އެކްޓަރަކަށްވާން ބޭނުންވީ "ބާޒީގަރް" ބަލާފައި: ކާތިކް އާރިޔަން

ކާތިކް.

އަހުމަދު އަދްޝަން، މިހާރު

05 ޑިސެމްބަރ 2019 - 07:37

އެކްޓަރަކަށްވުމުގެ ހުވަފެންތައް ދެކެން ފެށީ ޝާހްރުކް ޚާން ކުޅުނު "ބާޒީގަރް" ބަލާފައި ކަމަށް ބޮލީވުޑްގެ އެންމެ ވިދުން ގަދަ ޒުވާން އެކްޓަރުންގެ ތެރޭގައި މިހާރު ހިމެނޭ ކާތިކް އާރިޔަން ބުނެފި އެވެ.

ފޭސްބުކް ގްރޫޕް "ހިއުމަންސް އޮފް ބޮމްބޭ" ގައި ހިއްސާކުރި އޭނާގެ ކެރިއަރުގެ ވާހަކަތައް 29 އަހަރުގެ ބަތަލު އިންސްޓަގްރާމްގައި ވެސް ޕޯސްޓްކޮށްފައިވާ އިރު އޭގައި ބުނީ 1993 ގެ "ބާޒީގަރް" ބެލިއިރު އޭނާ އުޅުނީ ގްރޭޑް 9 ގައި ކަމަށެވެ.

"އެ ފިލްމު ބެލި ހިސާބުން އެނގިއްޖެ އަހަރެން ވާން ބޭނުން ވަނީ އެކްޓަރަކަށްކަން. އަހަންނަށް ވަރަށް ކަމުދިޔަ ފިލްމަކަށް ބާޒީގަރް ވެގެން ދިޔައީ،" ކާތިކް ބުންޏެވެ. "އެކަމަކު މައިންބަފައިން އެކަމާ ދޭތެރޭ ދެކޭނެ ގޮތެއް ނޭނގޭތީ ވަރަށް ކަންބޮޑުވި."

View this post on Instagram

“I was born in the small town of Gwalior. My parents were in the medical field & I was going to do engineering. But in 9th grade, I saw Baazigar & I knew I wanted to be on the other side of the screen. I was unsure of my parents’ reaction—so I decided to study till 12th in Gwalior & then go to college in Mumbai. Luckily I got into a college in Navi Mumbai. I stayed in a hostel & searched for auditions. I had no contacts, so I’d type keywords like, ‘Actor Needed’ on Facebook. I’d travel for 6 hours 3-4 times a week for auditions. At times, I’d be rejected from outside the studio because I didn’t ‘look the part’. But I still had hope. Soon I got projects like a few seconds in an ad & they kept me going. Eventually I rented a flat in Andheri with 12 boys. I had limited finances. I couldn’t even afford a portfolio—I’d crop my face out of group photos to send to agents! All the while I’d skip college to give auditions & my parents didn’t know about any of this. Once I saw an ad for a film audition & decided to go for it. They liked me & auditioned me many times. My final audition script was the monologue that then became my identity! Finally, when I got the role, I was at Andheri station & immediately called my mom! She couldn’t believe it! After 2 & a half years of struggle, what I had imagined as a possibility, was now a reality. After Pyaar Ka Punchama, there still weren’t many opportunities. I stayed in the same flat with 12 boys till my third film! At the time, my mom was adamant I finish my degree, so while shooting, I gave my exams—& people in the exam hall were clicking photos with me! But I understood that she wanted my future to be secure. After Sonu Ke Titu Ki Sweety, it all changed! Life has come full circle now—recently when I was in Gwalior, I was invited to my school as chief guest & kids were chanting my name! It was surreal! But what I have today, would’ve never come my way, if I hadn’t believed that I’d make it. I’m grateful for where I am & I know I have a long way to go. Sometimes all of it still feels unbelievable—from this point on, the possibilities just seem endless & my dreams, are just waiting to come true.”

A post shared by Humans of Bombay (@officialhumansofbombay) on Dec 2, 2019 at 4:54am PST

އޭނާ ބުނި ގޮތުގައި ނަސީބު ދިމާކުރި ގޮތުން ގްރޭޑް 12 ނިންމާލާފައި ކޮލެޖަށް ދާންވީ ހިސާބުން ފުރުސަތު ލިބުނީ ނަވީ މުމްބާއީގެ ކޮލެޖަކުންނެވެ. އެހެންވެ އޭގެ ސަބަބުން އޮޑިޝަންތަކަށް ދާން މަގުފަހިވި ކަމަށް ބުންޏެވެ.

ކާތިކްގެ މައިންބަފައިންނަކީ ސިއްހީ ދާއިރާގައި މަސައްކަތްކުރާ ބައެކެވެ. އަދި މައިންބަފައިން ބޭނުންވީ އޭނާ އިންޖިނިއަރިން ދާއިރާ އިން ކުރިއަށްދާން ކަމަށް ބުންޏެވެ.

"ވަކި ހިސާބަކުން ކިޔެވުން ހުއްޓާލައި އެކްޓްކުރަން ބޭނުންވީ،" 2011 ވަނަ އަހަރު ޑައިރެކްޓަރު ލަވް ރަންޖަންގެ "ޕިޔާރް ކާ ޕަންޗްނާމާ" އިން އެކްޓިން އަށް ނުކުތް ކާތިކް ބުންޏެވެ. "އެކަމަކު އުންމީދު ކުރި ވަރަކަށް ފުރުސަތެއް ވެސް ލިބޭ ގޮތެއް ނުވި. އެހެންވެ އަނެއްކާ އަލުން މަންމަ ބުނަން ފަށައިފި ޑިގްރީ ނިންމާށޭ. އެ ހިސާބުން އަނެއްކާ ވެސް ކިޔަވަން ފެށީ. އޭރު ކިޔަވަމުން ލިބޭ ފުރުސަތުގެ ބޭނުން ވެސް ހިފަމުން ދިޔައީ."

"ޕިޔާރު ކާ ޕަންޗްނާމާ" އަށް ފަހު ކާތިކް ވަނީ 2015 ގައި އެ ފިލްމުގެ ދެވަނަ ބަޔަކާ އެކު 2017 އާ ހަމަަ އަށް ހަ ފިލްމު ކުޅެފަ އެވެ. އެކަމަކު އެއިން އެއްވެސް ފިލްމަކީ މާ ބޮޑު ތަރުހީބެއް ލިބުނު ފިލްމުތަކެއް ނޫނެވެ. އޭނާގެ ކެރިއަރު އާ މިސްރާބަކަށް ގެންދިޔަ ފިލްމަކީ މިދިޔަ އަހަރު ލަވް ގެނެސްދިން "ސޯނޫ ކޭ ޓިޓޫ ކީ ސްވީޓީ" އެވެ. އެއީ ކާތިކްގެ ފުރަތަމަ 100 ކްރޯޑް ފިލްމު ވެސް މެ އެވެ.

"އަހަރެން ބުނާނީ އެއީއޭ އަހަރެން މީހަކަށް ހަދައިދިން ފިލްމަކީ،" ކާތިކް ބުންޏެވެ.

މިހާރު އޭނާ އަކީ ފިލްމުތަކުން ހުށަހެޅުންތައް އޮހެމުން އަންނަ ތަރިއެކެވެ. ހަމައެކަނި ފިލްމުތަކުންނެއް ނޫނެވެ. އެތައް ބްރޭންޑެއް އިޝްތިހާރުކޮށްދޭން ވެސް ކާތިކަށް އަންނަނީ ފުރުސަތު ލިބެމުންނެވެ.

މި އަހަރުގެ ކުރީކޮޅު ރިލީޒްކުރި "ލުކާ ޗުއްޕީ" އަށް ފަހު ދެން އެންމެ އަވަހަށް އޭނާ ސްކްރީނުން ފެންނާނީ ހުކުރު ދުވަހު ރިލީޒްކުރާ "ޕަތީ ޕަތުނީ އޯރް ވޯ" އިންނެވެ. ކާތިކްގެ އަތުގައި ހުރި އިތުރު ފިލްމުތަކުގެ ތެރޭގައި "ދޯސްތާނާ 2" އާއި "ބޫލް ބުލައްޔާ 2" ގެ އިތުރުން "އާޖް ކަލް 2" ހިމެނެ އެވެ.

ކާތިކް ބުނިގޮތުގައި އޭނާ އަށް މިހާރު އާދެވިފައި ހުރި ހިސާބަށް ދެވުނީ ލައްކަ މަސައްކަތުންނާއި އެތައް ބައެއްގެ އެހީގައި ކަމަށްވާތީ އެއިން އެއްވެސް ކަމެއް ދުވަހަކު ހަނދާންނަތައްއެއް ނުލާނެ އެވެ.