ރަތް ކަނޑަށް ވަންނަ ކަނޑުއޮޅި ބަންދު ނުކުރަން އީރާނަށް ނަތަންޔާހޫ އިންޒާރު ދެއްވައިފި

ތެލް އަވީވްގެ އާމީ ރެކްރޫޓްމަންޓް ސެންޓަރުގައި ނަތަންޔާހޫ ވާހަކަ ދައްކަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

02 އޯގަސްޓް 2018 - 11:25

ތެލް އަވީވް (އޮގަސްޓް 2) - ރަތް ކަނޑުގެ ދެކުނުން ވަދެ ނުކުމެވެން އޮންނަ ބާބުލް މަންދަބް ކަނޑުއޮޅި އީރާނުން ބަންދުކޮށްފި ނަމަ އީރާނާ ދެކޮޅަށް އަސްކަރީ ފިޔަވަޅު އެޅުމުގައި އިޒްރޭލުން ވެސް ބައިވެރިވާނެ ކަމަށް ވިދާޅުވެ ބޮޑު ވަޒީރު ބެންޖަމިން ނަތަންޔާހޫ އިންޒާރު ދެއްވައިފި އެވެ.

އިޒްރޭލުގެ ކަނޑުގެ ސިފައިންގެ ހަފުލާއެއްގައި ވާހަކަ ދައްކަވަމުން ނަތަންޔާހޫ ވިދާޅުވީ އަރޭބިއަން ޕެނިންސުލާގައި ޔަމަނާއި ޖިބޫތީ އަދި އެރިތުރިއާއާ ދެމެދު އޮންނަ ބޮޑު ކަނޑުއޮޅި ބަންދުކުރަން އުޅޭ ނަމަ އީރާނާ ދެކޮޅަށް ބައިނަލްއަގުވާމީ ގޮތުން ފިޔަވަޅު އަޅާނެ ކަމަށެވެ.

"އީރާނާ ދެކޮޅަށް އަސްކަރީ ފިޔަވަޅު އަޅާ ބައިނަލްއަގުވާމީ ކޯލިޝަނުގައި އިޒްރޭލް ވެސް ހިމެނޭނެ،" ނަތަންޔާހޫ ވިދާޅުވި އެވެ.

ދުނިޔޭގެ އެންމެ ކާރޫބާރޫ ބޮޑު ޝިޕިން ލޭންގައި މިދިޔަ މަހު 26 ވަނަ ދުވަހު ވަނީ ސައުދީ ތެޔޮ ޓޭންކަރަކަށް ޔަމަނުގެ ހޫތީ ހަނގުރާމަވެރިން ހަމަލާދީފަ އެވެ. އެ ހަމަލާ އަށް ފަހު ސައުދީން ވަނީ ރަތް ކަނޑުގައި ވަގުތީ ގޮތުން ތެލުގެ ޝިޕްމަންޓްތައް ހުއްޓާލައިފަ އެވެ. ހޫތީން އިއްޔެ ވަނީ ރަތް ކަނޑުގައި އެ މީހުންގެ އޮޕަރޭޝަން ދެ ހަފުތާއަށް ހުއްޓާލިކަން އިއުލާންކޮށްފަ އެވެ.

"ހަފުތާ ފެށުނު އިރު ފެނިގެން އެ ދިޔައީ އީރާނާ ގުޅުން އޮންނަ ބަޔަކު ރަތް ކަނޑުގެ ޝިޕިން ހުއްޓުވަން މަސައްކަތް ކުރިތަން،" ނަތަންޔާހޫ ވިދާޅުވި އެވެ.

އީރާނުގެ އެންމެ ބޮޑު ދުޝްމަން ގައުމު ކަމަށްވާ އިޒްރޭލުން މީގެ ކުރިން ވެސް ވަނީ މި ބާވަތުގެ އިންޒާރުތައް ދީފަ އެވެ.

އިޒްރޭލް ބިންޔާމިން ނަތަންޔާހޫ

5 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޙްމަދް

02 August 2018

އީރާނޭރެ މިކިޔާ ޤައުމު އެބަޖެހޭ މައިތިރި ކުރަން މުޅި ފަލްސްޠީނާއި ޢަރަބި ދުނިޔޭ ހަލާކު ކޮށް ފަސާދަ ކުރާބަޔަކީ އީރާނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަހާފޮޑިދޮންތިފޭދޫ

02 August 2018

އީރާނާއި ކުލެފިއްޔާ އިޒުރާއިލު ތިކިޔާ ޔަހޫދީން ހިފައިގެން ތިޔަ ތިބި ތަން އެއްކޮށް ސުންނާފަތި ވެ ތިކަން ފިނިޝްވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިމާމް ބިލްބަހާ

02 August 2018

ހެޔޮ ބަންދުކުރިޔަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީމަން

02 August 2018

ނަތަންޔާހޫ އަށް ތިތާ އަތް ގަދަކޮގެން ތިހުރުވެނީ އެމިކާގެ ވާގިޔާ އެކުގައެވެ، އެހެން ނޫނީ ނަތަންޔާހޫ ތިޔަ ސަހަރުން ނެތިކޮއްލަން ފަޅިސިކުންތުވެސް ނުނަގާނެއެވެ.