ޕްރިޔަންކާ (ކ) ރާއްޖެއަށް ކުރި ދަތުރުގައި ސުނީޔާއާ އެކު ސްޓޭޖްގައި
19 އެޕްރީލް 2017 - 05:58
9 comments
މަޝްހޫރު ނެށުންތެރިޔާ ސުނީތާ އަލީ (ސުނީ) ސިލްސިލާކޮށް ގެނެސްދޭ ލަވަ ވީސީޑީ "ހިތް ދީވާނާ 7" ގެ މަސައްކަތް ފަށައިފި އެވެ.
މި ސިލްސިލާގެ ދަށުން އޭނާ އެންމެ ފަހުން ސީޑީއެއް ނެރުނީ 2013 ގަ އެވެ. އެކަމަކު 2014 ގައި "ސުނީ ސްޕެޝަލް" ގެ ނަމުގައި އާ ލަވަތަކެއް ބެލުންތެރިންނާ ހަމައަށް ގެނެސް ދިނެވެ.
ސުނީ ބުނީ ދެ އަހަރެއްހާ ދުވަހުގެ މެދުކެނޑުމަކަށް ފަހު، އޭނާގެ ލަވަތައް ހިމެނޭ ސީޑީއެއް މި ފަހަރު ގެނެސްދޭ އިރު، ވީސީޑީ ހާއްސަކޮށްފައި ވަނީ އޭނާގެ އައިޑޮލް އަދި ބޮލީވުޑްގެ މަޝްހޫރު ބަތަލާ ޕްރިޔަންކާ ޗޯޕްޅާއަށެވެ.
އެހެންވެ ސީޑީގެ ނަމަކަށް މި ފަހަރު ހަމަޖައްސައި ވަނީ "ޕްރިޔަންކާ ސްޕެޝަލް: ހިތް ދީވާނާ 7" އެވެ.
ޕްރިޔަންކާގެ ހާއްސަ ފޭނެއްގެ ގޮތުގައި ބޮޑު ސަމާލުކަމެއް ހޯދާފައިވާ ސުނީ ބުނީ މި ފަހަރުގެ ސީޑީގައި 10 ލަވަ ހިމެނޭނެ ކަމަށެވެ. މީގެ ތެރޭގައި މޯލްޑިވިއަން އައިޑޮލް ސީޒަން އެކެއް ކާމިޔާބު ކުރި ލައިޝާ ޖުނައިދު ކިޔާފައިވާ ލަވައެއް ވެސް ހިމެނެ އެވެ.
ސުނީތާ ދާދި ފަހުން އިންޑިއާގެ ޖީކިއު މަޖައްލާ އަށް ދިން އިންޓަވިއުގެ ތެރޭގައި ހިމެނޭ ފޮޓޯއެއް.
ލަވަތަކުގެ ރެކޯޑިން މިހާރު ކުރިއަށްދާ އިރު، ފުރަތަމަ ލަވައިގެ ޝޫޓިން އަށް އަންނަ މަހު އޭނާ ސްރީ ލަންކާ އަށް ފުރާނެ އެވެ.
"މި ލަވަވެގެން ދާނީ ސީޑީގައި ހިމެނޭ ލަވަތަކުގެ ތެރެއިން ޝޫޓް ކުރާ ފުރަތަމަ ލަވައަށް. ރާއްޖޭގައި މީގެ ގިނަ ލަވަތައް ޝޫޓް ކުރާނީ،" މިދިޔަ އަހަރު "ސުނީތާ އޯ މައި ޑާލިން" ގެ ނަމުގައި އަމިއްލަށް ލަވަ ކިޔައި، ވީޑިއޯ ނެރުނު ނެށުންތެރިޔާ ބުންޏެވެ.
"ސުނީ ބުނީ "ހިތް ދީވާނާ 7" މި ފަހަރު ޕްރިޔަންކާ އަށް ހާއްސަ ކުރާތީ، ސީޑީގެ ގިނަ ލަވަތަކުގެ އަންހެން ފަންނާނެއްގެ ގޮތުގައި އޭނާ ފެނުން ގާތް ކަމަށެވެ.
"ޕަރިޔަންކާގެ ޓީމާ ވެސް ވާހަކަ ދައްކައި އެ މީހުންގެ ލަފަ އާއި އިރުޝާދުގެ ދަށުން މި ފަހަރު މީތި މި ހަދަނީ ވެސް،" އެކި މީހުން ލައްވައި ލަވަތައް ޑައިރެކްޓް ކުރާ ސީޑީއާ ބެހޭ ގޮތުން އޭނާ ބުންޏެވެ.
"ދެން ބޮޑަށް ބަލާނީ ލަވަތަކުގެ އެކްޓަރުންނަށް އާ ކުދިން ގެންނަން. ބޮޑަަށް ނެށޭ ކަހަލަ ކުދިންނަށް އަސްލު އިސްކަން ދޭނީ. މީގައި ބޮޑަށް ހުންނާނީ ހަމަ ސުނީއާ އެކު ނަށާ ކަހަލަ ލަވަތައް،" ސުނީ ބުންޏެވެ.
އޭނާ ބުނީ "ޕްރިޔަންކާ ސްޕެޝަލް: ހިތް ދީވާނާ 7" ނެރޭނެ ދުވަހެއް އަދި ނުނިންމާ ކަމަށެވެ.
"އުންމީދަކީ މި އަހަރު މީތި ބެލުންތެރިންނާ ހަމައަށް ގެނެސް ދިނުން،" އަމިއްލަ އަށް ހަރަދުކޮށްގެން ހަދާ ލަވަތަކާ ބެހޭ ގޮތުން ސުނީ ބުންޏެވެ. "ހިތް ދީވާނާއަކީ އަސްލު ވިޔަފާރިއަކަށް ވުރެ ބޮޑަށް، ފޭނުންނަށް ސުނީގެ ފަރާތުން ދޭ ހަދިޔާއެއްގެ ގޮތުގައި ހަދަމުން އަންނަ އެއްޗެއް. މީތި ގެނެސް ދޭން މިހާރު ވެސް ވަރަށް ގިނަ ފޭނުން އެބަ ރެކްއެސްޓް ކުރޭ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު ހަސަން
21 April 2017
ހަމަ އަސްލުވެސް ސުނީގެ ލަވަތަކަށް ވީޑިއޯ ލަވަ އެއްގެ ދަރަޖައެއް ވެސް ނުދެވޭނެ. އެހާވެސް ކުޅޭ ކުޅޭ ގޮތަށް ކެމެރާ ކޮށްފަ ހުންނަނީ. އެއްވެސް ލަވައެއްގައި ސްޓޯރީއެއް ނުދެއްކޭ. ކޮންމެވެސް އަލިގަދަ ތާކު ހުރެ ދެތިން ވައްތަރަކަށް ބުޑާއި އަތްފައި ހަލުވާލަނީ. ބައެއް ފަހަރު އޮފްކޮށް ވެސް ނަށާފަ ހުރޭ. އެޑިޓިންގ އެހާ ކަޑަވާނެ. ދެން އޯޑިއޯ ލަވައަކަށް ކޮންމެވެސް ވީޑިއޯ އެއް ލާފަ ކޮންމެވެސް ހަޑިއެއް ހާވާލަނީ. ސުނީއަށް ނަށަން އެނގުނަސް ލަވަތަކުން، ސުނީގެ ސްޓެޕްތަކަކުން އެ މޮޅުކަމެއް ނުދެއްކޭ.
ޕޮގުބާ
19 April 2017
ހާދަހަމޮޅެ ސުނީތާ
LoveEx
19 April 2017
މީ އިޝްޤީ ލޯބިތޯ ނުވަތަ ޕްލެޓޯނިކް ލޯބިތޯ؟
ޖޭބަރި
19 April 2017
ފޮޓޯގެ ވާތްފަރާތުގަ ކަޅާ ހުދުރޮގުދެމި ހެދުން ލައިގެން ހުރީ ޕްރިޔަންކާތަ ހާދަ ރީއްޗޭ!
އައްޔަ
19 April 2017
ޝީލާގެ ލަވައެއް ވަރަށް ބޭނުން ބަލާލަން.
ސަން
19 April 2017
ގަދަ މީހެއް ސުނީ އަކީ.
ވިސްނާލީމާ
19 April 2017
ސުނީގެ ލަވަސީޑީގާ 10 ލަވަ ހިމެނޭއިރު، އޭގެތެރެއިން 5 ލަވަ ސުނީ ކުޅެފާ އަނެއް 5 ލަވަ އެހެން އެކްޓްރެސްއިން ލައްވާ ކުޅުވުން މުހިންމު! ކޮންމެ ދެލަވަދޭތެރެއިން ސުނީގެ ލަވައެއް އަންނަގޮތަށް! ދެން ސުނީގެ ބެލުމުގެދަށުން ޕްރިޔަންކާއަށް ގަޔާވާހެން ނަށަން އެކުދިންނަށް ސުނީ ދަސްކޮށްދޭނީ! އޭރުން ސަޅިވާނެ! ކޮންމެ ލަވައެއްގާ އާއެކްޓަރެއްލާފާ، ސުނީގެ ފަސްލަވަލާފާ، ދެން އައްޒަގެ ލަވައަކާ، ރިޝްމީގެ ލަވައަކާ، މިކަހަލަ ނެށޭވައްތަރުގެ 5 ކުދިންލައްވާ ކުޅުވީމާ ވަރަށް ހަބޭސްވާނެ! އަސްލު ސުނީއަށް އަހަރެން ސަޕޯޓްކުރިޔަސް، ލަވަސީގާ ހުސްސުނީގެ ލަވަހުރުމަކީ އެހާސަޅިކަމަކަށްވެފާ ރީތި ހިތްގައިމު ކަމަކަށްވެސް ނުވޭ! މިފަހަރު މަބުނާގޮތަށް! -އިބްރާހީމް-
ޖާރިޔާ އަހުމަދު ދީދ
21 April 2017
ނިއުމާ، ވަލީދާ، ފަރީލާ، ޒީނަތު، ބޮންދު ލޯބި، މިފަސް މީހުން ލައްވާ ސުނީއާ ޕްރިޔަންކާގެ ބެލުމުގެ ދަށުން ނައްޓުވާފަ ލަވަ ހެދުމަކީ ވަރަށް ސަޅިކަމަކަށްވާނެ. ޢަހަރެމެންގެ ހިތްތަކުގެ ރާނީއަކީ ސުނީކަން އެއެންމެންނަށް އަންގާލަންވާނެ.
އެކަމަކުވާ!
19 April 2017
ވަޓް އަ ސަޕްރައިޒް! ލޮލް