އެންޖަލްހެކްގެ އެއްވަނަ ޓީމް ބައިނަލްއަގުވާމީ ޕްރޮގްރާމަކަށް

"އެންޖަލްހެކް މޯލްޑިވްސް"ގެ ނަމުގައި ހޮޓެލް ޖެންގައި ކުރިޔަށް ގެންދިޔަ ހެކަތޯނުން އެއްވަނަ ހޯދި ޓީމާއެކު ދިރާގުގެ ސީއީއޯ އިސްމާއިލް ރަޝީދު ފޮޓޯއަކަށް ހުއްޓިވަޑައިގެން. ފޮޓޯ: ދިރާގު

އަބްދުﷲ ޖަމީލު، މިހާރު

23 ޖުލައި 2018 - 15:53

2 comments

ދިރާގާއި ސްޕާކްހަބް ގުޅިގެން "އެންޖަލްހެކް" ހެކަތޮން އިން އެއްވަނައަށް ދިޔަ ޓީމަށް ބައިނަލްއަގުވާމީ އެކްސަލަރޭޓާ ޕްރޮގްރާމަކުން ފުރުސަތު ލިބިއްޖެ އެވެ.

"އެންޖަލްހެކް މޯލްޑިވްސް"ގެ ނަމުގައި ހޮޓެލް ޖެންގައި ބޭއްވި ހެކަތޯންއަކީ 150 އަށްވުރެ ގިނަ ގައުމުގެ 60 ސިޓީގައި ސިލްސިލާ ގޮތުގައި ކުރިއަށް ގެންދާ ހެކަތޮންއެކެވެ. މި ހެކަތޮން ރާއްޖޭގައި ފެށިއިރު ރާއްޖެއެކޭ އެއް ވަގުތެއްގައި އެހެން ހަތަރު ގައުމެއްގައި ވެސް ކުރިއަށް ގެންދިޔަ އެވެ.

ދުނިޔޭގެ އެންމެ ބޮޑު އެއް ހެކަތޯން، އެންޖަލްހެކްގެ އެއްވަނަ ލިބުނީ ގްރޫޕް ފައިންވައިސް އަށެވެ. މި ގްރޫޕުން ބުނީ 12 ހަފުތާގެ މި އެކްސަލަރޭޓާ ޕްރޮގްރާމް ލިބުމުން ވަރަށް އުފާވި ކަމަށެވެ. އަދި މި ހެކަތޯންގެ ސަބަބުން ގިނަ ކަންތައްތަކެއް ދަސްވެގެން ދިޔަ ކަމަށް ވެސް އެ ގްރޫޕުން ބުންޏެވެ.

"އެންޖަލްހެކް މޯލްޑިވްސް"ގެ ނަމުގައި ހޮޓެލް ޖެންގައި ކުރިޔަށް ގެންދިޔަ ހެކަތޮންގެ ބައެއް ބައިވެރިންނާއެކު ދިރާގުގެ ސީއީއޯ އިސްމާއިލް ރަޝީދު (ވ) --. ފޮޓޯ: ދިރާގު

ދިރާގުން ބުނީ އެއްވަނަ ހޯދި ގްރޫޕަށް އެމެރިކާގެ ސެންފްރެންސިސްކޯގެ ސިލިކަން ވެލީގައި ގްލޯބަލް ޑެމޯއެއް ދައްކާލުމުގެ ފުރުސަތު އެއް ހަފުތާއަށް ލިބޭނެ ކަމަށެވެ.

އެ ހެކަތޮން ކުރިއަށް ގެންދިޔައީ ގްރޫޕުތަކަށް ވެސް ބައިވެރިވެވޭ ގޮތަށެވެ. މިގޮތުން ގްރޫޕެއްގައި ފަސް މެންބަރުން ހިމެނެ އެވެ. މި ހެކަތޮންގައި ޖަޖުންގެ ގޮތުގައި ތިބީ ދިރާގުގެ އެކްޓިން ސީއެމްއޯ އަހުމަދު މައުމޫނާއި ޕޭމީޑިއާގެ ފައުންޑަރު ކަނިކްޝާ އަދި މައިންޑްވެލީގެ ޕްރޮޑަކްޓް މެނޭޖަރު އަހުމަދު ރިއާޒީ މުހައްމަދު އެވެ.