ހުޅުމާލޭ ދެ ވަނަ ފިޔަވަހިން ހިއްކާފައިވާ ސަރަހައްދު
08 ޖުލައި 2019 - 13:40
ގޫގުލް މެޕްސްގައި މާލެ ސަރަހައްދުގެ ސެޓެލައިޓް ވިއު އަޕްޑޭޓްކޮށް، މި ސަރަހައްދަށް އައިސްފައިވާ ބޮޑެތި ބަދަލުތައް ފެންނަ ގޮތް ހަދައިފި އެވެ.
މި އަޕްޑޭޓާ އެކު ސިނަމާލެ ބްރިޖާއި ހުޅުމާލެ ދެ ވަނަ ފިޔަވަހިން ހިއްކާފައިވާ ސަރަހައްދާއި އެތަނުގެ މަގުތަކާއި އެނބޫދޫ ފަޅު ހިއްކައިގެން ހަދާ ރިސޯޓްތައް ވެސް ފެނެ އެވެ. މީގެ އިތުރުން ވެލާނާ އިންޓަނޭޝަނަލް އެއާޕޯޓަށް ގެނެސްފައިވާ ބޮޑެތި ބަދަލުތައް ވެސް ރީއްޗަށް ފެނެ އެވެ.
އެނބޫދޫ ފަޅު ހިއްކައިގެން ހަދާފައިވާ ރިސޯޓްތައް
ސެޓެލައިޓް ވިއުގެ އިތުރުން ބްރިޖާއި ހައިވޭގެ ސްޓްރީޓް ވިއު ވެސް ހިމަނާފައިވެ އެވެ.
މާލެ އާއި ހުޅުލެއާ ދެމެދު އެޅި ބްރިޖްގެ އަޕްޑޭޓް މެޕްގައި ހިމެނުމާ އެކު، އެ ދެމެދުގައި އެއްގަމު ދަތުރުގައި ހޭދަވާ ވަގުތު ބަލައިލެވި، ނެވިގޭޝަނަށް ވެސް ފަސޭހަވާނެ އެވެ.
ވެލާނާ އިންޓަނޭޝަނަލް އެއާޕޯޓް
ގޫގުލް އާތު ބްލޮގްގައި ބުނާ ގޮތުން، ގޫގުލް މެޕްގެ މައުލޫމާތު މަހަކު އެއްފަހަރު އަޕްޑޭޓްކުރެ އެވެ. ނަމަވެސް ސެޓެލައިޓް ވިއުގައި ބެލުމުން، އެ އަޕްޑޭޓް ވަރަށް ލަސްކަން އެނގެ އެވެ. އެގޮތުން ބައެއް ސަރަހައްދުތައް އަޕްޑޭޓް ނުވެ ދެތިން އަހަރުވެފައި ހުންނަކަން ފާހަގަވެ އެވެ.
މިހެން ދިމާވަނީ ގޫގުލް މެޕަށް ވަރަށް ގިނަ ސެޓެލައިޓްތަކުންނާއި އޭރިއަލް ފޮޓޯގްރަފީ ސޯސްތަކުން އެއްކުރާ މައުލޫމާތު އަޅާކިޔައި އެ އިމޭޖްތައް ޕްރޮސެސްކުރުމަށް ހޭދަވާ މުއްދަތުގެ ސަބަބުންނެވެ.
ސިނަމާލެ ބްރިޖް
ނަމަވެސް ކުއްލިއަކަށް ހިނގާ ބޮޑެތި ހާދިސާތަކާ ގުޅިގެން، އެ ކަމެއް ހިނގާ ސަރަހައްދަކަށް އެންމެ ފަހުގެ އަޕްޑޭޓް ދިނުމަކީ ގޫގުލް އިން ކުރާ ކަމެކެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އަޒާ
10 July 2019
ވިސްނާ ބަޔަކަށް އިބުރަތަކަށް ނުވޭހެއްޔެވެ. މި ޗާރޓް ތަކުން ފެންނަނީ ރައީސް ޔާމީނު މި ޤައުމަށް ގެނެސް ދެއްވި ތަރައްޤީ ނޫންތޯއެވެ...
އިދުރީސްބެ
09 July 2019
ތި ގޫގުލައްވެސް ނޭގުނު ތިތަންތަން ހަދާށޭ ކިޔައިގެން ކޮއްލާފަހުރި ވައްކަންތައް އަޕްޑޭޓް ކޮއްލާކަށް، ގައިމު ލާރިފަށެއް ކައިފަހުންނާނެވިއްޔަ.
އަޒާ
10 July 2019
މެޕް ފެނުނީމާ ހަޖަމް ނުވީދޯ...؟؟؟؟ ކެކެކެކެކެ.. ކަލޯ ނިކަން ދެކިބަލަ ޔާމީން މި ރާއްޖެ ތަރައްޤީކޮށްފައި އޮތްވަރު...؟؟
ޟަރރ
09 July 2019
މި 5 އަހަރު ނިމޭ އިރު މުލިންވެސް ހުންނާނީ ރައީސް ޔާމީނު ކުރަށް ނިންމާފަ ހުރި މަސައްކަތް 2023 ގަ ރައީސް ޔާމީނު ކުރި މަތި ލައިފިނަމަ އަޅުގަޑުގެ މުލި އާއިލާ ވެސް ވޯޓް ދޭނަންް ކުރިން ވޯޓް ދިނީ އިބޫ އަށް
ބޮލި މުލައް
09 July 2019
ލޮލުގަ ޒިބުއެޅިފަ ނެތިއްޔަ މިވަރުންވެސް ރައީސް ޔާމީނުގެ ތަރައްޤީ ފެންނަންވާނެ.
މުޙައްމަދު މަނިކު
09 July 2019
މި 5 އަހަރު ނިމޭ އިރު މުލިންވެސް ހުންނާނީ ރައީސް ޔާމީނު ކުރަށް ނިންމާފަ ހުރި މަސައްކަތް 2023 ގަ ރައީސް ޔާމީނު ކުރި މަތި ލައިފިނަމަ އަޅުގަޑުގެ މުލި އާއިލާ ވެސް ވޯޓް ދޭނަންް ކުރިން ވޯޓް ދިނީ އިބޫ އަށް ޝުކުރިއްޔާ
އިސްތިއުފާ އަންނި
09 July 2019
ރައީސް ޔާމީން ގެނެސްދެއްވި ތަރައްޤީ ތިޔަ ފެނިގެންދަނީ..
ޒައީ
09 July 2019
އަހަރެމެންގެ ދަރީން މުނިމުނި ކޮޅަށް ދާއިރުވެސް ޖޫޖުލް މެޕުގެ މާލޭ ސަރަހައްދު ފިޔަވައި ރާއްޖޭގެ އެހެން ހިސާބެއް އަދާހަމަކުރާކަށް ނުޖެހޭނެ...
ކުޑަބޭބެ
09 July 2019
މިކަހަލަ ތަންތަން ފެނުނީމަވެސް އިލްޔާސްލަބީބު،މީކާއީލް ނަސީމް މެން ވެސް ބުނާނެ ދޮއްތޮ މިއީ 2012 ގެ ކަމެކޭ
ނަރީމާ
08 July 2019
ޜައީސް ޔާމީން ގުރޭޓަރ މާލެ އޭރިޔާގެ ލޭންޑިން ސްކޭޕް ބަދަލުކޮއްލިކަމުގެ ކިތާބީ ހެކިތައް ފައުޅުވަނީއެވެ. ޝުކުރިއްޔާ ރައީސް ޔާމީން.
ޝުޖާއު
08 July 2019
މާލެ ސަރަހައްދަށް ވުރެ ކުރިން، ށ އަތޮޅު ފޮނަދޫ ސަރަހައްދާއި ނ އަތޮޅު މާފަރު ސަރަހައްދު އަދާހަމަކޮށްފި. މާޗު މަހުގައި، ށ ފުނަދޫ ވައިގެބަނދަރުގެ (ސްކްރީން ކެޕްޗަރ) ފޮޓޮއެއް މަ ނެގިން. އަދި މާފަރު ވައިގެބަނދަރުވެސް ބަލައިފިން ތިޔަ ގޫގުލް މެޕުން.