ގެ ނިޔަލަށް ފްލެޓް ބަދަލުކުރުމުގެ ފުރުސަތު ހުޅުވާލިއިރު އެ މުއްދަތުގައި ގާތްގަނޑަކަށް 350 އެއްހާ މީހުން ވަނީ ފްލެޓް ބަދަލުކުރުމަށް ހުށަހަޅައިފަ އެވެ.
އޮފިސަރު ވިދާޅުވީ ފްލެޓް ބަދަލުކުރުމުގެ މުއްދަތު ދެން އިތުރު ކުރަން ނިންމާފައިނުވާ ކަމަށެވެ.
ހިޔާ ފްލެޓް ދޫކޮށްލައިގެން ފްލެޓް ލިބޭނީ ކުރީގެ ރައީސް އަބްދުﷲ ޔާމީންގެ ސަރުކާރުގައި ތަރައްގީ ކުރަން ފެށި ވިނަރެސް މަޝްރޫއުންނެވެ. އެއީ 13 ބުރީގެ 10 ޓަވަރުގައި 1،344 ފްލެޓް ތަރައްގީ ކުރަމުން އަންނަ މަޝްރޫއުއެކެވެ.
މި ފްލެޓްތަކަކީ ހިޔާ ފްލެޓަށް ވުރެ ޖާގައިގެ ގޮތުން ބޮޑު، ރަނގަޅު ފެންވަރުގެ ފްލެޓްތަކެކެވެ.
"ވިނަރެސް" މަޝްރޫއުގައި ހިމެނޭ ހުރިހާ ޓަވަރެއްގައި ވެސް ހުންނާނީ ތިން ކޮޓަރީގެ އެޕާޓްމަންޓްތަކެކެވެ. އެއީ ހަތަރު ވައްތަރެއްގެ އެޕާޓްމަންޓްތަކެކެވެ. އެގޮތުން އެ ތަނުގައި ހިމެނެނީ މެރީނާ ވިއު އާއި އިނާ ވިއު އަދި އައުޓާ ވިއުގެ އިތުރުން ސްޓޭންޑާޑް ވިއު އެވެ. މި ތަންތަނުގެ އަގު އުޅޭނީ 2.5 މިލިއަނާއި 2.7 މިލިއަން ރުފިޔާއާ ދެމެދުގަ އެވެ.
ހިޔާ މަޝްރޫއުގެ ފިނިޝިން ނުނިންމައި އެ ތަންތަން ހަވާލުކުރި ނަމަވެސް "ވިނަރެސް" މަޝްރޫއުގެ ދަށުން ފްލެޓް ދޭނީ އެއްކޮށް މަސައްކަތް ނިންމުމަށް ފަހު އެވެ. އެ ތަންތަން އަންނަ މޭ މަހުގެ ތެރޭގައި ނިމޭނެ ކަމަށް ސަރުކާރުން ބުނެފައިވެ އެވެ.
"ވިނަރެސް" ފްލެޓްތައް ވިއްކުމަށް ހުޅުވައިލުމުގެ ކުރިން ހިޔާ ފްލެޓް ދޫކޮށްލި މީހުންނަށް އެ މީހުން ބޭނުން ތަނަކުން ބޭނުން އެޕާޓްމަންޓެއް ނެގުމުގެ ފުރުސަތު ވެސް ދޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެއްޔާދި އާދަނު
04 August 2021
ހިޔާ ފުލެޓް ދޫކޮށްލީ ތަނަވަސްވެގެންނެއްނޫން. ހިޔާ ފުލެޓް ދޫކޮށްލިމީހުންގެ މީހުންގެތެރެއިން ސިވިލސް ސަރވިސް ގައި ޙިދްމަތްކުރާމީހުންގެ މުސާރަޔަށް ރިއާޔަތް ކޮށް ލުއިގޮތްތަކައް ހަމަޖއްސައިދެއްވުންއެދެން. މިހާރު ހުރި އަގުތަކަކީ ލާހިކު އަގުތަކެއްނޫން.
ޡަްރ
04 August 2021
އެ ހުރިހ ހާ އެންމެނަކީ ހިޔާ ފްލެޓް ނުޙައްގުން ދީފަ ތިބި މީހުން. ފްލެޓް ޙައްގުވާ މީހުންނަކީ ވިނަރެސް ކަހަލަ ލަގްޒަރީ ތަންތާ އުޅެވޭ ފެންވަރުގެ ބައެއްނޫން.
ވިނަރެސް
03 August 2021
ވިނަރެސްއަށް ބަދަވުލުވުމުގެ ފުރުސަތުދީފިޔޭ ބުނުމުން ހީވަނީ ވަރަށްރަގަޅޭ ދެކޮޓަރީގެ ކޮތަރުކޮއްޓެގެ ބަދަލުގަ ތިންކޮޓަރީގެ ފްލެޓެދެނީއޭއެކަމަކު ވިނަރެސްއާއްމުކޮށް ވިއްކަންހަމަޖެހިފަހުރި އުސޫލާއެއް އަގެއްގަވިއްކަނީ ހިޔާފްލެޓް ދޫކޮއްލާމީހުންނަވެސް 4ލައްކަރުފިޔާގެ ޑައުންޕޭމަންޓެ 25އަހަރުގެ ބޮޑުކުލި 17 18ހާސްރުފިޔާމަހުކުލި.ދެން ވިނަރެސްއަށް ބަދަލުވެފަކަމަށްބުނާ މީހުންނަ ސަރުކާރުން މިނޫންލުއިތަކެދީފިނަމަ އޮޅުވާލީކަމަށް އަހަރެންބުނާނީ އެއީއަހަންނަ މިގޮތަ
ރާއްޖެ
03 August 2021
އެހެންވީމާ އެއީ ސޯޝަލް ހައުސިންއަށް ވުރެ ލަގްޒަރީ ހައުސިންއަށް ޝަރުތު ހަމަވާ މީހުން. މުއްސަނދިން.
ދަރަނި
03 August 2021
ފުލެޓްގެ އަގަކީ 2.5 މިލިއަން އަދި 2.7 މިލިއަނެއްވެސް ނޫން އާދައިގެ ފަންތީގެ މީހުންނަށް އެއްފަހަރާ ދެއްކޭނެ އަގެއް ނޫންކަން ހަމަ ރަގަޅަށް އެގޭނެ. އެ ފްލެޓްގެ އަގު އަދާކޮށް ނިމޭއިރު 4.7 މިލިއަނަށްވުރެ ގިނައިން ޙަރަދުވާނެ ހިޔާ ފްލެޓް ދޫކޮށް ދާން މާރަގަޅު އޮޕްޝަނެއް ނޫން
ޛޖުުުތގޗ
03 August 2021
ދޫކޮށްލި ފްލެޓްތައް ލިބޭނެ މީހުން އިއުލާންކުރަނީ ކޮންއިރަކުން؟؟؟؟؟
ޙާމީ
03 August 2021
ޢެ ދޫކޮށްލި ފްލެޓްތައް ޢަދި، ކުރިން ފްލެޓް ލިބުނު މީހުން ފިލްޓަރކުރިއިރު ބަަކީ ހުރި ފްލެޓްތަކަށް ވާނެ ގޮތެއް ނޫނީ ދޭނެ ބަޔެއް ނޫނީ ދޭންފަށާނެ އިރެއް ނޫނީ އެޔަށް ވާނެ ގޮތެއް ނޫނީ އަމަލުކުރަަނެ އުސޫލެއް މިހާރު ނޫހުން އޮޅުންފިލުވައިދީ ހަބަރެއް ޖަހައިދީފާނަން؟. ނޫސްވެރިން ސުވާލުކޮށް އާޓިކަލް ލިޔަން ފެށީމަ ކަންކަން ޓްރާންްސްޕޭރެންޓްވެ ޢަވަސްވާކަން ފާހަގަކުރެވޭ
އަންދާގާނޫނު
03 August 2021
ހިޔާ ފްލެޓް ތަކުން ހުސްވި 350 ޕޮއިންޓް ލިބުނު ތަރުތީބުން ގޮއްސިއްޔާ މަށަށް އަޅައިގަންނާނެ. މަށަށް ފްލެޓް ގެއްލުނީ އެއްމެ ޕޮއިންޓެއްމަދުވެގެން 67 ލިބިފަ އިނީމަ.އެކަމް ހިތާމައަކީ ތި ފްލެަތްތައްވެސްދޭނީ 50 ޕޮއިންޓަށްވުރެވެސް ދަށުންލިބުނު މާލެމީހުންނަށް. އެމީހުން ނަށް ފްލެޓްތައްދީގެން ކުށްޔަށްދޫކޮށް އެނީހުން އާއްމުދަނީ ހޯދާނެ ގޮތްހޯދަދެވޭތޯ މިސަރުކާރުން ބަލަނީ. އެކަމު ސިފައިންނާ ފުލުހުންނަށް ހިޔާއިން ރަށްރަށުގަ އުޅޭމީހުނަށްވެސް ދީފަހުރީ
ށބދބ
04 August 2021
ސިވިލްސާރވިސް މުވައްޒަފުންގެ ތެރެއިން ރަށްރަށުގައި ދިރިއުޅޭ މީހުންނަށްވެސް ދަިފައިހހހުރީ. ސޮއިވެސް ކޮށްފި
ބައްޑާ
05 August 2021
ބަލަގަ މާލޭގެ އަވަށަކުން ބިމެއް ނުވަތަ ފްލެޓެއް ދިނުން އެންމެ ހައްޤު ވާނީވެސް މާލޭގެ ރަށްވެހިންނަކަށްނު. އެމީހުންނަށް ދީފަ ބާކީ ހުރިއްޔާތާ އެހެން ރައްވެހިންނަށް ދޭންޖެހޭނީ. މީ އިންސާފަކީ. ބޭއިންސާފުން މާލެ ރައްވެހިންގެ ޙައްޤުތައް ރަށްރަށު މީހުން ވެރިވެގަންނާތީ ގިނަ މާލެ މީހުން ފަޤީރު ހާލުގަ އުޅެނީ. އެބަ އުޅޭ ބިމެއް ކީއްކުރަން ކޮޓަރި އެއްވެސް މިލްކުގަ ނެތް އެތައް މާލޭ ރައްވެހިންނެއް. މީ އަޅެ އަޖައިބެއްނު