ބޭންކް އޮފް މޯލްޑިވްސްގެ އިސްވެރިން ޕްރެސް ކޮންފަރެންސެއްގައި-- ފޮޓޯ:ބީއެމްއެލް
25 މާޗް 2020 - 22:50
55 comments
ކޮރޯނާވައިރަސްއާ ގުޅިގެން ދިމާވެފައި މި އޮތް އިގުތިސާދީ ބޮޑު ހުއްޓުމާ ގުޅިގެން ސަރުކާރުގެ އިކޮނޮމިކް ޕެކޭޖުގެ ތެރެއިން ޕާސަނަލް، ހައުސިން އަދި ވިޔަފާރި ލޯނުތައް ދެއްކުން ހަ މަސް ދުވަހަށް ފަސްކޮށްދީފި ކަމަށް ބޭންކް އޮފް މޯލްޑިވްސް (ބީއެމްއެލް) އިން މިއަދު ބުނެފި އެވެ.
މި ހާލަތުގައި މާލީ އުނދަގޫތަކުން އަރައިގަތުމަށްޓަކައި އާންމުންނަށާއި ވިޔަފާރިތަކަށް އެހީތެރިވެދިނުމުގެ ގޮތުން ބޭންކް ލޯނުތައް ދެއްކުން ހަ މަހަށް ފަސްކޮށްދިނުމަކީ ސަރުކާރުގެ ހާއްސަ ފިޔަވަޅުތަކުގެ ތެރޭގައި ހިމެނޭ ކަމެކެވެ.
އެ ނިންމުމާ ގުޅިގެން ގައުމީ ބޭންކުން މިއަދު ނެރުނު ބަޔާނެއްގައި ބުނީ މި މަހުގެ 1 އިން އަންނަ ސެޕްޓެމްބަރު މަހުގެ ނިޔަލަށް ލޯނުތައް ފަސްކޮށްދޭން ނިންމާފައިވާ ކަމަށެވެ. ލޯނު ފަސްކޮށްދިނުމަށް އޮތް ހަމައެކަނި ޝަރުތަކީ ލޯނަށް ދައްކަން ޖެހި އެކަމަކު ނުދައްކާ އެއްވެސް ފައިސާއެއް ނެތުމެވެ. އޭގެ މާނައަކީ ލޯނު ފަސްކުރުމުގެ ފުރުސަތަށް އެދުމުގެ ކުރިން އެއްވެސް ޕޭމަންޓެއް ނުދައްކާ އޮތް ނަމަ، އެބައި ހަލާސްކުރުމެވެ.
ބީއެމްއެލުން ބުނީ ލޯނު ފައިސާ ދެއްކުން ފަސްކުރާ އިރު ހަ މަސް ދުވަހަށް އަރާ އިންޓްރެސްޓް ރޭޓް ވެސް ދައްކަން ނުޖެހޭނެ ކަމަށެވެ. ނަމަވެސް ހަ މަހަށް ފަހު ލޯނު އަނބުރާ ދައްކާ އިރު ފަސްކުރި މުއްދަތުގެ އިންޓްރެސްޓް، އެ ލޯނަކަށް އިތުރުވެ އެވެ. އިންޓްރެސްޓް ރޭޓަށް އެއްވެސް ބަދަލެއް ގެނެސްފައިނުވާނެ ކަމަށް ވެސް ބީއެމްއެލުން ބުންޏެވެ.
ލޯނު ދެއްކުން ހަ މަސް ދުވަހަށް ފަސްކުރުމުގެ އިތުރުން ދެން ޖެހިގެން އަންނަ ހަ މަސްދުވަހު، ކޮންމެ މަހަކު ދައްކަން ޖެހޭ މިންވަރުން 20 ޕަސެންޓް މަދުކޮށްދޭން ވެސް ބޭންކުން ވަނީ ނިންމައިފަ އެވެ. އެކަމަކު އެ މަދުކުރާ ބައި ވެސް ފަހުން ލޯނުގެ ތެރެއަށް އިތުރުވާނެ އެވެ.
ބީއެމްއެލުން ބުނީ ލޯނު ފަސްކުރަން ކޮންމެ ކަސްޓަމަރަކަށް ވެސް ވަކިވަކިން ލޯނާ ގުޅޭ މައުލޫމާތު ފޯރުކޮށްދީ، އެކަމަށް ފަސޭހައިން އެދެވޭނެ އިންތިޒާމް ވެސް ހަމަޖައްސައިދޭނެ ކަމަށެވެ. އޭގެ ބައެއްގެ ގޮތުން އޮންލައިންކޮށް ފޯމު ހުށަހެޅޭނެ ގޮތް އަންނަ ހަފްތާގައި ހަމަޖައްސާނެ ކަމަށް ވެސް ބޭންކުން ބުނެ އެވެ.
އެކަމަކު މިހާރު ދޭ ލުއިގެ ތެރޭގައި އަމިއްލަ ފަރުދުންނާއި ވިޔަފާރިތަކަށް ދޫކޮށްފައިވާ ކްރެޑިޓް ކާޑާއި އޯވާޑްރާފްޓް ފެސިލިޓީ ނުހިމެނެ އެވެ.
ލޯނު ފަސްކުރުމުގެ ފުރުސަތު އޮތް ނަމަވެސް މިހާރު ވެސް އޮންނަ އުސޫލުގެ ތެރެއިން ލޯނަށް ފައިސާ ދައްކަން ބޭނުންވާ މީހުންނަށް އެފުރުސަތު ބޭންކުން ވަނީ ހުޅުވާލައިފަ އެވެ.
ބީއެމްއެލް ނޫން އެހެން ބޭންކަކުން އެ ފުރުސަތު އަދި އިއުލާނެއް ނުކުރެ އެވެ.
ރާއްޖޭގައި ހިންގާ ބޭންކްތަކުން ދޫކޮށްފައިވާ ލޯނުގެ 45 ޕަސެންޓް ހިއްސާކުރަނީ ބީއެމްއެލުންނެވެ. އަނެއް 55 ޕަސެންޓް ބެހެނީ ދެން ހުރި ހުރިހާ ބޭންކަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޮޓްކިންގ
26 March 2020
ލޯނުދެއްކުން ފަސްކޮށްދީފިއޭކިޔާ ކީއްވެ އޮޅުވާލަން؟ ފަސްދީފިކަމަށް ބުނިއިރު އެކަމަށް އެދެންޖެހެނީކީއްވެ؟
ގެދޮރުނެތް މާލޭމީހާ
26 March 2020
ވަަރަށް ރަނގަޅެއްނު. އިންޓަރެސްޓް ހަަމަ ބަރާބަރަށް ނަގާ. އާޚިރުގަ ދައްކާ ޚަލާޞް ކުރަން ޖެހޭ މުޅި ޖުމްލަ ޢަދަދު ގިނަ ނުވާނެބާ? އެނގޭ ކުއްޖަކު ބުނެލަ ދީބަލަ?
ކެންދޫ
26 March 2020
ދެން އެލިއާ އިން ނެތްތަ ލުޔެއް؟؟؟
ކުލި ފްރީ
26 March 2020
ގޭގޭގެ ވެރިން ކުރިން ބުނީ ބޭންކުން ލުއިތަކެއް ދީފިއްޔާ ކުލި ކުޑަ ކޮށްދޭނަމާ. މިހާރު އެވެރިން ބުނަނީ ބޭންކުން ފަސްކޮށްދިނަސް އެ މީހުންކުރަންޖެހޭ އެތައް ބައިވަރު ކަމެއް ހުންނަކަމަށާއި ކުލި ކުޑަކޮށްދެވޭކަށް ނެތޭ. އެވެރިނަށް އެފައިދާވެސް. ކުއްޔަށް އުޅޭމިހާ ލިބުނު ފަސޭހަ ނެތް
ޙުށިޔާރު
26 March 2020
ޔާމިން ކަންކުރާ ގޮތާއި އިބޫ ސޯލިހު ކަންކުރާ ގޮތާ ވަކި ތަފާތެއް ނުވިޔެއްނު! ޢެބުނީ ނެގި ލޯނުތަކަށް 6 މަސް ފަހުން ފައިސާ ދޭއިރު 6 މަހަށް އެރި އިންޓަރެސްޓް ފައިސާ ވެސް ދޭން ޖެހޭ ވާހަކަވިޔަ! ރައްޔިތުންނަށް ޖެއްސުން ނުކުރޭ!!!!
ސެންޓޭ
26 March 2020
ތިހެންވެސް ހަދައިދީބަލަ ދޯ މިމަސް ނުނިމެނިސް މަސް ނިމޭއިރަށް ލޯނަށް ކަނޑާލާނޭ!!!!
ހަސަންބެ.
26 March 2020
ހެޔޮނުވާނެ . މަ ބޭނުމެއްނޫން. މަގޭލޯނު ނުކައިނުބޮއިވެސް މަދައްކާނެ. ތިޔަހުރިހައި މަސްމަހުގެ އިންޓެރެސްޓާއި 20 ޕަސެންޓަކާއި އެއްޗެއި މަސްހުނިގަޑެއްހަދައިގެން އެންމެފަހުން ލޯނުނިމޭއިރު އޮންނާނީ ބޮޑުއެއްޗެއް ދިރުވާލައިފައި.. ބޭންކުމީހުން ހަދާ ހިސާބުހަމަ އެކަނިއެގޭނީ އެމީހުންނަށް.
އީސަ
07 April 2020
ރަނގަޅު ވާހަކައެއް.06 މަސް ލަސްކޮށްފިއްޔާ ލޯނު ނިމޭއިރު 06 މަހު ދައްކަންޖެހޭވަރުގެ 06 ގުނަ އިތުރަށް ދައްކަންޖެހިފަ އޮންނާނީ.ދިވެހި ރައްޔިތުނަށް އޮޅުވާލައިގެން އެއުޅެނީ އަނެއްކާވެސް ލާރި ކޮޅެއް ދިރުވާލަން.ރައްޔިތުން ހަމަ ފެލަނީ.ހަތަރު ލައްކަ ނެގީމަ 07 ލައްކަ ދައްކަން ޖެހޭ.%18ޕަސެންޓް އިންޓަރެސްޓް.ކީއްކުރާނީދޯ..
ބުލަޑް ހެޑްކުއާޓަރ
26 March 2020
މިއޮތީ ވަރަށް ބޮޑުތަނުން ރައްޔިތުންނަށް ހެޔޮއެދިފަ! ލޯނު ދެއްކުން މަޑުޖައްސާލަ ދިނުމަކީ މިއީތޯ! 6މަސްދުވަހުގެ އިންޓަރެސްޓް އަލުން ބަހާލައިގެން ދައްކަންޖެހުމަކީ މިހާ ބޮޑެތި އިންޓަރެސްޓް ނަގައިގެން ދޫކޮށްދައިވާ ލޯނުތައް ނެގި ފަރާތްތަކަށް ވަރަށް ބޮޑު ތަކްލީފަކަށް ނޫނީ ނުވާނެ ނޫންތޯ! Bankofmaldives
ޖައްބުރު
26 March 2020
މަރުކަޒީ ބޭންކް އަދި އެތަނުގެ ގޮރުނޮދޯރު ހާޝިމް ވަނީ ނިދާފަ! ފާޑެއްގެ ސިނގު ރުޅިއެއް އައިސަ ހުންނަ މީހެއް.
އަރިމަތީސުރުޚީ
26 March 2020
ތިޖަހާ ސަކަރާތް ނިކަން ދެކިބަލަ މުޞީބާތުގެ ވަގުތަށް ފަސްކުރިއްޔޭ ބުނެ ފަސްކުރި ހަމަސްދުވަހަށްވެސް އިންޓަރެސްޓް ނަގާގޮތަށް މީ މިކަމުންވެސް ފައިދާ ނެގުން ނޫންބާވައެވެ މިކަހަލަ ދަނޑިވަޅެއްގައި ކުޑަކޮށްލިޔަތީވެ 20% ވެސް އަނެއްކާ ހަމަ ބަހާލައިގެން ނަގާ ބޮޑު ޗަރުކޭސް ގަނޑަކަށް ތިކަން ހެދުން އެއީ އަޑުއަހަންވެސް ބޭނުންނޫން ވާހަކަތަކެވެ އިހުވެސް ދައްކަމުން އައިގޮތަށް ދެއްކުން އެއްވެސް ލުޔެއް ދިނުމަށް ބީއެމްއެލްއަށް ހިތްފަސޭހަ ނުވާނެ މާޟީގަ ހަމައެފަދަ