ޖަނާޒާއަށް ދާން ލީ ހެދުންތަކެއް ވިއްކާތީ ދީޕިކާ އަށް ފާޑުކިޔަނީ

އަހުމަދު އަދްޝަން، މިހާރު

20 އޯގަސްޓް 2021 - 07:04

ބޮލީވުޑްގެ ބަތަލާ ދީޕިކާ ޕަދުކޯން އެކި ދުވަސްވަރުގައި ބޭނުންކޮށްފައިވާ ހެދުންތަކާއި ބޫޓާއި ފައިވާނާއި އެކްސެސަރީޒް ފަދަ ތަކެތި އޭނާގެ ވެބްސައިޓް މެދުވެރިކޮށް ނީލަމަށް ލީއިރު ޖަނާޒާތަކަށް ދާން ލާފައި ހުރި ހެދުންތަކެއް ވެސް އޭގެ ތެރޭގައި ހިމެނޭތީ ސޯޝަލް މީޑިއާގައި ވަރަށް ބޮޑަށް އޭނާ އަށް ފާޑުކިޔަން ފަށައިފި އެވެ.

View this post on Instagram

A post shared by Deepika Padukone (@deepikapadukone)

ވެބްސައިޓްގައި އާންމުކޮށްފައިވާ ހެދުންތަކުގެ ތެރެއިން އާންމުން އެންމެ ބޮޑަށް އަޅައިގަތީ ދެ ހެދުމެއްގަ އެވެ. އެކައްޗަކީ ބަތަލާ ޕްރިޔަންކާ ޗޯޕްރާގެ ބައްޕަ އަޝޯކް ޗޯޕްޅާގެ ޖަނާޒާގައި 2013 ގައި ބައިވެރިވި އިރު ދީޕިކާ ލީ ކުރުތާ އެވެ. އަނެއް ހެދުމަކީ 2013 ގައި ދަންޖެހިގެން މަރުވި ބަތަލާ ޖިއާ ޚާންގެ ޖަނާޒާގައި ބައިވެރިވި އިރު ދީޕިކާ ލީ ކުރުތާ އެވެ.

I am so shocked.. my favourite Deepika Padukone has auctioned her non couture clothes from 2013.. I repeat 2013 that she wore to different funeral events. 😒😒
Low blow! pic.twitter.com/2vFPoVEeWV
— Maya (@Sharanyashettyy) August 16, 2021

މި ދެ ހެދުމުގެ ފޮޓޯއާ އެކު ޓްވިޓާގައި ވަރަށް ގިނަ ބަޔަކު ދަނީ ދީޕިކާ އަށް ފާޑުކިޔަމުންނެވެ. ފައިސާ ހޯދުމުގެ ބޭނުމުގައި ކަމަށް ވިޔަސް، ޖަނާޒާއެއްގައި ބޭނުންކުރި ހެދުން ވިއްކުމަކީ ދަށް ފެންވަރުގެ އަމަލެއް ކަމަށް ބުނެފައިވެ އެވެ.

Such a cheap act.. For everything they go for donations with PR all over but she couldn’t even donate her old clothes?? What kind of ppl go and buy these second hand stuff.. crazy ..
— Ruchi 🚩🇮🇳 (@Ruchi4Tweets) August 16, 2021

މަޝްހޫރު އެކްޓަރު ރަންވީރު ސިންގްގެ އަންހެނުން، ދީޕިކާ ބޭނުންކޮށްފައިވާ ބައެއް އެއްޗެހި ވިއްކަން ފެށީ ކޮވިޑް-19 ގެ ތެރޭ އިންޑިއާގެ ސިއްހީ އެހީތެރިން ކުރާ މަސައްކަތްތަކަށް އެހީވާން ފައިސާ ހޯދުމުގެ ގޮތުންނެވެ.