ލޮކްޑައުންގައި ސުޝާންތު ދަސްކުރަނީ ކޯޑިން

އަހުމަދު އަދްޝަން، މިހާރު

29 އެޕްރީލް 2020 - 08:50

ލޮކްޑައުނާ އެކު ފިލްމީ މަސައްކަތްތައް ހުއްޓި ގޭގައި ތިބެންޖެހުމުން ބޮލީވުޑްގެ ބައެއް ފަންނާނުން އަންނަނީ އާ ކަންކަން ދަސްކުރަމުންނެވެ. އެގޮތުން އާލި ބަޓާއި ރިޗާ ޗައްޑާ ފަދަ ބަތަލާއިން ލިޔުންތެރިކަމަށް ފޯކަސްވެފައިވާ އިރު، އެކްޓަރު ސުޝާންތު ސިންގް ރާޖްޕޫތު ފެށީ ކޯޑިން ދަސްކުރާށެވެ.

އެކްޓިން އަށް ނުކުތުމުގެ ކުރިން ނިއު ދިއްލީގެ ދިއްލީ ޓެކްނޮލޮޖިކަލް ޔުނިވަސިޓީ (ޑީޓީޔޫ) އިން މެކޭނިކަލް އިންޖިނިއަރިން ކިޔަވާފައިވާ 34 އަހަރުގެ އެކްޓަރު މި ދުވަސްކޮޅު ކުރަމުން އަންނަ އެންމެ ހާއްސަ އެއް ކަމަކީ ކޮމްޕިއުޓާ ކޯޑިން އާއި ޕްރޮގްރާމިން ދަސްކުރުމެވެ

މި ވާހަކަ އޭނާ ވަނީ އިންސްޓަގްރާމްގައި ވެސް ހިއްސާކޮށްފަ އެވެ. ޕޯސްޓެއްގައި ސުޝާންތު ބުނީ އެ މަސައްކަތްތައް ދަސްކުރަނީ އޮންލައިންކޮށް ހިލޭ ކުރިއަށް ގެންދާ ކުލާހެއްގައި ބައިވެރިވެގެން ކަމަށެވެ. އަދި އެ ފުރުސަތު ފަހިކޮށް ދިން ފަރާތަށް ޝުކުރު ވެސް އަދާކޮށްފައިވެ އެވެ.

View this post on Instagram

I love computer gaming and always wanted to learn the language behind it. So last few weeks I’ve been trying to learn coding and it has been an extremely exciting process to say the least and yet I’m just scratching the surface.:) A special mention to ‘khan Academy’ spreading a world class and free education for all, just wow !! #coding #computerprogramming #gaming #animation #love #freeEducation #quarantinethings

A post shared by Sushant Singh Rajput (@sushantsinghrajput) on Apr 26, 2020 at 9:08pm PDT

"އަހަންނަކީ އަބަދު ވެސް ކޮމްޕިއުޓަ ގޭމިން އަށް ވަރަށް ލޯބިކުރާ މީހެއް. އެހެންވެ އަބަދު ވެސް ބޭނުންވޭ އޭގެ ފަހަތުގައި އެކުލެވޭ ބަހުރު ދަސްކުރަން." ސުޝާންތު ބުންޏެވެ.

ޓީވީ ސިލްސިލާ "ޕަވިތުރަ ރިޝްތާ" އިން އެކްޓިން އަށް ނުކުތުމަށް ފަހު، ބޮލީވުޑަށް މިސްރާބު ޖެހި ސުޝާންތަކީ އެސްޓްރޮނޮމީ އަށް ވެސް ވަރަށް ހާއްސަ ޝައުގުވެރިކަމެއް ބަހައްޓާ އެކްޓަރެކެވެ.

އޭނާ އެންމެ ފަހުގެ ފިލްމަކީ މިދިޔަ އަހަރު ނެޓްފްލިކްސް އިން ސްޓްރީމްކުރި "ޑްރައިވް" އެވެ. ބަތަލާ ރިއާ ޗަކްރަބަތީއާ ލޯބީގެ ގޮތުން މިހާރު ގުޅިގެން އުޅޭ ސުޝާންތުގެ ކުރިއަށް އޮތް ފިލްމަކީ ހޮލީވުޑްގެ ފިލްމު "ދަ ފޯލްޓް އިން އަވާ ސްޓާޒް" ގެ ހިންދީ ރިމެކް "ދިލް ބޭޗާރާ" އެވެ.

ބޮލީވުޑް ލޮކްޑައުން

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަސިޜާ

29 April 2020

އަޅުގަނޑު ލޮކްޑައުންގައި ކުރާ ކަމަކީ، ބޮލީވުޑުތަރިން ކުރާ ކަންކަން ހޯދުން. ޝުކުރިއްޔާ މިހާރު ނޫސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލުކަލޭފާނު

29 April 2020

އަހަރެމެން އަދައިގެ ދިވެއްސަކަށްވުރެ ހިންދީ ފިލްމުކުޅޭމީހުން މާ ބޯރަނގަޅުހެންހީވޭ. ޝަކުވާނުކޮށް ގޭގާ އެ އެކިއެކި ފިލާވަޅުދަސްކުރަނީ. އަހަރެމެންގެ ކަމަކީ ޝަކުވާމައްޗަށް ޝަކުވާކޮށްކޮށްތިބުން.