އެއިމްސް ޑައިގްނޯސްޓިކް ސެންޓަރަކީ ފޭދޫގައި 2015 ގައި ހުޅުވި ތަނެއް.
11 މާޗް 2019 - 11:29
6 comments
އައްޑޫގައި ހިންގާ އަމިއްލަ ކްލިނިކަކުން އިންޑިއާގެ އެޕޯލޯ ހޮސްޕިޓަލާ ގުޅިގެން ޓެލެމެޑިސިންގެ ހިދުމަތް ރޭ ތައާރަފުކޮށްފި އެވެ.
ފޭދޫގައި ހިންގާ އެއިމްސް ޑައިގްނޯސްޓިކް ސެންޓަރުން ދޭ ޓެލެމެޑިސިންގެ ހިދުމަތް ތައާރަފު ކުރަން ބޭއްވި ރަސްމިއްޔާތުގައި އެ ހިދުމަތް އިފުތިތާހުކޮށް ދެއްވީ ހެލްތު މިނިސްޓަރު އަބްދުﷲ އަމީނެވެ.
ފޭދޫ ސްކޫލްގައި ބޭއްވި ރަސްމިއްޔާތުގައި މިނިސްޓަރު ވިދާޅުވީ ރަށުގައި ތިބެގެން ރައްޔިތުންނަށް މަތީ ފެންވަރުގެ ޑޮކްޓަރުންގެ ލަފާ ލިބޭނެ ވަސީލަތްތައް ގާއިމުވެގެން ދިއުމަކީ ރައީސް އިބްރާހީމް މުހައްމަދު ސޯލިހްގެ ސަރުކާރުގެ ވެސް ވަރަށް މުހިއްމު ސިޔާސަތެއް ކަމަށެވެ.
އެހެންވެ މިފަދަ ކަމެއް ސިއްހީ ހިދުމަތް ދޭ އަމިއްލަ ތަނަކުން ޓެލެމެޑިސިން ފަދަ ޒަމާނީ އަދި މުހިއްމު ހިދުމަތް ދޭން ފެށުމަކީ ކުރިއެރުމެއް ކަމަށް ވިދާޅުވި އެވެ.
"މިއީ އައްޑޫ ސިޓީގެ ރައްޔިތުން ޒަމާނުއްސުރެން ކުރަމުންދާ އުއްމީދުތަކުގެ އެކިއެކި ހަރުފަތްތަކުގެ ތެރެއިން މުހިއްމު ހަރުފަތެއް ގިރާކުރެވުނު ރެއެއް. މި ހިދުމަތް ތައާރަފުކޮށް މިހާ އަވަސް މިނެއްގައި ހިދުމަތް ދިނުމަށް އެއިމްސް އިން ކުރި މަސައްކަތަކީ ހާއްސަ ގޮތެއްގައި ފާހަގަކޮށްލެވޭ ކަމެއް،" މިނިސްޓަރު އަމީން ވިދާޅުވި އެވެ. "ސަރުކާރުގެ ސިޔާސަތުތައް ކުރިއެރުވުމުގައި އަމިއްލަ ސިއްހީ ދާއިރާގައި އަދި އެކިއެކި ދާއިރާތަކުގައި ކަންކަން ހާސިލް ކުރުމަށްޓަކައި ކުރަމުންގެންދާ މަސައްކަތްތަކަކީ ރާއްޖޭ އެކިއެކި ރޮނގު ރޮނގުން ކާމިޔާބު ހޯދުމަށް އެންމެ މުހިއްމު ދައުރެއް އަދާކުރާ ކަންތައްތައް."
ޓެލެމެޑިސިންގެ ހިދުމަތް ދޭން އެއިމްސްގައި "އެޕޯލޯ އެއިމްސް ޓެލެހެލްތު ސެންޓަރު" ގެ ނަމުގައި ސެންޓަރެއް ގާއިމުކޮށްފައިވާ އިރުު، މި ހިދުމަތް ދޭން އެމްއޯޔޫއެއްގައި ސޮއިކޮށްފައި ވަނީ އެޕްރީލް، 9، 2018 ގަ އެވެ.
އެއިމްސް އާއި އެޕޯލޯއާ ދެމެދު ޓެލެމެޑިސިންގެ އެމްއޯޔޫގައި ސޮއިކުރީ މިދިޔަ އަހަރު.
ޓެލެމެޑިސިންއަކީ ދުނިޔޭގެ ކޮންމެ ތަނެއްގައި ހުންނަ ޑޮކްޓަރަކާ ވެސް ބަލިމީހާ ގުޅައިލަދީ ސިއްހީ ހިދުމަތް ދެވޭ ވަސީލަތެކެވެ.
ދެހާސް ފަނަރައިގައި ފޭދޫގައި ހުޅުވި އެއިމްސް ޑައިގްނޯސްޓިކް ސެންޓަރަކީ ފޭދު އަށް ނިސްބަތްވާ މަޝްހޫރު ވިޔަފާވެރިޔާ ހެޕީ މާކެޓްގެ ވެރިޔާ މުހައްމަދު ނައީމް (ހެޕީ މާކެޓް ނައީމް) ގެ ހިއްސާ އޮންނަ ތަނެކެވެ.
ކްލިނިކް ހިންގުމުގެ ވާދަވެރިކަން ފޭދޫގައި ވަރަށް ބޮޑުވެފައިވާ އިރު، ދާދި ފަހުން އެ އަވަށުގައި ވަނީ ގިނަ ހިދުމަތްތަކާ އެކު "އައްޑޫ މެޑި ސިޓީ" ގެ ނަމުގައި ވެސް ކްލިނިކެއް ހުޅުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހީމާ/އައްޑޫސިޓީ
11 March 2019
ވަޒީރުގެ ވާހަކަތައް ރަނގަޅު. އަމިއްލަ ތަންތަނުންވެސް ސަރުކާރުގެ ސިޔާސަތުތައް ބަލައިގެން އެކަންތައްތައް އޮނިގަނޑުގެ ތެރެއަށް ލައިގެން ކުރިއަށް ގޮސްފިއްޔާ ކުރިއެރުން ލިބޭނެ. އެހާ ކުޑަ ނޯޓިސްއަކާއެކީވެސް އައްޑޫ ސިޓީއަށް ވަޑައިގެން އިފްތިތާހީ ޖަލްސާގައި ބައިވެެރިވިކަމީ އައްޑޫ ރައްޔިތުންނަށް ލިބުނު ވަރަށް ބޮޑު ޝަރަފެއް.
މައްނޫބުރި
11 March 2019
ރަށުގައި ތިބެގެން މިއުޅެނީ އާދައިގެ ސްކޭން ނެެެހެދިގެން. އެކަންނުކުރެވި ޑޮކްޓަރުންނަކަށް ބަލި ނޭގޭނެ.
ކާސިމްބެ2
11 March 2019
ފޭދޫގެ މުއްސަދިން ފޭދޫ ތަރައްގީކުރަނީ..ކިހާރަނގަޅު
މައްނޫބުރިި
11 March 2019
ތީޔަށް ކިޔާނީ މީހުން ފެލުމޭ
ކުޅަނދުރު
11 March 2019
މަބުނީ، އުތުރު މީހުން މިކަހަލަ ކަންތައް ނުކުރަނީ ކީއްވެގެންތަ؟ މަނާކޮށްފަ އޮންނަނީތަ.
ހާމަ333
11 March 2019
ސާބަހޭ އެއިމްސް...ސިއްހީ ދާއިރާގަ އަމިއްލަ ފަރާތްތަކުން ހިދުމަތް ދިނުމުގެ ވާދަވެރިކަން އޮވެ މޮޅު ކޮލިޓީ ހިދުމަތް ރައްޔިތުންނަށް ލިބިގެން ދިއުމަކީ އައްޑޫއާއި ދެކުނުގެ ރައްޔިތުންނަށް ލިބޭ ކުރިއެރުމެއް އަދި ފަސޭހައެއް....ހިދުމަތް ދިނުމުގައި ޕްރޮފެޝަނަލިޒަމް އިސްކުރުން މިއީ މުހިއްމު ކަމެއް...އިތުރު ހިދުމަތްތަކާއި ޑޮކްޓަރުންގެ ހިދުމަތް ލިބޭނެގޮތްވުމަކީވެސް މުހިއްމު ކަމެއް...ކޮންމެ އަހަރަކު ރާއްޖެއިން ބޭރަށް ދިވެހިން އެންމެ ބޮޑު ޚަރަދެއް ކުރަނީ ބޭސްފަރުވާއަށް....އެއީ އަމިއްލަ ގައުމުން ފަސޭހައިން އެހިދުމަތް ނުލިބޭތީ...