މޯލްޑިވިއަންގައި ދިވެހިން އުމްރާއަށް

އައިޝަތު ޖަޒްލީ، މިހާރު

22 ޖުލައި 2025 - 20:45

މި މަހު އުމްރާގެ އަޅުކަމަށް ދާ ދިވެހިން ގެންދިއުމަށް ރާއްޖޭގެ ގައުމީ އެއާލައިން، މޯލްޑިވިއަންގައި ތިން ދަތުރެއް ކުރަން ހަމަޖައްސައި މިއަދު ފުރަތަމަ ދަތުރުކޮށްފި އެވެ.

މޯލްޑިވިއަނުން ބުނީ މިއަދު އެ އެއާލައިންގައި އުމްރާގެ އަޅުކަމަށް ދާ ފުރަތަމަ ގްރޫޕް ޖިއްދާއަށް ގޮސްފައިވާ ކަމަށެވެ. މިއީ މުސާފިރު ހައްޖު އެންޑް އުމްރާ ގްރޫޕުގެ ހަވާލުގައި އުމްރާއަށް ދިޔަ މީހުން ގޮވައިގެން ކުރި ދަތުރެއް ކަމަށާއި އަނެއް ދެ ދަތުރަކީ ހައްޖު ކޯޕަރޭޝަންގެ ހަވާލުގައި އުމްރާއަށްދާ މީހުން ގެންދާ ދެ ދަތުރު ކަމަށް ބުންޏެވެ.

މޯލްޑިވިއަންގެ މެނޭޖިން ޑިރެކްޓަރު އިބްރާހިމް އިޔާސް ވިދާޅުވީ އުމްރާގެ އަޅުކަމަށް މީހުން ގެންދިއުމަށް ދަތުރުތައް ކުރުމުގެ ފުރުސަތު ލިބުމަކީ އެ ކުންފުންޏަށް ލިބޭ ފަހުރެއް ކަމަށެވެ. މިއީ އުމްރާގެ އަޅުކަމަށް މީހުން ގެންދިއުމަށް މޯލްޑިވިއަނުން ކުރާ ފުރަތަމަ ދަތުރުތައްކަން ފާހަގަކުރައްވާއި އޭނާ ވިދާޅުވީ މިއީ އެ އެއާލައިނުގެ ހިދުމަތްތައް ފުޅާކުރުމުގެ މަސައްކަތުގެ ދަށުން ކުރާ ދަތުރުތަކެއް ކަމަށެވެ.

މި މަހު މޯލްޑިވިއަންގެ ފްލައިޓުތަކުގައި 750 ފަސިންޖަރުން އުމްރާގެ އަޅުކަމަށް ސައޫދީއަށް ދަތުރުކުރާނެ އެވެ.

މޯލްޑިވިއަނުން މި އަހަރު ވަނީ ރާއްޖޭން ހައްޖަށް ދިޔަ މީހުން ވެސް ސައޫދީއަށް އުފުލައިފަ އެވެ.

މޯލްޑިވިއަން އެއާލައިން އުމްރާ

1 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެޑްމުންޑޯ

23 July 2025

މީގެ ކުރީގައިވެސް ޔާމީނުގެ ސަރުކާރުގައި މޯލްޑިވިއަންގައި އަހަރަމެން ދިޔައިން މައްކާ އަށް ، އެފަހަރު އެބުރި އައިމަގުމަތީ އިންޑިޔާގެ މުންބައީގައި ޖައްސާފައި ތެޔޮ ނުލިބިގެން 10 ގަޑިއިރު ބޯޓް ގައި ތިބެންޖެހުނު ،