އަހަރުގެ އެންމެ ސްޓައިލިޝް ފިރިހެނަކީ ނިކް ޖޯނަސް

ނިކް ޖޯނަސް: މި އަހަރުގެ އެންމެ ސްޓައިލިޝް ފިރިހެނަކީ މިއީ.

އަހުމަދު އަދްޝަން، މިހާރު

26 ޑިސެމްބަރ 2018 - 08:39

މި އަހަރުގެ އެންމެ ސްޓައިލިޝް ފިރިހެނަކީ އެމެރިކާގެ ލަވަކިޔުންތެރިޔާ/އެކްޓަރު އަދި އިންޑިއާގެ ބަތަލާ ޕްރިޔަންކާ ޗޯޕްޅާގެ ފިރިމީހާ ނިކް ޖޯނަސް ކަމަށް ޖީކިއު މަޖައްލާ އިން ބުނެފި އެވެ.

މި އަހަރު އެންމެ ރީތިކޮށް ހެދުން އަޅައި، ތަފާތު ސްޓައިލްތަކެއް ދެއްކި ފިރިހެން ސެލެބްރިޓީން ހިމަނައިގެން ޖީކިއު އިން ކުރިއަށް ގެންދިޔަ ޕޯލްގެ ނަތީޖާގެ ކުރި ނިކް ހޯދި އިރު، އޭނާގެ ފަހަތުން ޖާގަ ހޯދި ފަންނާނުންނަކީ މަޝްހޫރު އެކްޓަރު ރަޔަން ރެނޮލްޑްސް، މަޝްހޫރު ލަވަކިޔުންތެރިޔާ އަދި އެންމެ ބޮޑު އާމްދަނީއެއް މި އަހަރު ހޯދި މޮޑެލުންގެ ތެރޭގައި ހިމެނޭ ކްރިސީ ޓީޖެންގެ ފިރިމީހާ ޖޯން ލެޖެންޑް އަދި ދުވަސްވީ އެކްޓަރު ޖެފް ގޮލްޑްބްލަމް ހިމެނެ އެވެ.

ޖީކިއު އިން ބުނި ގޮތުގައި ނިކް އަށް ޕޯލްގެ އެއް ވަނައިން ޖާގަ ލިބެން މަގުފަހިކޮށް ދިން އެއް ކަމަކީ މި މަހުގެ ކުރީކޮޅު އިންޑިއާގައި އޮތް އޭނާގެ ކައިވެނީގެ ހަފުލާ އާއި މި އަހަރުގެ މެޓް ގާލާ އިވެންޓެވެ. އެ ދެ އިވެންޓްގައި ވެސް 26 އަހަރުގެ ނިކް ވަނީ ވަރަށް ރީތިކޮށް ހެދުން އަޅައިފަ އެވެ.

View this post on Instagram

From back then to now. I’ve been focused on one thing, and one thing only... being stylish. Not just stylish... being the MOST stylish, and even though it took over 26 years I’m really happy to finally be recognized for this tireless commitment to being stylish. @gq thank you... and you’re welcome. To my stylist @avoyermagyan thank you... and you’re welcome. To all my fellow nominees... keep up the good work. May the style gods be ever in your favor next year. To the fans all over the world who voted for me please know I don’t take this honor lightly. I will wear this stylish crown with pride in my heart, all while in my well tailored “fits”. Happy holidays everyone, and above all... Stay stylish. #style #stylish #gqmoststylishman #gq

A post shared by Nick Jonas (@nickjonas) on Dec 23, 2018 at 7:57am PST

ނިކްގެ ޕޯސްޓް.

އަހަރުގެ އެންމެ ސްޓައިލިޝް ފިރިހެނާގެ މަގާމު ލިބުމުން ނިކް ވަނީ އެކަން އިންސްޓަގްރާމްގައި ވެސް ފާހަގަކޮށް އޭނާ އަށް ވޯޓް ދިން އެންމެންނަށް ޝުކުރު އަދާކޮށްފަ އެވެ.

އޭނާ ބުނި ގޮތުގައި ސްޓައިލިޝް މީހަކަށް ވާން ކުރި މަސައްކަތް އެންމެ ފަހުން ބަޔަކު ވަޒަން ކުރުމަކީ ބޮޑު ކާމިޔާބީއެކެވެ. އަދި އޭނާއާ އެކު އެ މަގާމަށް ވާދަ ކުރި އެންމެންނަށް ވެސް މަރުހަބާ ކިޔާ ކަމަށް ނިކް ބުންޏެވެ.

ފިރިމީހާ އަށް ލިބުނު ޝަރަފާ އެކު ޕްރިޔަންކާ ވެސް ވަނީ އިންސްޓަގްރާމްގައި އެކަން ފާހަގަކޮށްފަ އެވެ.

ޖީކިއުގެ މޯސްޓް ސްޓައިލިޝް މޭން އޮފް ދި އިޔާ 2018" ގެ މަގާމަށް ޖުމްލަ 64 ސެލެބްރިޓީއަކު ވާދަ ކުރި އެވެ.