30 އަހަރު ވުމުން މި ކާނާތަކާ ދުރުވެލާ

އުމުރުން 30 އަހަރު ވުމުން ބައެއް ކާނާތަކާ ދުރުވާންޖެހޭ

މަރިޔަމް ޔަސްމާ، މިހާރު

10 އެޕްރީލް 2019 - 07:32

ކޮންމެ އުމުރެއްގައި ނަމަވެސް، ސިއްހަތަށް ނުރަނގަޅު ކާނާ ކައިގެން ނުވާނެ އެވެ. އެކަމަކު އުމުރުން ތިރީސް އަހަރު ވުމަށް ފަހު ކާނާ އަށް އިތުރަށް ސަމާލުވާން ޖެހެ އެވެ. އެއީ މި އުމުރަށް އެޅުމާ އެކު ބައެއް ބަލިތަކުގެ ނުރައްކާ ވެސް އިތުރުވާތީ އެވެ. މިފަދަ ބަލިތަކާ ތިމާގެ ކެއުން ގެންގުޅޭ އުސޫލާ އޮންނަނީ ވަރަށް ބޮޑަށް ގުޅިފަ އެވެ. ކެންސަރު، ޑައެބިޓީސް އަދި ހިތުގެ ބައްޔާ މެދު މި އުމުރުގައި އިތުރަށް ސަމާލުވާން ޖެހެ އެވެ.

ތިރީގައި މިހިމަނައިލަނީ އުމުރުން 30 ވުމަށް ފަހު ދުރުވާންޖެހޭ ބައެއް ކާނާ އެވެ.

އެކި ފްލޭވާތަކުގެ ޔޯގަޓް

ޔޯގަޓަކީ ޞިއްހަތަށް ރަނގަޅު އެއްޗެއްގެ ގޮތުގައި ލޭބަލް ކުރެވިފައިވާ އެއްޗެކެވެ. އެކަމަކު އެކި ފްލޭވާތައް އަޅައިގެން ތައްޔާރުކޮށްފައި ހުންނަ ޔޯގަޓްގައި މަތީ މިންވަރަކަށް ހަކުރު ހުރެ އެވެ. ޔޯގަޓް ކާން ބޭނުން ނަމަ ޕްލެއިން ޔޯގަޓް ނުވަތަ ގްރީކް ޔޯގަޓަށް އެ މީހަކު ގަޔާވާ ފަދަ ތާޒާ މޭވާގެ ދެތިން ވައްތަރެއް އަޅައި މަސްހުނިކޮށްލައިގެން ކެވިދާނެ އެވެ.

ޖޫސް

ޖޫހަކީ އޭގެ މޭވާހާ ފައިދާ ހުންނަ އެއްޗަކަށްނުވެ އެވެ. މޭވާ އިން ޖޫސް ނެރުމުން އޭގެ ފައިބާތައް މޭވާގެ ތެރޭގައި ހަރުލާފައި ހުންނަނީ އެވެ. ފައިބާ އެހީތެރިވެދެނީ ލޭގެ ތެރެއަށް ދާ ހަކުރުގެ ބައި އެއްފަހަރާ ފޮނުވާލުމުގެ ބަދަލުގައި ލަސްލަހުން ފޮނުމަށެވެ. އެހެންވީމައި ދެން ވާނެ ގޮތް ވިސްނަވާށެވެ.

ޕެކެޓްކޮށްފައި ހުންނަ މޭވާ ޖޫހުގައި އެ މޭވާއެއްގައި ހިމެނޭވަރަށް ވުރެ ވެސް މާ ގިނައިން ހަކުރު އަޅާފައި ހުރެ އެވެ. އަދި އޭގައި ހުންނަ ޖޫސް ގިނަ ދުވަހަށް ބެހެއްޓުމަށާއި ބޯން ރައްކާތެރި އެއްޗަކަށް ހެދުމަށްޓަކައި އެ ތައްޔާރުކޮށްފައި ހުންނަ ގޮތުން މާކެޓަށް ނިކުންނައިރު ވެސް (އޭގައި ހޫނާ ނުގުޅޭ ނިއުޓިޝަނެއް އެކުލެވޭ ނަމަ) އެ ހުންނަނީ ފައިދާތައް ކެނޑިފަ އެވެ.

ވައިޓް ބްރެޑް

ޕާނަކީ އެންމެ އާންމު އެއް ކާނާ އެވެ. މީގެ ތެރެއިން ވެސް ވައިޓް ބްރެޑެވެ. މީގައި ކެލެރީ ގިނަވެފައި ލިބޭ ފައިދާތައް ކުޑަ އެވެ. ފައިބާގެ ބައި ވެސް ހިމެނެނީ ހޯލް ބްރެޑަށްވުރެ މާ މަދުންނެވެ. އަދި ފައިބާ އަކީ ހަށިގަނޑުގެ މަސައްކަތް ބަރާބަރަށް ކުރިއަށް ދިއުމަށްޓަކައި މި އުމުރުގައި ވަރަށް މުހިންމު އެއްޗެކެވެ.

ބާޒާރުން ލިބެން ހުންނަ ފިހުނު ބާވަތްތައް

ފިހެ، ޕެކެޓް ކޮށްފައި ހުންނަ ބާވަތްތަކަކީ ތާޒާ އެއްޗިއްސެއް ނޫނެވެ. އެ ނުބައިވިޔަނުދީ، ތާޒާކޮށް ފެންނަ ގޮތަށް އެތައް ހަފުތާއެއް ވަންދެން ބެހެއްޓުމަށް ތެލާއި ކެމިކަލް އަޅާފައި ހުރެ އެވެ. އޭގައި ހިމެނޭ ސަރުބީގެ ބައި އެހާ މައްޗެވެ. ގޭގައި ތައްޔާރު ކުރާއިރު ގައިމު ވެސް، އަޅަންޖެހޭ އެއްޗެއް ވެސް އަޅާ މިންވަރު މަދު ކުރެވޭނެ އެވެ.

ދެން މި އޮތީ ކާނާއެއްގެ ވާހަކައެއް ނޫނެވެ. އެކަމަކު މިއީ ވެސް އުމުރުން މައްޗަށް ދާއިރު ސަމާލުވާން ރަނގަޅު ކަމެކެވެ؛

ހޮޅިޖަހައިގެން ބޯ ކޮންމެ އެއްޗެއް

ހޮޅި ޖަހައިގެން ދިޔާ އެއްޗެހި ބުއިމަކީ އާންމުކޮށް ކުރާ ކަމެއް ނަމަ ތުންފަތުގެ ވަށައިގެން ރޫޖެހެން ފަށާނެ އެވެ. އުމުރުން 25 އަހަރަށް ފަހު ހަންގަނޑުގައި ހުންނަ ކޮލާޖެން ހަލާކުވާން ފަށަ އެވެ. އުމުރުގެ ވަކި ހިސާބަކުން އެ ރޫތައް ފެންނަން ފެށުން ހުއްޓުވޭނެ އެއްވެސް ގޮތެއް ނޯންނާނެ އެވެ. އެކަމަކު 30 އަހަރުގައި މިކަން ފެންނާކަށް އެކަކުވެސް ނޭދޭނެ އެވެ. ތުންފަތް ވަށައިގެން ރޫ ހުންނަ ނަމަ އުމުރަށްވުރެ މުސްކުޅިކަމަށް ދައްކާނެ އެވެ. އަނެއްކޮޅުން، ޕްލާސްޓިކުން ހޮޅިން ތިމާވެއްޓަށް ދޭ ގެއްލުން ވެސް އެހާ ބޮޑެވެ.

ސިއްހަތު ފައިދާހުރި ކާނާ

9 ކޮމެންޓް, 98 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަހާރަދުން

11 April 2019

އުމުރުން 50 ވީއިރުވެސް ތިބުނާ ކަހަލަ އެއްޗެއް ކާލަން ނުލިބޭ. ޢަދި ކިރިޔާ ގަނެގެން ކާލާނެ ލާރިއެއް އަތަށް އެރީ. މިހާރު ތިބުނަނީ ނުކާށޭ ކިހާ ބޮަޑުކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެޖެންޑާ

11 April 2019

ކުރުނބާ ވެސް މިހާރު ބޮނީ ހޮޅިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭސޭޑް

11 April 2019

ވައީ ގޯ، ވައީ؟ :(

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުބޭ

11 April 2019

ބައެޔެއްނުން ތިމީހުންނާހުރާ. ހުވާމިބުނީ ދެން މަގޭ އަނބިގޮއި ހަރުތެރެއިން އެއްޗެއް ދިރިއަކަނުދޭނެ. މިހާު އާޓިކަލް މިހާރު ހަނދާންކޮށްބަލަ، މިހާރު އާޓިކަލް ހަނދާންކޮށްބަލަ ކިޔާނެ ތަސްބީހައެއްހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންމާދާރުވޭ

11 April 2019

މަރިޔަމް ޔަސްމާ ތީ ޑޮކްޓަރެއްތަ ނޫނީ ނިއުޓްރިޝަނެއްތަ؟ އެއްވެސް ރިފަރެންސެއްނެތި މީނި އެއްޗެއް ނުކާށޭ ބުނުމަކީ ބޮޑުޖޯކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ؟

11 April 2019

ދުރުހެލިވާން ޖެހޭ ކާނާތައް ބުނެދީފަ ވާއިރު އޭގެ ބަދަލުގަ ބޭނުން ކުރެވޭނެ ކާނާވެސް ބަޔާން ކުރިނަމަ ވަރަށް ފުރިހަމަ ވީސް. މިހާރު ކޮންމެ މީހަކުވެސް ވާނީ ؟ މާކެއްގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިލީ

10 April 2019

ދެން ކެވޭނެ އެއްޗެއް ނެތް. މިކެވެނީ ހައްތަހާވެސް ކާންނުވާ އެއްޗިހި.?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިސްޓަމް

10 April 2019

މޭވާ ޖޫހޭ ތިބުނާ ބައި ރަނގަޅު ހެނެއް ހިޔެއް ނުވޭ. އެހެނެއް ނޫން ޕެކެޓް ޖޫސް ރަނގަޅު ނުވެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އފިރ

10 April 2019

ޖޫހަކީ އޭގެ މޭވާހާ ފައިދާ ހުންނަ އެއްޗަކަށްނުވެ. މި އިބާރާތުން ސާފުވެ މޭވާގެ ވާހަކަނޫންކަން. ފުލޭވާ ހަދަނީ މޭވާއިންކަންވެސް އެގޭ ޖެހިގެން އޮތް ޖުމްލައިން. (މޭވާ އިން ޖޫސް ނެރުމުން އޭގެ ފައިބާތައް މޭވާގެ ތެރޭގައި ހަރުލާފައި ހުންނަނީ އެވެ.)