ޖަޕާނު މަހުޖަނު ބައިވެރިޔަކާ އެކު ހަނދަށް ކުރާ ދަތުރު ކެންސަލްކޮށްފި

އަހުމަދު އަދްޝަން، މިހާރު

31 ޖެނުއަރީ 2020 - 08:00

ޖަޕާނުގެ މަޝްހޫރު މަހުޖަނު ޔުސާކޫ މައެޒާވާއާ އެކު ހަނދަށް ދާނެ އަންހެނަކު ހޯދަން ހުޅުވާލައި 20،000 އަށް ވުރެ ގިނަ މީހުން ކުރިމަތިލާފައި ވަނިކޮށް، ބައިވެރިއަކު ހޯދަން ނިންމި ނިންމުން ކެންސަލްކޮށްފި އެވެ.

އުމުރުން 44 އަހަރުގެ މަހުޖަނު ބުރާސްފަތި ދުވަހު ކުރި ޓްވީޓްތަކެއްގައި ބުނީ ބައިވެރިއަކު ގޮވައިގެން ހަނދާން ދާން ނިންމި ނިންމުން އަމިއްލަ ސަބަބުތަކާ ހެދި ކެންސަލްކޮށްފައިވާ ކަމަށެވެ.

އެކުގައި ހަނދަށް ދާނެ މީހަކު ހޯދަން މި މަހުގެ 12 ވަނަ ދުވަހު އިއުލާންކޮށް، 17 ވަނަ ދުވަހަށް މުއްދަތު ހަމަވި އިރު، ޖުމްލަ 27،722 އަންހެނުން ކުރިމަތިލާފައިވެ އެވެެ.

Due to personal reasons, I have informed AbemaTV yesterday with my decision to no longer participate in the matchmaking documentary, hence requested for the cancellation of the show.
— Yusaku Maezawa (MZ) 前澤友作 (@yousuck2020) January 30, 2020

ނަމަވެސް ބައިވެރިއަކަށް ދޭން ނިންމި ފުރުސަތު ކެންސަލްކުރުމަކީ ކުރިމަތިލި އަންހެނުންނަށް ލިބޭނެ ވަރަށް ބޮޑު މާޔޫސް ކަމަކަށް ވާނެ އެވެ. ޔުސާކޫގެ ޓްވީޓްތަކުގައި އެކަމަށް މާފަށް އެދިފައިވެ އެވެ.

To think that 27,722 women, with earnest intentions and courage, had used their precious time to apply makes me feel extremely remorseful to conclude and inform everyone with this selfish decision of mine.
— Yusaku Maezawa (MZ) 前澤友作 (@yousuck2020) January 30, 2020

ކުރިން ހަމަޖެހިފައި އޮތް ގޮތުން ޔުސާކޫއާ އެކު ހަނދަށް ގެންދަން ކޮލިފައިވާ މީހަކު އިއުލާންކުރަން އޮތީ މާޗް މަހުގެ ފަހުކޮޅު އެވެ. އަދި ހަނދަށް ކުރާ ދަތުރު ޖަޕާނުގެ އަބީމާ ޓީވީން "ފުލް މޫން ލަވާޒް" ގެ ނަމުގައި ލައިވް-ސްޓްރީމްކުރާ ގޮތަށް ވެސް އޮތީ ހަމަޖައްސައިފަ އެވެ.

I understand that I have disappointed many people - the applicants and all the staff from AbemaTV who were involved in the production - and I apologize to everyone for my unfavorable actions.
I am truly sorry from the bottom of my heart.https://t.co/UvnhXov8xB
— Yusaku Maezawa (MZ) 前澤友作 (@yousuck2020) January 30, 2020

ބައިވެރިއަކު ގެންދިއުން ކެންސަލްކުރި ނަމަވެސް އީލޮން މަސްކްގެ ސްޕޭސް އެެކްސް އިން 2023 ގައި ފަށާ ސްޕޭސް ޓޫރިޒަމް ޕްރޮގްރާމްގެ ތެރެއިން ޔުސާކޫ ހަނދަށް ދަތުރުކުރާނެ އެވެ.

އަދި ކުރިން ރޭވި ގޮތާ ހިލާފަށް އެ ދަތުރުގެ ލައިވް-ސްޓްރީމް ޖަޕާނުގެ އަބީމާ ޓީވީން "ފުލް މޫން ލަވާޒް" ގެ ނަމުގައި ޑޮކިއުމަންޓްކުރުން ވެސް ކެންސަލްކޮށްފައިވާ ކަމަށް ޔޫކާސޫގެ ޓްވީޓްގައި ބުންޏެވެ.