އިންޑިއާގެ އައިޓީ ކުންފުނި އިންފޮސިސްގެ ވާހަކަ ކިޔައިދޭ ފިލްމެއް

އަޝްވިނީ.

އަހުމަދު އަދްޝަން، މިހާރު

18 އޮކްޓޯބަރ 2019 - 08:03

އިންޑިއާގެ މަޝްހޫރު އައިޓީ ކުންފުނި އިންފޮސިސްގެ ވާހަކަ ކިޔައިދޭ ފިލްމެއް ހަދަން ނިންމައި، ފިލްމު އިއުލާންކޮށްފި އެވެ.

މަހާވީރު ޖެއިން ޕްރޮޑިއުސްކުރާ އަދި "މުރުތީ" ގެ ނަން ދީފައިވާ ފިލްމު ޑައިރެކްޓްކުރަނީ އަންނަ އަހަރުގެ ކުރީކޮޅު ރިލީޒްކުރާ ކަންގަނާ ރަނާވަތުގެ ސްޕޯޓްސް ޑްރާމާ "ޕަންގާ" ގެ ޑައިރެކްޓަރު އަޝްވިނީ އައްޔަރު ތިވާރީ އެވެ.

"ބެރިލީކީ ބަރްފީ" އާއި "ނިލް ބައްޓޭ ސައްނާޓާ" ފަދަ ކާމިޔާބު ފިލްމުތައް ގެނެސްދިން އަޝްވިނީ އަކީ ދާދި ފަހުން ރިލީޒްކުރި ފިލްމު "ޗިޗޯރޭ" ގެ ޑައިރެކްޓަރު ނިތޭޝް ތިވާރީގެ އަންހެނުންނެވެ.

އިންފޮސިސްގެ ވާހަކަ ކިޔައިދޭ ފިލްމެއް ހަދާކަން ސޯޝަލް މީޑިއާގައި ވެސް ހިއްސާކުރަމުން އަޝްވިނީ ބުނީ އޭނާގެ ފިލްމުން އެ ކުންފުނި ވުޖޫދަށް ގެނައުމުގައި އިސް ދައުރެއް އަދާކުރި ދެމަފިރިން ކަމަށްވާ އެންއާރް ނަރަޔަނާ މުރުތީ އާއި ސުދާ މުރުތީގެ ވާހަކަ ގެނެސްދޭނެ ކަމަށެވެ. އަޝްވިނީ ވަނީ ސުދާއާ އެކު ނަގާފައިވާ ފޮޓޯތަކެއް ވެސް ހިއްސާކޮށްފަ އެވެ.

View this post on Instagram

Two opposite personalities. I don’t have a picture with Mr Narayan Murthy. But spent hours chatting with Sudha Maa - that’s what i call her now ❤️ Been working for almost 21 years now. Started off with designing events and logos while studying in art school. I needed the money to feed my art supplies and education. Then joined as a art trainee at Leo Burnett. Spent 16 years in advertising and marketing with the most amazing people who are my dearest friends too. Left advertising in 2015 to an unknown world of Bollywood only for the passion of telling stories. #NilBatteySannata #Ammakanakku #BareillykiBarfi happened. #Panga is an important story that needs to be told. I thank @roo_cha for making this happen. Panga has been an enriching experience with talented Kangana @team_kangana_ranaut , @jassie.gill @therichachadha @neena_gupta which i and @foxstarhindi are eager to share on 24 Jan 2020 😁 i keep dreaming that eventually I would want to lead a life like Narayan Murthy & Sudha Murthy. The life choices. Their honest life with integrity is my biggest inspiration. I am filled with humble gratitude to make Murthy. They have trusted me with their iconic story and i can only pray that I keep up to their expectations. This is more than a film.This is life. Thank-you Mahaveer ji for being the binding force. The writers are back in action @bawlekiduniya @pglens @niteshtiwari22 lets get away to another beautiful place to write. @earthskynotes

A post shared by Ashwiny Iyer Tiwari (@ashwinyiyertiwari) on Oct 15, 2019 at 12:53am PDT

"އެ ދެ މީހުންނާއި އިންފޮސިސްގެ ވާހަކައަކީ ވަރަށް އިންޕަޔަރިން ވާހަކައެއް. މިއީ ކާމިޔާބު މަސައްކަތެއްގެ ނަމޫނާއެއް،" އަޝްވިނީ ބުންޏެވެ. "އަހަރެން ބެލުންތެރިންނަށް ގެނެސްދޭން މަސައްކަތްކުރާނަން ވަރަށް ފުރިހަމަ ފިލްމެއް."

އިންޑިއާގެ ބެންގަލޫރުގައި ހެޑްކުއާޓަރު ހުންނަ އިންފޮސިސްއަކީ މީގެ 38 އަހަރު ކުރިން 1981 ގައި ވުޖޫދަށް އައި ކުންފުންޏެކެވެ. އަދި އެއީ އެއީ އިންޑިއާގެ އެންމެ ނުފޫޒު ގަދަ އައިޓީ އަދި ކޮންސަލްޓެންސީ ދޭ އެއް ކުންފުންޏެވެ.

ތަފާސްހިސާބުތައް ދައްކާ ގޮތުން އިންފޮސިސްގެ މިލްކިއްޔާތު މިހާރު 46.52 ބިލިއަން ޑޮލަރަށް އަރަ އެވެ.