ވެމްކޯގެ މުވައްޒަފަކު ކުނި ޑަސްބިނުގައި ކުނި އުފުލަކީ--ފޮޓޯ:އާކައިވް
16 މާޗް 2019 - 11:23
3 comments
ރޯދަ މަހާ ދިމާކޮށް ކުންފުނީގެ މަސައްކަތްތައް އަވަސްކުރަން އިތުުރު މުވައްޒަފުންނާއި ވެހިކަލްތައް ވެސް ހޯދާނެ ކަމަށް އެ ކުންފުނީގެ މެނޭޖިން ޑިރެކްޓަރު އާދަމް މުހައްމަދު ވިދާޅުވެއްޖެ އެވެ.
"މިހާރު" އަށް ދެއްވި އިންޓަވިއުއެއްގައި އާދަމް ވިދާޅުވީ، ރޯދަ މަހަކީ އާންމުކޮށް މާލޭގައި ކުނީގެ މިންވަރު ދެ ގުނަ އަށް އިތުރުވާ ދުވަސްތަކެއް ކަމަށެވެ. އެހެންވެ ކުނީގެ މައްސަލަ ކޮންމެ އަހަރަކު ވެސް ރޯދަ މަހު އިތުރަށް ބޮޑުވާ ކަމަށް އޭނާ ވިދާޅުވި އެވެ.
"އަޅުގަނޑުގެ އިލްތިމާސަކީ ރައްޔިތުން ވެސް ކުނި އުފައްދާ މިންވަރު އެ ދުވަސްވަރު ވީހާވެސް ކުޑަ ކުރައްވާށޭ. ކުނި މެނޭޖްކުރުމަކީ ސަރުކާރާއި ރައްޔިތުންނާ ގުޅިގެން ކުރެވޭނެ ކަމެއް. ރައްޔިތުން މިކަމުގައި ޒިންމާދާރުވާންޖެހޭ،" އޭނާ ވިދާޅުވި އެވެ.
އާދަމް ވިދާޅުވީ އެކުންފުނީގެ 70 ޕަސެންޓު މުވައްޒަފުންނަކީ ދިވެހިން ކަމަށާއި މެންދުރު ފަހު މަސައްކަތް ފެށި ނަމަވެސް ކުރަންޖެހޭ މަސައްކަތްތައް ގިނަ ކަމަށެވެ.
އާންމުކޮށް ދުވާލެއްގެ މައްޗަށް ވެމްކޯ އިން 1،150 ޓަނުގެ ކުނި މާލެއިން އުފުލަ އެވެ. މިކަމަށްޓަކައި މިހާރު މާލޭގައި ތިން ވެހިކަލް ހަރަކާތްތެރި ވާއިރު ހުޅުމާލޭގައި އެއް ވެހިކަލް ހަރަކާތްތެރިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަމަނާ
16 March 2019
ކޮންކަމެއް ކުރަން؟ ފުރަތަމަ ބަރާބަރަށް ގޭގެއިން ކުނިއުކަން އާދަކޮށް ބަލަ!
ޤައުމު
16 March 2019
އެހެން ބަލާބަލަ ކޮންމެ ދުވަހަކު ބަރާބަރަށް ހުރިހާ ގެޔަކުން ކުނި ނެގޭތޯ. ކޮންމެ މަހަކު ފީ ދެއްކިޔަސް ހަފްތާއަކު އެއް ދުވަސް ދެދުވަސް އެބަދޭ ކުނި ނަގަށް ނައިސް.މިކަމަށް ހައްލެއް ބޭނުން.
ރައްޔިތުންގެ
17 March 2019
މަށަށް ގެރެންޓީ ތީ އެންމެ ރުފިޔާ އެއްވެސް ނުދައްކާ މީހެއްކަން. ރަނގަޅަށް ވިއްޔާ ރެޖިސްޓާރ ވެސް ނުކުރާނެ