ލިޓަސްގެ ހުރިހާ މުވައްޒަފުންނަށް އެމްއައިބީގެ ހިއްސާ ގަނެދީފި

ލިޓަސް އިން ވަނީ އެ ކުންފުނީގެ ހުރިހާ މުވައްޒަފުންނަށް އެމްއައިބީގެ ހިއްސާ ގަނެދީފައި-- ފޮތޯ: އެމްއައިބީ

އިދުހާމް ނައީމް، މިހާރު

06 ސެޕްޓެމްބަރ 2019 - 18:43

ލިޓަސް ކުންފުންނީގެ ހުރިހާ މުވައްޒަފުންނަށް މޯލްޑިވްސް އިސްލާމިކް ބޭންކް (އެމްއައިބީ) ގެ ހިއްސާ އެ ކުންފުނިން ގަނެދީފި އެވެ.

ހިއްސާ ގަނެދިން މުވައްޒަފުންގެ ތެޜޭގައި މާލޭގެ އިތުރުން އަތޮޅު ތެރޭގައި މަސައްކަތް ކުރާ އެ ކުންފުނީގެ ހުރިހާ މުވައްޒފުން ވެސް ހިމެނެ އެވެ. ލިޓަސް އިން ބުނީ އެ ކުންފުނީގެ މުވައްޒަފުންނަށް ހިއްސާ ގަނެދިނީ ހުރިހާ މުވައްޒަފުންގެ މުސްތަގުބަލު ބިނާ ކޮށްދިނުމުގެ ބޭނުމުގައި ކަމަށެވެ.

ލިޓަސް އިން ބުނިގޮތުގައި، އެ ކުންފުނިން ބޭނުންވަނީ އެ ތަނުގައި މަސައްކަތް ކުރާ ހުރިހާ މުވައްޒަފުން ވެސް ރާއްޖޭގެ ހިއްސާގެ ބާޒާރަށް އަހުލުވެރިވެ، އެ އިން ލިބެން ހުރި ފައިދާތައް ދެނެގަނެ މުސަތަގުބަލު ބިނާ ކުރުމުގެ ފުރުސަތު ހޯދައި ދިނުމެވެ. އަދި ހުރިހާ މުވައްޒަފުންނަކީ ފުދުންތެރި ބައެއް ކަމުގައި ހެދުމަކީ އެ ކުންފުނީގެ އަމާޒު ކަމަށް ވެސް ލިޓަސް އިން ބުންޏެވެ.

"މިއަދު އަޅުގނޑުމެންގެ ހުރިހާ މުވައްޒަފުންނަކީ ވެސް އެމްއައިބީގެ ހިއްސާދާރުން. މިއީ މި ކުންފުނީގެ މުވައްޒަފުންނަށް ހުޅުވުނު ވަރަށް މުހިންމު ދޮރެއް. އަޅުގަނޑު ގަބޫލުކުރާ ގޮތުގައި މި ފުރުސަތުގެ ސަބަބުން އަޅުގަނޑުމެންގެ މުވައްޒަފުންނަށް ހިއްސާގެ ބާޒާރުގެ ހުރި ފުރުސަތު ދެނެގަތުމަށް ލިބޭ އިތުރު ހިތްވަރަކަށް ވާނެ،" ލިޓަސްގެ އޮފިޝަލަކު ބުންޏެވެ.

އެމްއައިބީން ހިއްސާ ވިއްކަން ފަށާފައިވަނީ މިދިޔަ ޖުލައި މަހުގެ 28 ވަނަ ދުވަހު އެވެ. އެ ބޭންކުގެ ހިއްސާ އާންމުންނަށް ވިއްކަން ފެށުމާ އެކު އެކި ކައުންސިލްތަކުންނާއި ކުންފުނިތަކުން އަދި އަމިއްލަ ފަރާތްތަކުން ވަނީ ހިއްސާ ގަނެފަ އެވެ.

މޯލްޑިވްސް އިސްލާމިކް ބޭންކް އެމްއަބީގެ ހިއްސާ

7 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަޒް

09 September 2019

ހިއްސާގެ ބާޒާރުގައި ހަރަކާތްތެރިވާ ކުންފުނިތަކުން ކިތައްމެ ފައިދާ ބޮދުވިޔަސް ބަހަން ނިންމަނީ ހައެއްކަ ރުފިޔާ.. ބައިވަރު ހިއްސާ ހޯލްޑްކޮއްގެން އެއްޗެއް ލިބެވަރުވާނީ.. ދިވެހިން ހިއްސާއޭ ބުނާ އިރަށް ދުއްވައިގަންނަނީ އެގެން ބޮޑު ނަފާއެއް ލިބޭނެ ކަމުގެ އުންމީދުގައި.. ނަމަވެސް ހަގީގަތަކީ އެއެއްނޫން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުހޯމް

08 September 2019

މުސާރައިން ކަނޑާގޮތަށް ހިއްސާ މުއައްޒިފުންނައް ގަނެދިނުމަކީ ލަދުވެތިކަމެއް. ޢަދި ދެރަކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

08 September 2019

ވަރަށް ބޮޑު ކަމެއްތި ކޮށްދިނީ. 33 ރ އަށް ހިއްސާއެއް ގަނެދިނަސް ފަސް އަހަރު ވާއިރުވެސް 33ރ ތިޔަ މުވައްޒަފަށް ލިބޭނެ ހެނެއް ހީނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗަކްނޯރިސް

12 February 2020

10 އަހަރުން އިސްވެސްޓްމަންޓް ކަވަރވާނީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

06 September 2019

ކިތައް ހިއްސާތަގަތީ. 33 ރުފިޔާއަށް ހިއްސާއެއް ލިބޭ. އަދަދު ކަށަވަރު ނުވަންޏާ މާކެޓިންގ ސްޓަންޓަކާ ވައްތަރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބެ.

08 September 2019

2018 ވަނައަހަރުގައި ތިބީ 3 ހިއްސާދާރުން. 1000ރ ގެ 180000 ހިއްސާ. ބެހީ ހިއްސާއަ 85ރ މަގުން 15000000 ރ. އެހެންވީމާ މިއަދަދުން އާންމުންނަށް ވިއްކަން ނިންމާފައި އޮތް 2475000 އެކަނި ގެއްލާލީމާވެސް ހިއްސާއަކަށް ލިބޭނީ އެންމެ 6ރ. އެހެންވީމީ 35ރ 6 ގެއްލާލީމާ ފަސް އަހަރު އެބަނަގާ ތިޔަ 35ރ އަބުރާ ލިބެން.