މުނިފޫހިފިލުވުން / ގައުމީ ފިލްމް އެވޯޑްސް

10 އެވޯޑާ އެކު އެންމެ މޮޅު ފިލްމަކަށް "ލޫދިފާ"

އެންމެ މޮޅު އެކްޓަރަކަށް ހޮވުނު ކޮޕީ އިއްސެ (ވ) އެވޯޑާ މިރޭ ހަވާލު ވަނީ.---މިހާރު ފޮޓޯ: ނިޝާން އަލީ

އަހުމަދު އަދްޝަން، މިހާރު

22 ޑިސެމްބަރ 2016 - 00:05

ހަތް ވަނަ ގައުމީ ފިލްމް އެވޯޑްސްގެ އެންމެ މޮޅު ފިލްމަކަށް 10 އެވޯޑާ އެކު، ހުސައިން ނޫރައްދީން ޕްރޮޑިއުސްކޮށް، މޫމިން ފުއާދު ޑައިރެކްޓް ކުރި "ލޫދިފާ" މިރޭ ހޮވިއްޖެ އެވެ.

މި ފިލްމުން އެންމެ މޮޅު ޑައިރެކްޓަރުގެ އެވޯޑް މޫމިން އަށް ލިބުނުއިރު، އެންމެ މޮޅު އެކްޓަރަށް ހޮވުނީ "ލޫދިފާ" އިން އިސްމާއީލް ރަޝީދު (ކޮޕީ އިއްސެ) އެވެ. އެންމެ މޮޅު ބަތަލާއަކީ ހަމަ އެ ފިލްމުން މަރިޔަމް އަފީފާ (އަފީ) އެވެ.

ދެހާސް އެގާރަ ވަނަ އަހަރު ބެލުންތެރިންނާ ހަމައަށް އައި "ލޫދިފާ" ޖުމްލަ 19 ކެޓަގަރީއަކުން އެވޯޑަށް ވާދަ ކުރި އެވެ.

"ލޫދިފާ" ގެ އެވޯޑްތަކުގެ ތެރޭގައި:

* އެންމެ މޮޅު ސަޕޯޓިން އެކްޓަރު: ރަވީ ފާރޫގް

* އެންމެ މޮޅު ސަޕޯޓިން އެކްޓްރެސް: ފާތުމަތު އާޒިފާ (އަޒޫ)

* އެންމެ މޮޅު ސްކްރީންޕްލޭ: ލޫދިފާ

* އެންމެ މޮޅު އޮރިޖިނަލް ސޯންގް: މުހައްމަދު ފުއާދު (ފޯޑް)

* އާޓް ޑައިރެކްޝަން

* އެންމެ މޮޅު ކޮސްޓިއުމް

އެންމެ މޮޅު ސަޕޯޓިން އެކްޓަރަކަށް ހޮވުނު ރަވީ (ވ) އެވޯޑާ ހަވާލު ވަނީ---މިހާރު ފޮޓޯ: ނިޝާން އަލީ

"ލޫދިފާ" ގެ އިތުރުން ހަތް ވަނަ ގައުމީ ފިލްމް އެވޯޑްސްގައި ދެން އެންމެ ގިނަ އެވޯޑް އުފުލައިލީ ޖުމްލަ 16 ކެޓަގަރީއަކުން ވާދަ ކުރި ޑާކް ރެއިން އެންޓަޓައިޓްމަންޓްގެ 3ޑީ ބިރުވެރި ފިލްމް "ފަތިސް ހަނދުވަރުގެ ފެށުން" އެވެ.

"ފަތިސް ހަނދަވަރުގެ ފެށުން" އަށް ލިބުނު އެވޯޑްތައް:

* އެންމެ މޮޅު އަންހެން ލަވަ ކިޔުންތެރިޔާ: ޝިފާ ތައުފީގް

* އެންމެ މޮޅު މޭކަޕް: ހަސަން އާދަމް (މޭކަޕް ހަސަން)

* އެންމެ މޮޅު ސައުންޑް މިކްސިން: އަލީ ޝިފާއު

* އެންމެ މޮޅު ސައުންޑް އެެޑިޓިން: އަލީ ޝިފާއު

* އެންމެ މޮޅު ވިޝުއަލް އިފެކްޓްސް: އަހުމަދު ޝިނާން

އެންމެ މޮޅު ބަތަލާއަކަށް ހޮވުނު އަޒޫ (ވ) އެވޯޑާ ހަވާލު ވަނީ---މިހާރު ފޮޓޯ: ނިޝާން އަލީ

މިރޭގެ އިތުރު އެވޯޑްތައް:

* އެންމެ މޮޅު ފިރިހެން ލަވަ ކިޔުންތެރިޔާ: މުހައްމަދު އަބްދުލް ޢަނީ (ހިތް ޔާރާ ދީފާ)

* އެންމެ މޮޅު ޅެން: މުހައްމަދު އަބްދުލް ޢަނީ (މި ހަށިން ފުރާނަދަންދެން)

* އެންމެ މޮޅު ސިނަމަޓޮގްރީ: ހުސައިން މުނައްވަރު (ސަޒާ)

* އެންމެ މޮޅު އެޑިޓިން: އަލީ މުސްތޮފާ (ސަޒާ)

* އެންމެ މޮޅު ބެކްގްރައުންޑް ސްކޯ: މުހައްމަދު އިކްރާމް (ސަޒާ)

* އެންމެ މޮޅު ކޮރިއޮގްރަފީ: ރަވީ ފާރޫގް (މި ހަށިން ފުރާނަދަންދެން)

މިރޭގެ އެވޯޑް ހަފުލާ ނިންމާލިއިރު، 2014 ވަނަ އަހަރުގެ ސާކް ފިލްމް ފެސްޓިވަލުން ބްރައުންޒް މެޑަލް ހޯދި ރަވީ ފާރޫގުގެ "އިނގިލި" އަށް އެއްވެސް އެވޯޑެއް ނުލިބެ އެވެ.

ހަތް ވަނަ ގައުމީ ފިލްމް އެވޯޑްސްގައި ލައިފްޓައިމް އެޗީވްމަންޓް އެވޯޜް ދީފައި ވަނީ މިހާތަނަށް 49 ފިލްމް ބެލުންތެރިންނާ ހަމައަށް ގެނެސް ދީފައިވާ އަމްޖަދު އިބްރާހީމް (އަމްޖޭ) އަށެވެ.

ގައުމީ ފިލްމް އެވޯޑްސް ދިވެހި ފިލްމް އިންޑަސްޓްރީ

11 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢައްޔަ

24 December 2016

ލޫދިފާ އަކީ ބައިވެރިކޮށްފައިވާ އެހެން ފިލްމް ތަކާއި ޚިލާފަށް މިހާރު މި މުޖުތަމަޢުގައި ހިނގާ ކަންކަމަށް ބަލާލާ އުފައްދާފައިވާ ފިލްމަކަށްވެފައި، އެފިލްމްގައި އެކްޓްކޮށްފައިވާ ހުރިހާ އެކްޓަރުންގެ ވެސް އެކްޓިންގ މޮޅު ފިލްމަކަށްވާއިރު މިއީ ދިވެހި ފިލްމް އެވޯޑަކަށްވެފައި، މިއީ އަދި ގައުމީ އެވޯޑަކަށްވާތީވެ، އެވޯޑްތައް އެފިލްމަށް ޙައްޤުކަމަށް ފިލްމް ބެލި މީހެއްގެ ހައިސިއްޔަތުން އަޅުގަނޑު ދެކެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމު އިދްރީސް

22 December 2016

އަފީފާ ފިލްމީ ދާއިރާ ދޫކޮށްލީ ތޯ ސުވާލު ކޮށްލުން ރަނގަޅުވާނެ. އެންމެ ފަހުފަހަރަކަށްވެސް އޭނާ އެވޯޑް ލިބޭތީ ނުދިޔައީ ކީއްވެގެންކަން އޮޅުންފިލުވާލުން ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސްމީ

22 December 2016

މިހަށިން ފުރާނަ ދާންދެން އަކީ އެންމެރީތި ފިލްމު އެކަމަކު އެފިލްމް މޮޅު ފިލްމަށް ނޮމިނޭޓް ވެސް ނުވި . އެކްޓަރުގެ މަގާމަށްވެސް ނުވި. ވަރަށް ބޮޑަށް ވަކި ކޮޅަކަށް ޖެހިފަ އޮތް އެވޯޑެއް ތިޔައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަކް

22 December 2016

އަޒޫ ލާފަ ހުރި ހެދުން ވަރަށް ހަޑި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަޒްފާ

22 December 2016

ވަރައްދެރަ ދިވެހި ބަހުން ގައުމީ އަވޯޑްސް ޖަހާލަންވެސް ނުކެރުނު ދޯ. ކޮބާ އެކެޑެމީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދީނި

22 December 2016

އެހެރަ ހެދުމެއްދޯ!....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު

22 December 2016

ކިހާދެރަދޯ. ހުތުބާކިޔާމީހުންނަށް ތި އެވޯޑު ދޭންފެނޭ. އެކަމަކު ހުތުބާތަައްދޯ އަތުލަނީ ކިހާ ދެރަ. ޢެވަރުން ނުވެ ތުނބުޅި ދިގުމީހުންގެ ތުނބުޅި ތަކުގައި ސޯސްދޯ އުނގުޅަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްހައްހާ

22 December 2016

ސާކް ކީއްކުރަން، ބޮލީ ވުޑް ބޮލީ ވުޑްގެ މީހުންނަށްވެސް ނޭގޭނެ ރާއްޖެއާއި އެއްވަރަށް ޖަޖްކޮއްލަން. ކޮންމެ ދިމާލަކަށް ބެލިޔަސް ޖަޖްކުރުމުގައި ރާއްޖެ މިހާރު މިދަނީ ނަމޫނާ ދައްކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ ފޭދޫ

22 December 2016

ފިލްމީ ހަފްލާއަކަށް ވުރެ ބޮޑަށް ހީވަނީ ސަރުކާރު ޕާރޓީ ހަފްލާއެއް ހެން. ސަރުކާރުގެ ވެރިން ޕްރޮމޯޓްވާން މުޅި ސަރުކާރު އެތާ. ސިޔާސީ ކަމުން ތި ހަފްލާ ނުބަލަން. ރައްޔިތުން އެކި ތުހުމަތުތައް ކުރާ ނަފްރަތު ކުރާ ސިޔާސީ މީހުން ބަލާކަށް ނޫން ފިލްމް އެވޯޑްސް ބަލަން ޓީވީ ހުޅުވީ. ފިލްމީ ތަރިންނަށް ވުރެ ފެނުނީ ސިޔާސީ މީހުން. ސަރުކާރު ހަފްލާ.