ރާއްޖޭގެ ބޯޑަރު ބަންދު ކުރުމުގެ ކުރިން ޓޫރިސްޓުންތަކެއް ވެލާނާ އިންޓަނޭޝަނަލް އެއާޕޯޓުގައި-.-- ފޮޓޯ:މިހާރު
20 ޖޫން 2020 - 10:37
17 comments
ދެކުނު އޭޝިއާ ސަރަހައްދުގެ ގައުމުތަކުގެ ތެރެއިން މި ވަގުތު ޓޫރިސްޓުންނަށް އެންމެ ރައްކާތެރި ގައުމަކީ ރާއްޖެ ކަމަށް ޖަރުމަނުން ބުނެފި އެވެ.
އެ ގައުމުގެ ސަރުކާރުން ވަނީ ޖަރުމަނުގެ ޓޫރިސްޓުން މި ވަގުތު ދިޔުން ރައްކާތެރި ނޫން ގައުމުތަކުގެ ލިސްޓެއް ނެރެފަ އެވެ. އެ ލިސްޓުގައި ދެކުނު އޭޝިއާގެ ގައުމުތަކުގެ ތެރެއިން ރާއްޖެ ފިޔަވައި އެހެން ހުރިހާ ގައުމެއް ހިމެނެ އެވެ.
ޖަރުމަނުން ނެރުނު ލިސްޓުގައި ހިމެނޭ ގައުމުތަކަށް ޒިޔާރަތް ކުރާ ޓޫރިސްޓުން އެނބުރި ގޮސް 14 ދުވަސް ވަންދެން ކަރަންޓީނުގައި ތިބެން ޖެހޭނެ އެވެ. ނަމަވެސް އެ ލިސްޓުގައި ނެތް ގައުމުތަކުން ދާ މީހުން ކަރަންޓީނެއް ނުކުރާނެ އެވެ.
The German government has published a list of places it considers 'coronavirus risk areas'.
— Ali Waheed (@ali20waheed) June 19, 2020
Maldives is among the few countries in the world, and the only country from the region that is not on the list.
Together we will prevailhttps://t.co/4YK4s5f3s3https://t.co/4YK4s5f3s3
ޓޫރިޒަމް މިނިސްޓަރު އަލީ ވަހީދު ރޭ ކުރެއްވި ޓްވީޓެއް--
ކޮވިޑް-19އާ ގުޅިގެން ދަތުރު ކުރުން ރައްކާތެރި ނޫން ގައުމުތައް ޖަރުމަނުން ކަނޑައަޅަނީ ޕޮޒިޓިވް ވެފައިވާ މީހުން ނިސްބަތުން ގިނަ ގައުމުތަކެވެ. މީގެ އިތުރުން ޓެސްޓް ހެދޭނެ ރަނގަޅު ވަސީލަތްތައް ނެތުމާއި ކޮވިޑް-19އާ ދެކޮޅަށް އަޅާ ފިވަޅުތައް މަދު ގައުމުތައް ވެސް މީގެ ތެރޭގައި ހިމެނެ އެވެ.
ކޮވިޑް-19އާ ގުޅިގެން ތިން މަސް ދުވަސް ވަންދެން ރާއްޖޭގެ ޓޫރިޒަމް މަޑުޖެހިފައި އޮތް ނަމަވެސް ޖުލައި މަހު ޓޫރިސްޓުންނަށް ރާއްޖެ ހުޅުވާލަން ސަރުކާރުން އަންނަނީ ތައްޔާރުވަމުންނެވެ. އެކި ގައުމުތަކުން ގިނަ އަދަދެއްގެ ޓޫރިސްޓުން މިހާރު އަންނަނީ ރާއްޖޭގައި ޗުއްޓީ ހޭދަކުރުމަށް ބުކިން ހައްދަމުންނެވެ.
ޖަރުމަނުގެ އިތުރުން ރާއްޖެ އަށް ޒިޔާރަތް ކުރާ ޓޫރިސްޓުންނާއި ޓްރެވެލް އޭޖެންސީތަކުން ވެސް ވަނީ ރާއްޖެއަކީ މި ވަގުތު ރައްކާތެރި ގައުމެއް ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައިތު
20 June 2020
ރާއްޖޭން ކަންކުރި ގޮތަށް އެއްވެސް ގައުމަކުން ނުކުރޭ. ސިންގަޕޫރު އޮސްޓްރޭލިޔާއިންވެސް އެތާގައި ތިބި ބޭރުމީހުން ބޭރުކުރަން އުޅުނީ. ރާއްޖޭގެ ބަޖެޓް ދުއްވާލީ ބޭރުމީހުންނަށް.
ައަމީން
20 June 2020
މައިމޫނާ އެނދުމަތި ކުރަން ޖެހުނީ މިހަބަރު ކިޔާފަތަ؟
ގައުމީ ލޯބީގާ
20 June 2020
ކޮންމެ ކަމެއްގައިވެސް މެޑަލް ޖަހަން ހުންނާނީ އަލީ ވަހީދު. އެކަމަކު އެންމެ ސޭފް ގައުމެއް ގޮތުގައި ރާއްޖެ ކަނޑައެޅި ގެންދާނީ ކޮވިޑްއާ ގުޅިގެން ހެލްތު މިނިސްޓްރީއިން ހޯދާފައިވާ ކުރިއެރުމާއި، އަޅާފައިވާ ރަނގަޅު ފިޔަވަޅުތަކުގެ މައްޗަށް ބިނާކޮށްކަން ދުނިޔޭގެ އެންމެންވެސް ގަބޫލުކުރާނެ. ދުއާ އަކީ ހެލްތު މިނިސްޓަރު އަމީންއާއި ޑީޖީ މައިމޫނާ ގައުމަށް ކޮށްދެއްވަމުން އެ ގެންދަވާ އަގުހުރި މަސައްކަތުގައި ﷲ ބަރަކާތް ލެއްވުން.
ޝޮކްތެރަޕީ
20 June 2020
މިސަރަހައްދުގަ ދައުލަތުގެ ހަޒާނާއިން ބަދަލުދިނުމުގެ ޒަމާނީ ވައްކަން ކުރަނީ ރާއްޖޭގަ.
ޑޮންޑޮން މަތި
20 June 2020
ސަރުކާރުގެ ދޯހަޅިކަމުން މިނިސްޓަރަކަށްވެސް މާބޮޑުކަމެއް ނުކުރެވޭނެ. މިނިސްޓޜަށްވެސް އެނގޭއަބަ މާބާރަށް ތަޅެނިވިއްޔާ ހަޅުނބު ބާލަން މަޖިލީހަށް ހާޟިރުކޮށް ހެކިދައްކަން ހުށަހަޅާފާނެކަން.
ބޮޑުމީހާ
20 June 2020
ރާއްޖެވަރުގެ މަންޒިލެއްނެތް ކޮރޯނާގެ ކުރިންވެސް ފަހުންވެސް ﷲގެ އިރާދަފުޅުން މިކަން މިގޮތުގައި އޮންނާނެ. އެކަމަކު މިކަމުގެ ފޮނިމީރުކަން އާއްމު ދިވެހި ރައްޔިތުމީހާ އަށް ލިބެނީ ކިހާވަރަކަށްބާ! އައިލެންޑް އޭވުއޭޝަން ދަރަނީގަ ހިންގާއިރު އެތާ ބައެއް މުވައްޒަފުންނަށް ލައްކައިން މުސާރަ ދޭއިރު ޓޫރިޒަމް ދާއިރާގައި އުޅޭ ދިވެހިންނަާށް ކުރާ މަސައްކަތާ އެކަށީގެންވާ މުސާރައެއް ލިބޭބާ!
ެރިނީ
20 June 2020
ކިހާ ފައިސާއެއް ދިންބާ ތިހެން ބުނަން. ހަމަގައިމުވެސް ލަންކާ މާރައްކާތެރި. އަޅެ ވޯރލްޑް ހެލްތު ގެ ލަފައެއް އަހާލަބަލަ؟
ސުޕް
20 June 2020
ތިއީ ބަޔަކު ނުބުންޏަސް އެންމެނަށް އެނގޭކަމެއް. ސަރަހައްދުގަ އެކަންޏެއްނޫން މުޅި ދުނިޔެއިންވެސް ތިކަމުގައި ރާއްޖެ އެކެއް ހޯދާނެ.
ހައްޖަ
20 June 2020
އިންޝާﷲ
ކަތްދަަ
20 June 2020
ރާއްޖޭގެ ގުދުރަތީ ރީތި ކަމަކީ އަބަދުވެސް ދުނިޔޭގެ މަޝްހޫރު ވާހަކައެއް. އެކަަމަކު ހިތާމަކުރަނީ މިއަދު މިކަންތަކާ ހަވާލުވެގެން ހުރީ އެހާ ފަސްބައި ރީތި މީހަކަށް ނުވާތީ. އަލީ ވަހީދަކީ އިސްތިއުފާ ދޭންޖެހޭ މީހެއް.
ފަހުދު
20 June 2020
ހަމަ އެ ވެބްސައިޓްގަ އެބައޮތް އީޔޫ ގައުމުތައް ނޫން އެހެންްގައުމުތަކައް ދަތުރުފަތުރު ކުރުން އޯގަސްޓް 31އާއި ހަމައައް ހުއްދަނޫން ވާހަކަވެސް. އެބަދަލު ގެނެސްފައި ވަނީ މީގެ ހަފްތާއެއްކުރިން
ރޮމޭ
20 June 2020
ޖުލައި 1ގަ ބޯޑަރު ހުޅުވަމޭ ބުނުން ފިޔަވައި އަދި އެއްކަމެއްވެސް ނުކުރެވޭ މިއަދު މިއީ 20 ޖޫން. ކޮބައިތޯ ނިއުނޯމަލް ގައިޑްލައިންސްއަކީ ޕްރޮސީޖާތަކަކީ. އެއާލައިންތަކާ ބޭރުގެ ޓުއާއޮޕަރޭޓާރުންނާ މިތަނަށް އަންނަ ގެސްޓުން އިރުއިރުކޮޅާ ރިސޯޓްތަކުގެ ރިޒަވޭޝަންސްއަށް ގުޅަނީ. ދޭނެ ޖަވާބެއް ނެތް. ވީ އާ ވެއިޓިން ފޯ ދަ ގަވާމެންޓޭ ބުނުން ފިޔަވައި އަހަރުމެން ދޭނެ ޖަވާބެއް ނެތް. ތަންކޮޅެއް ޕްރޮއެކްޓިވް ވެބަލަ ކަލޭމެން.
ބުމަރު
20 June 2020
ކެއްކޮއްބަލަ..
Saim Seed
20 June 2020
އައްޔަ ކޮންކަމެއް ނުކުރަނީ. މަހްޖަނަކަށްވީ ކަމެއް ނުކޮށްތައް
ޑިމޮކްރެސީގެ އައްޕަ
20 June 2020
ރަނގަޅު. ކުއްލިއަކަށް ފަހު ވަގުތު ނެރޭ ގައިޑްލައިނަކުން ކުރާނެ މާބޮޑު ފައިދާއެއް ނޯންނާނެ. ގެއްލުންވާނީ. މަޖްލީސް މެމްބަރުންނާއި ކޯޅެން ވެސް ޖެހޭނެ. ރައްޔިތުން ބަސް ވެސް ބުނާނެ.