ކުއްތާއެއް ވޮލީކުޅޭ ވީޑިއޯއަކަށް ސަމާލުކަން

އަހުމަދު އަދްޝަން، މިހާރު

07 އެޕްރީލް 2020 - 08:06

ކޮރޮނޯވައިރަހުގެ މި ހާސްކަމުގެ ތެރޭގައި ވެސް މަޖާ އަދި އުފާވާ ކަހަލަ ކިތަންމެ ކަމެއް އެބަ ފެނެ އެވެ.

މިހާރު އެންމެ ވައިރަލްކޮށް އެނބުރޭ އެއް ވީޑިއޯ އަކީ ކުއްތާއެއް ވޮލީކުޅޭ ތަން ފެންނަ ވީޑިއޯއެކެވެ. އޭގައި ފެންނަނީ ވޮލީ ކޯޓެއްގެ އެއްކޮޅުގައި ދެ މީހަކު އަނެއް ކޮޅުގައި މީހަކާއި ކަޅު ކުލައިގެ ކުއްތާއެއް ތިބެގެން ކުޅެނިކޮށެވެ.

View this post on Instagram

Thanks for playing with me @mathiasberntsen96 @olimstademilie @frida_berntsen ❤️ . . . . #dog #dogsofinstagram #volleyball

A post shared by Kiara (@kiarathevolleydog) on Apr 4, 2020 at 8:55am PDT

މި ވީޑިއޯ ގިނަ ބައެއްގެ ސަމާލުކަމަށް ކުއްތާ "ވަރަށް މޮޅަށް" ކުޅޭތަން ފެންނާތީ އެވެ. ބޯޅައިގައި ޝޯޓެއް ޖަހައިލަން ލިބޭ ކޮންމެ ފުރުސަތެއްގެ ބޭނުން އޭތި ވަރަށް ރަނގަޅަށް ހިފާ ތަން ފެނެ އެވެ. މި ވީޑިއޯގެ ކުރިން މި ކުއްތާ ދެ މީހަކާ އެކު ވޮލީ އަށް ޕްރެކްޓިސްކުރާ ވީޑިއޯއެއް ވެސް އާންމުކޮށްފައިވެ އެވެ.

View this post on Instagram

A post shared by Beachvolley Vikings (@beachvolleyvikings) on Mar 29, 2020 at 9:00am PDT

އިންސްޓަގްރާމްގައި މި ވީޑިއޯތައް އާންމުކޮށްފައި ވަނީ ނޯވޭގެ ވޮލީ ޓީމެއް ކަމަށްވާ ބީޗްވޮލީވައިކިންސް އިންނެވެ. ކިއާރާގެ ނަން ދީފައިވާ އަންހެން ކުއްތާ މީހުންނާ އެކު ވޮލީ ކުޅޭ މި ވީޑިއޯ ވަރަށް ގިނަ ބަޔަކު ޓްވިޓާގައި ވެސް ހިއްސާކޮށްފައިވާ އިރު، އެ ބެލި މީހުންގެ އަދަދު އެތައް ލައްކައަކަށް އަރަ އެވެ.

Don’t send me another video via WhatsApp unless it’s this good. pic.twitter.com/u8clZJ8qoV
— Jarlath Regan (@Jarlath) April 4, 2020

ކިއާރާ އަށް ލިބުނު ސަމާލުކަމާ އެކު ޓީމުން މިހާރު ވަނީ އޭތީގެ ނަމުގައި ވެސް އިންސްޓަގްރާމް އެކައުންޓެއް ހަދައިފަ އެވެ. ކިއާރާދަވޮލީޑޯގް ނަމުގައި ހެދި އެކައުންޓް ފޮލޯކުރާ މީހުންގެ އަދަދު މިހާރު 18،000 އަށް ވުރެ ގިނަ އެވެ.