ފިލްމީ ތަރި ރިޝްމީ މިއަދު އޭނާ އަށް ލިބުނު އެވޯޑާ އެކު.
25 ނޮވެމްބަރ 2017 - 20:29
42 comments
ސްރީ ލަންކާގައި ބޭއްވި މި އަހަރުގެ ސާކް ފިލްމް ފެސްޓިވަލްގެ އެންމެ މޮޅު ބަތަލާގެ މަގާމަށް ރާއްޖޭގެ މަޝްހޫރު ބަތަލާ އައިޝަތު ރިޝްމީ ހޮވިއްޖެ އެވެ.
ކޮލޮމްބޯގައި މި މަހުގެ 21-25 އަށް ބޭއްވި ސާކް ފިލްމް ފެސްޓިވަލްގައި ރިޝްމީ އެންމެ މޮޅު ބަތަލާއަކަށް ހޮވުނީ ރާއްޖޭން މި ފަހަރު ފެސްޓިވަލްގައި ވާދަ ކުރި ހަމައެކަނި ފިލްމް "ވިޝްކާ" އިންނެވެ. މި ފިލްމަކީ ރިޝްމީ ޕްރޮޑިއުސްކޮށް، ޓައިޓްލް ރޯލް ކުޅުނު ފިލްމެކެވެ.
އޭނާގެ އާއިލީ ފިލްމް ކުންފުނި ޔާރާ ޕްރޮޑަކްޝަނުން މާޗް 8، 2017 ގައި ރިލީޒް ކުރި "ވިޝްކާ" އަކީ މަހުދީ އަހުމަދުގެ ސްކްރީންޕްލޭއަކަށް ރަވީ ފާރޫގް ޑައިރެކްޓް ކުރި ކްރައިމް ތުރިލާއެކެވެ. ފިލްމްގެ ލިޑް ރޯލް ކުޅެފައި ވަނީ ރިޝްމީ އާއި ރަވީގެ އިތުރުން އަހުމަދު ސައީދެވެ.
ސާކް ފިލްމް ފެސްޓިވަލްގައި ސަރަހައްދަކީ އެހެން ގައުމުތަކުން ފެސްޓިވަލަށް ހުށަހެޅި 16 ފީޗާ ފިލްމާ ވާދަކޮށް، ރިޝްމީ އެންމެ މޮޅު ބަތަލާގެ މަގާމު ދިފާއު ކުރުމަކީ ރާއްޖޭގެ ބަތަލާއަކަށް މިހާތަނަށް ބޭރުގެ ފެސްޓިވަލަކުން ލިބުނު އެންމެ ބޮޑު ކާމިޔާބީ އެވެ.
"ވިޝްކާ" ގެ ޓީމަށް ސްކްރީން ރައިޓަރު މަހުދީ މަރުހަބާ ކިޔާފައި.
ދެހާސް ސާދަ ވަނަ އަހަރުގެ ސާކް ފިލްމް ފެސްޓިވަލްގައި ފިލްމް "އިނގިލި" އިން އިސްމާއީލް ރަޝީދު (ކޮޕީ އިއްސެ) ވަނީ އެންމެ މޮޅު އެކްޓަރުގެ މަގާމު ވެސް ހޯދައިފަ އެވެ. މީގެ އިތުރުން އެ އަހަރު "އިނގިލި" އަށް ވަނީ ބްރޯންޒް މެޑެލް ވެސް ލިބިފަ އެވެ. އަދި 2015 ގައި އަލީ ސީޒަންގެ "އިންސާނާ" ވެސް ބްރޯންޒް މެޑެލް ލިބިފައިވެ އެވެ.
ރިޝްމީ މިއަދު ބުނީ ސާކް ފިލްމް ފެސްޓިވަލްގައި މި މަހުގެ 23 ވަނަ ދުވަހު "ވިޝްކާ" ޕްރިމިއާ ކުރުމުން، ވަރަށް ޕޮޒިޓިވް ކޮމެންޓްތަކެއް ލިބުނު ކަމަށާއި އެންމެ މޮޅު ބަތަލާ އަށް އުންމީދު ވެސް ބޮޑުވި ކަމަށެވެ.
ރިޝްމީ ބަތަލާގެ ރޯލް ކުޅެ، ރަވީ ޑައިރެކްޓް ކުރި ފިލްމެއް މިދިޔަ އަހަރުގެ ސާކް ފިލްމް ފެސްޓިވަލްގައި ވެސް ވާދަ ކުރި އެވެ. އެއީ ސައިކޮލޮޖިކަލް ތުރިލާ "މިކޮއެ ބައްޕަ ބައޭބައޭ" އެވެ. އެކަމަކު އެ އަހަރު ފެސްޓިވަލް ނިންމާލައި އެނބުރި އަންނަން ޖެހުނީ ހުސް އަތާ އެވެ.
ނަމަވެސް ރިޝްމީ މި އަހަރު ހޯދި ކާމިޔާބީވެގެން ދާނީ ރާއްޖޭގެ ފިލްމީ ތާރީހުގައި ރަން އަކުރުން ލިޔެވޭނެ އަހަރަކަށެވެ. ރިޝްމީ ހޯދި ކާމިޔާބީ އަށް މަރުހަބާ އެވެ. އޭނާ ހޯދި ކާމިޔާބީއާ ގުޅިގެން ފިލްމީ ދާއިރާގެ ގިނަ ބަޔަކު މިހާރު އަންނަނީ ސޯޝަލް މީޑިއާގައި ރިޝްމީ އަށް މަރުހަބާ ވެސް ކިޔަމުންނެވެ.
މިދިޔަ މާޗް 8 ގައި ޝްވެކް ސިނަމާގައި ޕްރިމިއާ ކުރި "ވިޝްކާ" ގެ ޝޯތަކެއް އޮލިމްޕަހުގައި ދައްކަން ނިންމައި މިހާރު އަންނަނީ ޓިކެޓް ވެސް ވިއްކަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރިޔަން
27 November 2017
މަރުހަބާ! ވަރަށް އުފާވެރި ފަހުރުވެރި ކާމިޔާބީއެއް. އެކަމަކު އަހާލާހިތްވޭ މިފެސްޓިވަލްގަ ބައިވެރިކުރީ ކިތައް ފިލްމުތޯ؟
ކޮބާ
26 November 2017
އިންޑިޔާ އަކީ ސާރކުގެ ގައުމެއް ނޫންތަ.އެތަނުގައި އެތައް ޓްރެއިނިން އެެއް ހަދައިގެން ، އެތަކެއް ގުރުބާނީ ތަކެއް ވެފައި ދުނިޔޭގެ ރިކޯރޑު މުގުރާފައިވާ ފިލްމު ކުޅެފައިވާ މައްޝޫހޫރު ސްޓާރުން ނިސްބަތްވާ ސަރަހައްދެއްގެ އެންމެ މޮޅު ބަތަލާއަކަށް މި ކުޑަ ރާއްޖެއިން 3 ކުޅެފައިވާ މީހަކަށް. ސަރަހައްދުގެށއެންމެމޮޅުދއެކްޓަރS ނުކިޔޭނެ. އެ ފެސްޓިވަލުގެ އެންމެ މޮޅު އެކްޓްރސް.
އަލިހޮއްކޮ
26 November 2017
މަރުހަބާ ރިޝްމީ.
ނޫސަންގު
26 November 2017
ހަމަ މޮޅު ކުއްޖެއް. އެވޯޑެއް ލިބުނީމަ މަރުހަބާ ކިއުމުގެ ބަދަލުގައި ހަޖޫ ޖަހާފައި ދެން ގޮސް ހަމަ އެ މަންޖެގެ ފިލްމާ ލަވަ ބަލާނީ.
ހަސަން ފިރުޝާނު
26 November 2017
ދެން ވަރަށް ރަނގަޅު ދިވެއްސަކަށް މި ފަދަ ލިބުނީމަ އަދި ވަރަށް ހޫނު މަރުހަބާ އެއްވެސް ކިޔަން! މީގެ މާނަ އަކީ އިންޑިޔާގެ މޮޅެތި އެކްޓަރުންނަށްވުރެ ވެސް އަހަރުމެންގެ މީހުން މޮޅީތަ!
ހުޔާ
26 November 2017
ހަމަ އެހާ މޮޅީތަ؟ތީދެން ބޮޑުޖޯކެއް!
ފުންއަސަރު
26 November 2017
މަރްހަބާ ރިޝްމީ.
ރަދީފް
26 November 2017
ކައްޕަޅި އެވޯޑެއް ތިލިބުނީ.ނަމަވެސް ވަރަށް މަރުހަބާ.ވާދަކުރަންޖެހުނީ ސިންގަޅަ 2 ނުވަތަ ސްޓާރުންނާ.ފިލްމީ ދާއިރާގެ 4 ވަނަ ޑިވިޝަނުން މެޑަލްއެއް ލިބުން އެވެސް އުފަލެއް. ވ.ވެދުން
ސަމިޓް
26 November 2017
މި ފިލްމުގެ ވާހަކަ ލިޔުނީ ކާކުބާ؟ ޚަބަރުގަ އެވަރު އޮންނަންޖެހޭ ކަމަށް ޤަބޫލު ކުރަނީ
އިޙްސާންތެރިޔާ
26 November 2017
ވިޝާމް ކިޔާ މީހެއްނޫންތަ؟ މައްސަލަވެސް ބޮޑުވެ ކޯޓަށްވެސް ދިޔައެއްނު މިވާހަކައާ ހެދި.
ސާހު
26 November 2017
http://saarcculture.org/2017/11/09/saarc-film-festival-2017/ 11 މިނެޓުގެ ކުރު ފިލްމެއް ހިންދީ އިނީ ދެން ވާދަކުރަން