ފިލްމް "ހާދަރު" ގެ މަންޒަރެއް: މި މަހުގެ 16 ގައި ފިލްމް ޕްރިމިއާ ކުރާނެ.
07 ޖުލައި 2016 - 14:45
17 comments
މި މަހުގެ 16 ވަނަ ދުވަހުގެ ރޭ އޮލިމްޕަހުގައި ޕްރިމިއާކުރާ އެމްއެންޑީއެފްގެ ފިލްމް "ހާދަރު" ގެ ޓިކެޓް މިއަދު ވިއްކަން ފަށައިފި އެވެ.
ފިލްމުގެ ޓިކެޓް 100ރ. ވިއްކާ އިރު، އޮލިމްޕަހުންނާއި ސިފްކޯ ފެމިލީ މާޓްގެ އިތުރުން ބަންޑާރަ ކޮއްޓާއި ކަޅުތުއްކަލާ ކޮށިން ވެސް މިހާރު ޓިކެޓް ލިބޭނެ އެވެ.
އެމްއެންޑީއެފުން ބުނީ މާލެ އާ އެކު ހދ. ކުޅުދުއްފުށީ ތިލަދެކުނު ސިނަމާގައި ވެސް 16 ވަނަ ދުވަހުގެ ރޭ ފިލްމް އަޅުވާނެ އެވެ.
ފިލްމް ޕްރިމިއާ ކުރާ ހަފުތާގެ ތެރޭގައި އެމްއެންޑީއެފްގެ އޭރިއާތައް ހުރި ސަރަހައްދުތަކުގެ ރަށްރަށުގައި ވެސް ފިލްމް ދައްކަން ވަނި ހަމަޖެހިފަ އެވެ. މީގެ އިތުރުން މި މަހުގެ 22 ވަނަ ދުވަހުގެ ޝްވެކް ސިނަމާގައި ވެސް "ހާދަރު" އަޅުވަން ނިންމައިފަ އެވެ.
ސްރީ ލަންކާ އާއި އިންޑިއާގައި ދިރިއުޅޭ ދިވެހިންނަށް ވެސް ހާއްސަކޮށްގެން އެ ދެ ގެ ގައުމުގައި ވެސް "ހާދަރު" ދައްކާނެ އެވެ
އުމުރުން 18 އަހަރުން މަތީގެ މީހުންނަށް ހާއްސަ "ހާދަރު" އަކީ ނޮވެމްބަރު 3، 1988 ގައި ތަމަޅަ ޓައިގަރުންގެ ބަޔަކު ރާއްޖެ އަށް ދިން އުދުވާނީ ހަމަލާ އަސްލަކަށް ބަލައިގެން ހަދާފައިވާ އެކްޝަން ތުރިލާއެވެ.
"ހާދަރު" ގެ ޓްރެއިލާ
ފިލްމުގެ ވާހަކަ ލިޔެފައި ވަނީ ބިންމާ އިބްރާހީމް ވަހީދެވެ. އަދި ޑައިރެކްޓަރަކީ އަޝްހަރު ވަހީދެވެ.
އެމްޑީއެފުން ބުނީ "ހާދަރު" ވެގެން ދާނީ ބެލުންތެރިން ބަލާހިތްވާ ކަހަލަ ފުރިހަމަ ފިލްމަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަ ހިނި
09 July 2016
ބުނެލަން ބޭނުވަނީ ސިފްކޯ އަކީ ސިފާންގެ މީހުންގެ ކުންފުންޔެއް. ދައުލަތުގެ ބައި ސެންޓް ވެސް ނޯންނާނެ. ރަޔަތުންގެ ހާދިމުންގެ ލާރި. ކުންފުނި އުފެދުނު ގޮތް ހޯދާފަ ވާހަކަ ދެއްކުން ރަންގަޅު........ ދެން ލަލަލާ
އަހުމަދު
09 July 2016
އާނ ހަމަ ދެން ކީއްވެގެންތަ ނުކުރާންވީ؟ ރިސޯޓު ފަހަރު ހިންގޭ، ވިޔަފާރި ކުރެވޭ، ކޮންސްޓްރަކްޝަން ކުންފުނި ހަދައިގެން އެކަން ކުރެވޭ، ފަހުން ދައްކާ ގޮަތަށް ފައިސާ ދޫކުރެވޭ، ހޮސްޕިޓާ ހިންގޭ، އެހެންވީރު ކީއްވެގެންތަ ފިލްމް ހަދައިގެން ވަކި ނުދެއްކެން ވީކީ؟ އަޖައިބެއްނު! ހަމަ، ކަންމަތީ ފިހާރައާ، ލަކުޑި ފިހާރައާ، ގޭސް ފިހާރައާ، ފޮތް ފިހާރައާ، ސައި ހޮޓަލާ، އަދި ކީއްކުރަން ނުވިތާކަށް ކުރުނބާ ގާޑިޔާ ވެސް ހަމަ ހިންގަންވީ!
އަހުމަދު
09 July 2016
އެމްއެންޑީއެފް އަކީ ފިލްމު ކުޅެން ތިބި ބައެއް ހެއްޔެވެ؟ ތިޔަ ހަރަދު ކުރި ފައިސާ ހިލޭ ސާބަހަށް ނިކަމެތި މީހުން ނަށް ހަރަދު ކުރިއަސް މާ ރަނގަލުވާނެއެވެ.
ކޮލަމާފުށި
09 July 2016
ކުރާނެ އިތުރުކަމެއް އޮތީކީނޫން..ފިލްމު ކުޅެފަ މަޖާކުރަންވީ..ރައްޔިތުންގެ އަތުގަހުރި ފައިސާކޮޅު މޮޅުނަމެއް ކިޔާނަފަ ނަގާ..ދެން ފެންނާނީ ޕޮލިހުންވެސް ފިލްމު ކުޅޭތަން..
ޭއޭނަ
08 July 2016
ޢެއްކަމެއް ނުކުރިއަސް މަލާމާތް ކުރަން ދިވެހިންނަށް އިނގެނެ!
ޅިޔަންބެ
08 July 2016
ތިފިލުމުނެރުން މަނާކުރަން ހޯމް މިނިސްޓްރީއައް ގޮވާލަން. ރާއްޖެ މިހާރު މިއޮތް ހާލަތުން ތިކަހަލަ ފިލުމެއް ސިފައިން ކުޅެ، އާންމު ތަންތަނުގައި ދައްކައިފިއްޔާ ދެކޮޅުވެރިކަމާ އާންމު މަސަލަހަތައް އޭގެ ނުރައްކާކުރާނެ.
އަހްމަދު
07 July 2016
މީގެތެރެއިން ބަޢާވާތް ކުރިމީހުންގެ ހަރަޚާތްތައްވެސް ފެންނާނެ ކަމަށް އުއްމީދު ކުރަން.
ކާދަރު
07 July 2016
މިދެން ކޯޗެއް.. މީހުންގެ ދިރިއުޅުން ހަލާކު ކުރުމަށް ހާދަރު ކްރޫ ވަރެއްނެތް.. އަހަރަކު 3 ފިލްމް ހަދާ ނިމޭއިރު ކިތަށް އާއިލާ ރޫޅޭނެބާ... ރީތި ގޮތަކަށް ނިމޭނެ ހާދަރެއްތީ... ވ. ވެދުން
ެއާހަ
08 July 2016
ތިހެން ބުނަންޖެހުނުސަބަބު ބޭނުން
ކެޔޮޅު
07 July 2016
ރައްޔިތުންގެ ފައިސާ އިސްރާފު ކުރާ ބައެއް. އޭސީސީއިން މިކަން ބަލާ ފިޔަވަޅު އަޅަން ޖެހޭ. ހަވާލުކޮށްފައިވާ ޒިންމާތައް ފުރިހަމައަށް އަދާ ކުރެވޭ ތަ ބެލުން މުހިންމު. ޢަލިފާނުގެ ހާދިސާއެއް ހިނގިއަސް، މަސްކަނޑުތަކުން ވައްކަން ކުރާއިރުވސް އެކަން ނުހުއްޓުވޭ. ޢަދިވެސް ރައްޔިތުންގެ ފައިސާަޢިން ފިލްމު ކުޅެނީ.
އެ މީހާ
08 July 2016
ތި ގޮތަކަށް ކިތައް ބަޔަކު ރައްޔިތުންގެ ފައިސާ އިސްރާފު ކުރަނީ.. ސިފައިން ކަމެއް ކުރީމަ ހާދަ ވަރެއް ވެޔޭ ދޯ.. ބުނެލަން އޮތީ ތަނެއްގަ އަލިފާން ރޯވިއަސް އެކަންތައް ހުއްޓުވަން އަންނަނީ ހަމަ ތިޔަ ބުނާ ސިފައިންނޭ.. އާއްމުން ތިބޭނެ އަނގަ މައްޗަށް ޖަހައިގެން ކުޅިބަލަން.. ދިވެހިންނަށް އެގޭނެ ފާޑުކިޔަން ވ.މޮޅަށް..
ރަންސް
09 July 2016
އެ މީހާ އަށް ބުނަންރަ ވާހަކަ އެއް...އެންމެ ފަހުންވެސް އުކުޅަހުގަ ހިނގާ ދިޔަ ހާދިޘާ ގައި ތިޔަ ބުނާ ސިފައިންނަށް ގުޅީމަކާ ނައި...އޭ ދޯ ތިޔަ ބުނާ އެހީތެރި ކަމަކީ...ސިފައިންނަށް އާދެވެނީ ކަންތައް ވެ ނިމޭ ފަހުން... ވ.ވެދުން....
އެ މީހާ
10 July 2016
ރަންސް އަށް ބުނެލަން އޮތީ ތި ގޮތަށް ކިތައް ކަންތައް ސިފައިން ކޮށްދީފަވެސް ހުންނާނެ.. ނުކޮށްދޭ ކަންތައްތައް ކިޔާހެން، ކޮށްދީފާ ހުރި ކަންތައްތައްވެސް ކިޔާބަލަ... ތިކަހަލަ ވިސްނުން ގެންގުޅޭތީއޭ ތަން ކުރިއަށް ނުދަނީ.. ހެޔޮ ދުޢާ ސަލާމް..
ޢަބްދުﷲނާފިޒު
07 July 2016
މުޅިންވެސް ބަޑި ހަނގުރާމަ ފެނިގެންދާނެކަމަށް އުއްމީދުކުރަން، ހީވަނީ ވަރަށް މޮޅުވާނެހެން، މިހެން މިބުނީ 3 ނޮވެމްބަރުގެ ހާދިސާ އަސްލަކަށް ބަލައިގެން ހެދި ފިލްމަކަށްވާތީވެ، އެދުވަހު ސިފައިންގެ ކުޅަދާނަކަމުން ލިބުނު ބޮޑު ކާމިޔާބު ދެއްތޮ، އެމަންޒަރުތައް ފިސާރި ފުރިހަމަކޮށް ފެންނާނެކަމަށް އުއްމީދުކުރަން.