ވިޔަފާރި / ދައުލަތުގެ ބަޖެޓް 2022

މިނިމަމް ވޭޖާ ތަންފީޒުކުރަން 500 މިލިއަން ރުފިޔާ ހޭދަވާނެ

މިނިމަމް ވޭޖް ތަންފީޒު ކުރަން 500 މިލިއަން ރުފިޔާ ހިމަނާފައިވޭ--

ފާތިމަތު ޝަނާ މުހައްމަދު، މިހާރު

31 އޮކްޓޯބަރ 2021 - 11:02

3 comments

މިނިމަމް ވޭޖާއި މުސާރައިގެ ހަމަހަމަކަން ގެނައުމަށް ދައުލަތުގެ ބަޖެޓަށް އިތުރު 500 މިލިއަން ރުފިޔާ ކަނޑައަޅައިފި އެވެ.

ބަޖެޓުގައިވާ ގޮތުން މިނިމަމް ވޭޖުގެ ގޮތުގައި މިނިމަމް ވޭޖް އެޑްވައިޒަރީ ކައުންސިލުން ލަފާ ދީފައިވާ މުސާރަ އާއި ފިކްސްޑް އެލަވަންސް މަހަކަށް 7،000ރ. ކަނޑައަޅައިފި ނަމަ ސީދާ ގޮތެއްގައި މިނިމަމް ވޭޖް ދިނުމަށް 163 މިލިއަން ރުފިޔާ ހަރަދުވާނެ ކަމަށް ލަފާކޮށްފައިވެ އެވެ. ބާކީ ބައި ހިމެނޭނީ ޕޭ ހާމަނައިޒޭޝަންގެ ދަށުން ދައުލަތުގެ އިދާރާތަކުގައި މަސައްކަތްކުރާ ފަރާތްތަކުގެ މުސާރައިގެ ހަމަހަމަކަން ގެނައުމަށެވެ.

އަންނަ އަހަރު ޓީޗަރުންގެ މުސާރަ ބޮޑުވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ ވިދާޅުވެފަ އެވެ. އެހެންކަމުން މުސާރައިގެ ހަމަހަމަކަން ގެނައުމުގެ ގޮތުން ޓީޗަރުންގެ މުސާރަ އިތުރުވާނެ ކަމަށް ބެލެވެ އެވެ.

އަންނަ އަހަރަށް ސަރުކާރުން ލަފާކުރާ ބަޖެޓުގައިވާ ގޮތުން މުވައްޒަފުންގެ މުސާރައިގެ މިންގަނޑު އެއް ހަމަކޮށް މިނިމަމް ވޭޖް ތަންފީޒުކުރުމުގެ މަސައްކަތް ކުރަނީ ކުރިއަށް ތިން އަހަށް ބަހާލައިގެންނެވެ. އަންނަ އަހަރަށް 500 މިލިއަން ރުފިޔާ ކަނޑައެޅި އިރު 2023 ވަނަ އަހަރު މިކަމަށް 750 މިލިއަން ރުފިޔާ ކަނޑައަޅާފައިވެ އެވެ. އަދި 2024 ވަނަ އަހަރަށް އެއް ބިލިއަން ރުފިޔާ ކަނޑައަޅަން ވަނީ ޕްލޭންކޮށްފަ އެވެ.

ބަޖެޓުގައިވާ ގޮތުން އަންނަ އަހަރަށް ހިމަނާފައި ވަނީ ވާނީ މި ވަގުތު މަސައްކަތްކުރަމުންދާ މުވައްޒަފުންނަށް ހިނގާ ހަރަދަށް އިތުރުވާ ބައެވެ. މި ވަގުތު ދައުލަތުގެ ބަޖެޓުން މުސާރަ ދޭ ފަރާތްތަކުގެ ތެރެއިން ގިނަ ފަރާތްތަކެއްގެ އުޖޫރަ މިނިމަމް ވޭޖް ތަންފީޒުކުރުމާ އެކު މަތިވާނެ އެވެ.

އަންނަ އަހަރުގެ ބަޖެޓުގެ 67 ޕަސެންޓަކީ ރިކަރެންޓް ހަރަދެވެ. މިހާ ބޮޑަށް ރިކަރަންޓް ހަރަދު ބޮޑުވާ އެއް ސަބަބަކީ މިނިމަމް ވޭޖް ތަންފީޒު ކުރުމަށާއި މުސާރައިގެ ހަމަހަމަކަން ގެނައުމަށް ކުރާ މަސައްކަތް ފެށުން ކަމަށް ފިނޭންސް މިނިސްޓްރީން ބުނެފައިވެ އެވެ.

ދައުލަތުގެ ބަޖެޓް އެންމެ ކުޑަ އުޖޫރަ ދައުލަތުގެ ބަޖެޓް 2022 ފިނޭންސް މިނިސްޓްރީ

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނޫކަށިފުރާ ޒުވާނުން

31 October 2021

މިނިމަމް ވޭޖް ތަންފީޒުކުރުމަށް ހޭދަވަނީ 500 މިލިއަން ރުފިޔާނަމަ، މުވައްޒިފުންގެ މުސާރަ (އިނާޔަތް ނުލާ) ބޮޑު ކުރުމާއި އެކު ޕެންޝަން އަށް ދައްކަން ޖެހޭ އަދަދު ބޮޑުވެގެން ދޭ. ވަކިވަކި މުވައްޒިފުންގެ އަތުން ނެގޭ އަދަދު ކުޑަކަމުގައި ވިޔަސް، ޖުމްލަ ގޮތެއްގައި ދައުލަތަށް ބޮޑު އަދަދެއްލިބޭނެ. ސާވިސް ޗާޖް އެކައުންޓަށް ރޯލްކުރެވޭގޮތަށް ވުމާއި އެކު އިންކަމް ޓެކްސްގެ ބްރެކެޓް ތެރެއަށް ކިތަށް މީހުން އިތުރުވާނެތޯ؟ މިމަގުން ސުވާލުކޮށްލުން ރަނގަޅު ކަމަށް ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

31 October 2021

500 މިލިޔަން އިތުރުވުމަކީ އަސްލު ބުރައެއްނޫން ބޮލެއްހުރިމީހެއްގެ ވިސްނުމުން ވިސްނަންޏާ. ސަބަބަކީ މިނިމަންވޭޖުގެ ސަބަބުން އިތުރުވާބައި އަނބުރާ ވަދެގެންދަަނީ ދިވެހި އިގްތިސާދުގެތެރެއަށް. ބަނގުލަދޭޝްގެ އިގްތިސާދުގެތެރެއަކަށްނޫން.