އަންނަ އަހަރު އެންމެ އަމާންވާނެ ގައުމުތަކަކީ ކޮބާ؟

އެތައް އަހަރެއް ކުރިން 2020 އަށް އިންތިޒާރުކުރަމުން ގޮސް އެ ދުވަސް މިހާރު މި އޮތީ ކުޑަތަން ވެފަ އެވެ. އެހެންވެ އާ އަހަރާ އެކު އާ މަންޒިލަކަށް ދަތުރެއް ރާވާ ނަމަ ދާން އެންމެ ރައްކާތެރީ ކޮން ގައުމުތަކެއްތޯ ބަލައިލުން ވެސް މުހިއްމު ކަމަކަށް ވާނެ އެވެ.

ސިއްހީ ހާލަތާއި ދަތުރުފަތުރުކުރަން ރައްކާތެރި ކަމަށް ބަލާ މިންގަނޑުތަކުން ކިރާ އިރު އިންޓަނޭޝަނަލް އެސްއޯސް އިން، އަންނަ އަހަރު ދަތުރުކުރަން އެންމެ ރައްކާތެރި ގައުމުތަކުގެ ތެރޭގައި ފާހަގަކޮށްފައި ވަނީ ޑެންމާކާއި ފިންލެންޑާއި ގްރީންލޭންޑާއި އައިސްލޭންޑާއި ނޯވޭ އާއި ސްލޮވޭނިއާ އާއި ލަގްޒެމްބާގްގެ އިތުރުން ސްވިޓްޒަލެންޑެވެ.

އިންޓަނެޝޭނަލް އެސްއޯސް އިން ބުނި ގޮތުގައި މި ގައުމުތަކަކީ ސިއްހީ ބަލިމަޑުކަމެއް ނެތް އަދި ސިޔާސީ ގޮތުންނާއި އެތެރޭގެ އަމާންކަމާއި ސުލްހަމަސަލަސްކަމާއި އެތަނުންތުގެ ހިތްގައިމުކަމުގެ ސަބަބުން ދަތުރުކުރަން އެންމެ ރަނގަޅު ތަންތެނެވެ.

އަންނަ އަހަރު ދަތުރުކުރުން އެންމެ ރައްކާތެރި ނޫން ގައުމުތަޖުގެ ގޮތުގައި ފާހަގަކޮށްފައި ވަނީ އަފްޣާނިސްތާނާއި ސޯމާލިއާ އާއި ސީރިއާ އާއި ސެންޓްރަލް އެފްރިކަން ރިޕަބްލިކް (ސީއޭއާރް) އެވެ.

މީގެ އިތުރުން މެކްސިކޯ އާއި ކޮލަމްބިއާ ހިމެނެނީ އަންނަ އަހަރު ދަތުރުކުރަން އެކަށީގެންވާ ތަންތަނުގެ ތެރޭގަ އެވެ. އެ ދެ ގައުމުގެ ރޭޓްކޮށްފައި ވަނީ އެންމެ ރައްކާތެރި އަދި އެންމެ ރައްކާތެރި ނޫން ގިންތި އެއްކޮށްލައިގެންނެވެ.

މީގެ އިތުރުން ލޯ ރިސްކް ގައުމުތަކުގެ ގޮތުގައި އިނގިރޭސިވިލާތާއި އެމެރިކާ އާއި ކެނެޑާ އާއި އޮސްޓްރޭލިއާ އަދި ޗައިނާ ލިސްޓްކޮށްފައިވެ އެވެ.